【ツ】أحلى تجمع لأحلى حوامل التوائم 【ツ】 ‏الجزء الثالث

رضاك ربي · 04-23-2011, 06:05 AM

مشكورة غروم عالحديث النبوي جزاك الله خير
عشمانة ربي يسر امرك ويكتب لك السلامة ولسنافرك
سارونة ابشرك سهرت للساعة 12 وصحيت 3 او اربعة وللصبح وعندي قلق والم من القولون ههههه حمدلله الذي لايحمد على مكروه سواه

كاسبر · 04-23-2011, 06:56 AM

السلام عليكم
كيفكم ياحلوات ؟

ديم الوفا ..والله ياليته وحدة تسويه عندها بس خلاص الواحد يتجمل وش اسوي ؟!!
الامل ارسلي لي ع الخاص اللي عندك .. والله تسوين خير خاصة طريقة الفوتشيني زمان ماسويتها
غرومه ابشرك اجلو اللقاء اسبوعين قدام ان شاء الله يكون وضعي أفضل.. وموضوع الشبه تأكدي لايكون بدع وخرابيط لانه لو ماثبت بشكل صحيح اخاف يكون مفعولها العكس بسم الله عليك انتي وعيالك
يعني شي مايقوله الله ورسوله خربوطي وحليفه ابليس
ندوش اهلين يالقاطعة وينك اشتقنالك
الله يتمم لك نونو ويكتب لك الحمل يااااارب
رضاك مبروك السهر :))

البقية ان شاء الله بخير ؟

ام منووو · 04-23-2011, 07:02 AM

صباح الخير
تسجيل دخول من الدوام
الله يعين
كيفكم كروشات
بسالكم بنات انا الحين لي 25 اسبوع و5 ايام يعني باي شهر

سآره · 04-23-2011, 07:06 AM

صباح الخير على احلى تجمع

رضاك..اي احسن كذا اجل من 9نايمه يابنت الحلال اسهري واستانسي قعدي على النت والتلفزيون وحطي حيلك في الاكل هذا اللي كنت اسويه في حملي والشارع مااشوفه الا من الموعد للموعد

الامل ..اخبارك وشخبار الشغاله والعيال حتى انا رسليلي طبخات يمكن اتسنع واشتهي اطبخ تراني فااااااااااشله في الطبخ ومالي خلق المطبخ بس بحاول اسنع نفسي

عشومه..انشاء الله تقومين انت والنونات بالسلامه والله يكتب لك الولاده الميسره

غرومه..بطبق الحديث والله يخفف عني وعنك الضيقه وان شاء الله تجيني شغاله سنعه غرومه حسيتي لما ولدك صار عمره سنه ان خلاص خف التعب وقلت المسؤليه ولا؟؟

عذوبه..كيري <<كنت بكتب كرافت بس قلت كانه غلط خخ..طوق الياسمينا..مجرد انسانه..متلهفه لضمته..بنكي ..احلى توينز..الياه

طمنونا عنكم عسى المانع خير ان شاء الله

سآره · 04-23-2011, 07:08 AM

كاسبراخبارك واخبار الوحم وياك ان شاء الله خف؟؟ انت من وين؟؟وشلون الحياه في الغربه وناسه..؟؟؟

رضاك ربي · 04-23-2011, 07:17 AM

هلا وغلا بالجميع دون استثناء صباحكم شهد وورد

*كوين* · 04-23-2011, 08:11 AM

عشومة
الله يهونها عليكي ياااارب وتقومي بالسلامة انتي والبيبيات
طمنينا عنك

*كوين* · 04-23-2011, 08:14 AM

اللهم لك الحمد كما ينبغي لجلال وجهك وعظيم سلطانك
حبيت اخبركم اني ولدت يوم الخميس 21- 4 2011
بعملية قيصرية في الاسبوع 34 و3 ايام
وانا لازلت بالمستشفى تعبااانة جدا
والبيبيات في الحضانة وحسب كلام الدكتور رح يخلوهم اسبوعين او ثلاثة لحد ما يتحسنوا
دعوووواتكم

الياه · 04-23-2011, 08:45 AM

صبــــــاح الشوق لأحلى تجمع

أخباركم عساكم بخير أنتم وكل من يعز عليكم
وأهم شي التوينز الله يحفظهم ويفرحنا بشوفتهم
وهم بصحه وعافية

سارة وكل من سأل عني واللي ما سأل
تخبرت عنكم العافية
الحمدلله انا بخير وسهاله، وان شاءالله هالخميس
بيكون عندي موعد وصورة وبطمن على حبايب قلبي
وبتتحدد نوع الولادة، وأن شاءالله تكون طبيعية لي
ولكل اللي في التجمع

بس الدوام ومسؤولية البيت بدون ريلي
تهد الحيل، ما اشوفه ألا في الويك أند
وساعات بس من اليوم
سبحان الله مع أنه حملي هالمره غير لأنهم توأم
أحسه غير مب مثل قبل يحاتيني ويدلعني
بالعكس ما اسمع الا انتقادات
أموووله أنا وياج إذا عزمتي عطيني خبر
ولنطالب بثورة ضد الأزواج يمكن يحسون شوي

