تجمع حوامل العراق واتمنى اكو احد موجود

[مجنونة بحبها]

عيني بنوتات شو محد كاتبه عمره شنو تخافون

[مجنونة بحبها]

راح اسولفلكم قبل مااروح انا متزوجه بيت متكون من زوجي وامه بس
زوجي عمرهه 42سنه وهو الاخير مثل مانكول الكعده فاتصوروا شكد عمر امه بالمختصر المفيد عجوز من عجايز زمان الي ميعجبه العجب
ومطلعه روحي بالحجي والبسامير والتدردم
وتصدكون البارحه العصر جان زوجي يكتب بالفيس بوك وانا اجيت اكعد يمه ادلع تدرون شكلي يكلي كومي لاتشوفج امي وتنقهر تدرين هي تنقهر من تكعدين يمي بالله الله عليكم شسون لو انتم بمكاني
وازياده تسميني الفكر لاني ما يثبت عندي طفل
ما اكول غير حسبي الله ونعم الوكيل

[دلو]

لا اله الا الله شنو معقول اكو هيج عمات عبالي بس بمسلسلات هاي مثل عمت فكرت بالاوراق المتساقطة ههههه شايفتهة الله يساعدج حبيبة انتي شكد عمرج شو زوجج جبير

[توتايه]

لا اله الا الله حبيبة ماما هاي شنو لو اني منج اخليلها الاكل مالتها مالح واخلص منها

اي دلو على كولة مثل عمة فكرت ام اذانات

[نعومه التميمي]

هلو ينات شلونكم شخباركم انشاءالله كلكم زينين
الله يساعدج حبيبة ماما صدك اكو ناس متنحمل وتغار من جنته

[توتايه]

هلا نعومه حبيبتي منوره الف هلا

بنات سويت حليب وكورفليكس لان ماكو غير طريقه يدخل بيها الحليب لجسمي وجان استفرغه كله ما اجرع الحليب بس كولولي شسوي والله راح اموت قهر

[نعومه التميمي]

هلو توتايه حبيبتي شلونج وشخبار النونو هاي انتي مثلي من صرت حامل السه ما شاربه الحليب لان مااكدر اجرعه بس حولي تاخذينه حليب بل فواكه اصور يكون اطيب

[مجنونة بحبها]

انا اجيت
شلونكم وشخباركم
مشكورين على تفاعلكم ويه مصيبتي شسوي بنات
الفاس وكع بالراس متحمله على اعصابي
هسه قبل شوي تاكل وتعيب على الاكل رغم اني اطبخلهه على الي تشتهيه مثل التتنسه
تعرفون تقاليدنه بالعراق الوحده من تتزوج لازم تتحمل
وراهه شامت ومتصتن مثل مات عجايز
دلو كلتلكم انا عمري 25 سنه بس قسمه ونصيب

[نعومه التميمي]

هاي شسوين حبيبة مام تتحملين على مود زوجج كل اعجايز هيج شخبار فطومه

[مجنونة بحبها]

اي عيني اكو هيج مثل المسلسلات للاسف انا زوجي ميقبل اباوع على المسلسلات خاصه التركيه موكلتلكم سجن ابو غريب
حتى صديقات ماعندي وياريت تقبلوني صديقه الكم