كان عندنا امس عزيمة على الغدا وحفلة ميلاد بنتي
العصر وطبعا أنا على اعصابي من يوم الثلاثاء
ولا الحلو في الموضوع كنا مسوين لها حفلة بالخميس في الروضة، وفي بيتي وياهلي العصر
وبنات اخت ريلي مايوى الا عقب المغرب
وسرنا يبنا كيكة ثالثة واحتفلنا وياهم للمره
الثالثة بس عشان ما نكسر خاطرهم
كان يومي متعب ورقدت عقب الساعة 1 الفجر
وناشة بنشاط الصبح
الله يعين
على طاري العزيمة
كاسبر/ الله يعينج حبيبتي على العزيمة حاسة فيج
حملي هذا كله عزايم على غدى وعشى لأنه ناقلين بيت جديد، وأذا على الريل ماعليه صح مايقصر
الأطباق الرئيسية نيبها من مطعم بس العصاير والسلطات والحلووو وترتيب البيت كله فوق راسي
وأحلى شي يوم يوقول لي لا تعبين عمرج وفي نفس الوقت
ينتقدني لو شافني مريحه شوي<<< شوفي بيتج أحس فيج برووود
ولو شافني اشل ولا احط<<< لاتعبين نفسج في ذمتج لو صار لج شي
مب تناقض يرفع الضغط
ماعلينا، خلنا في كاسبر خلي ريلج أييب الحلو والاطباق الرئيسية من بره
وأنت حاولي تسوين بس السلطات في البيت
وخلي ريلج في الصورة مايدق على صدرة ويعزم
وأنتي تحملين هم العزيمة
والله يعينج على الوحام والعزيمة

عشووووومة/ قلبي وياج ، اسأل الله العظيم رب
العرش العظيم أن يسهل ولادتك، ويهون طلقج، ويقومج بالسلامة أنتي والتوينز ويفرح قلبج بشوفتهم، طمنينا عليج، وبششرينا بسلامتج

والله أني خايفة يتبطل على الماي
من كثر ضغط الدوام
وحركتي مع عيالي خاصة ولدي الصغير وايد
متمسك فيني يوم يشوفني مايطيع يفارقني
حاس باللي يايين
وأنا بس قايله له أنا بيبي واحد
بيتفجأ يوم بيشوف الأثنين

دموووع الشوق/طمنينا عليج وعلى التوينز
لاطولين الكل يحاتيج بشرينا بسلامتج

مها /اليوم موعدج الله يجعلة يوم مبارك ويفرحنا
بسلامتكم جميع

رضاااك ربي/ أخبارج ، عساج بخير
حبيبتي بعطيج معلومة لج وللجميع
تعرفون سبحان الله أنه الأنسان يوم يرقد الساعة 9
أو 10 يفرز الجسم هرمون السعادة ولو سهرنا يفتقد الجسم
هالهرمووون ومنو ما يبى يكون سعيد
بس عني ما ارقد
ألا الساعة 1 أو 2 من شغل الدوام
وتمنياتي لج وللجميع بأيام كلها سعادة

سارة/ أحس عيالج عندهم مشكلة وأنتي مب قادره
تعرفين شو السبب اللي مخلنهم مايرضعون ولا يرقدون
الله يعينج على تربيتهم
وعلى فكرة كل ماكبر الياهل زادت مسؤوليتهم
أكثر صح يعتدل نومهم بس مع حركتهم
تزيد مسؤوليتج ومتابعتج لهم

غروووومه/ شخبارج ويا السهر والعيال
الله يعطيج العافية ويعينج على تربيتهم
ويجازيج عنهم خير جزاء

هذربت واااايد عسى ما حشرتكم بس

وأخبار الجميع؟؟؟
هذا اللي قدرت اجمعه من الردود
بس ما في حد ربي؟؟؟ أو أعضاء جدد للمنتدى
عشان الجدول؟؟؟

الياه · 04-23-2011, 08:52 AM

كوين

تستطيع أن ترى الصورة بحجمها الطبيعي بعد الضغط عليها

الحمدلله على سلامتج
ومبروووووك ماياج، والله يحفظهم لج ويجعلهم من موااااليد
السعادة البارين فيكم ويجعلهم
قرة عين لج ولأبوهم
نفس يوم ميلاد بنتي البكر
الله يحفظهم جميع

الا ماقلتيلنا شو نوعهم؟؟

هذا أول بشارة بسلامتج
وعقبال البقية يطمنونا عليهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
▪ ≡ ツ】 ● 需 قمة السخافه 需 ● 【ツ≡ ▪	كاتمة الاحزان	المـنـتـدى الـعـام	12	03-04-2013 09:08 PM
••• 【♥】اعرفـ شخصـيـتكـ الكرتونيهـ مـنـ اجوبـــتــك【♥】•••	زوجي كل حياتي	ملتقى عضوات حوامل	41	08-27-2012 03:49 AM
【♥】【♥】【♥】حملة : أنا حامل بأذن الله ^,^【♥】【♥】【♥】	حبة السكر	منتدى علاج العقم و تأخر الحمل	136	05-29-2012 03:17 PM
【ツ】 اللقاء الأول .. ترى كيف سيكون شكله 【ツ】	لغة صمتي	إستفسارات حوامل من الشهر الرابع إلى الشهر السادس	22	05-27-2012 03:25 AM
••• 【♥】حلا اتعب وانا اقول كشخه بالصور【♥】•••	زوجي كل حياتي	قسم التغذية	19	04-19-2011 09:44 PM