تجمع الحوامل اللاتي سيلدن بشهر ربيع الاول 1432 ‏

[غزاله شقرا]

اوكي وانا بروح انام
ـ نبض طمنينا عنك الصباح راح ادخل اشيك واطلع انتظرك بعد ما ترجعين

[أم ماهر]

وين وين بتروحون وتخلوووني لوحدي ماني طالعه لين اشوووف كابتشينوو وحشتني

[وردة ينبع]

صباح الخير يابنات

[وردة ينبع]

أتقدم بأحر التهاني والتبريكات


للأخت الغاليهكابتشينوو ...


بقدوم المولوده


كابتشينو







جعلها الله من مواليد السعاده ومن الذريه الصالحه

[وردة ينبع]

السلام
اخباركم بنات ان شاء تمام
نظرا لان موعد ولادتي قربت جلست افرفر في المواضيع وادور شي يخفف الالم بعد الله
لقيت موضوع كاتبته وحده انا بصراحه ودي اجربه وخايفه فقلت مالي الا انتم ايش تنصحوني اجرب اولا



بالله اسمعوني والله ما أكذب ياجماعه انا مجربه هذه الوصفه وعائلتي مجربتها كلنا نمدح فيها ومجربين فرق الولاده باستخدامها ومن غيرها...


عمل هذه الوصفه:
تفتح الرحم شويه شويه في مدة اسبوعين وانت ماتشعرى بحاجه
(ولله سلفتي راحت تراجع عند الدكتوره إلا الدكتوره استغربت قالت لها:الرحم عندك مفتوح اربعه سم انتى منتي حاسه بشي؟؟

وانا رحت للدكتوره وكنت بكر يعني حامل باول طفل ليا جاتني اوجاع زي الآم الدوره الشهريه ورحت وكنت امزح مع زوجي اقوله أتخيل تكون ولاده؟؟لأن الالام كانت مش جامده كثير

إلا الدكتوره تقولي الرحم مفتوح عندك سبعه سم؟؟)



الوصفه وطريقة عملها:



الوصفه عباره عن:

كمون + ينسون + نينخه + شمر + حلبه + محلب + حبه سوداء(حبة البركه)

طبعا كل الحتويات هاذى حبوب مش مطحونه

اما طريقة تناولها فهي كالتالى:

ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب

تشرب هذه الوصفه بعد مرور اسبوعين من الشهر التاسع كل يوم مره واحده


الله يسعدكم انشروا هاذى الوصفه لكل اللي تعرفوه

ترى انا ما اشوف حامل إلا اعطيها الوصفه سواء كنت اعرفها ولا لأ

الله يسهل لكل وحده حامل و يرزق اللي ماعندها اطفال.......

ولا تغفلوا عن نقطه مهمممه جدا جدا وهى الاساس لتسهيل الولاده وهى


الدعاء ..الدعاء..الدعاء........فالله عز وجل بيده تسهيل جميع الامور في حياتنا
والاكثار من تلاوة القرآن الكريم.......

منقووووووووووووووووله يابنات من احد المنتديات والحين تشوفوني ردودد البنات

[وردة ينبع]

صاحبة لى نزلت الموضوع

مساء الخير/ صباح الخير
ابشركم ولله الحمد ولدت
وجبت سعود الله يسخره لي ولباباته
وصار عندي جودي وسعود
الله يحفظهم لي


المهم انا نزلت في المنتدى قبل فترة من الزمن<< اكشخني على هالكلمه
وهذا رابطة الموضوع
http://forum.hawaaworld.com/showthread.php?t=2846310

ترددت كثير
وكان متبقي على ولادتي اسبوعين
جازفتت وقلت بجرب
بس انا ماحطيت النانخه لانها ماكانت متوفره عندي
وجلست اشرب فيها الطعم وع مو ذاك الزود
واحيانا اقول خلاص بطنش بس كان زوجي فديته يجبرني واضطر اني اشرب
تحددت ولادتي يوم الاربعاء الموافق 22 /2
وكنت ميته رعب
وانواع البكاء والنفسيه
رحت ليلة الاحد لبيت اهلي اشرح لاختي <<من زود الشطاره
ونمت عندهم وكنت احس في الليل بالم خفيف زي الطلق بس كان اخف من الم الدوره وكان منتظم كل ربع ساعه
ثم فجاه اختفى الالم صحيت الصبح وكان الوضع عادي بالليل رحت ومشيت انا وزوجي مشيت تقريبا 2كيلو
حسيت اني خلاص تعبت ورجعت لبيت اهلي والساعه 10 رجعت لبيتي
وجلست انا وزوجي وبنتي والساعه 2 قررنا ننام
وانا على الفراش اسولف مع زوجي والعب اونو حسيت بالم هم كان خفيف قلت له تخيل اولد الليله وانا الحين جالسه العب المهم بدا يزيد الالم ويصير حار صار الالم كل دقيقين وانتظم قلت لزوجي صدقني ولاده
اخذنا بنتي ونزلناها في بيت اهلي واخذت شنطة المستشفى
وطياران على المستفي بدا يزيد الالم وصرت اتمسك بيد زوجي كل ماتجي الطلقه
صراحه كان الطريق طويييييييييل وانا تمنيت انه يطول اكثر خفت ادخل المسشفى ويقولون ولاده
وصلنا وجاب لي زوجي كرسي متحرك جلست ودفني لين الباب وبعدين اخذتني الامن
ودخلتني انا كنت ابكي لاني تذكرت ولادتي الاولى وصرت ارجف
دخلت وانسدحت على السرير جت الدكتوره وشيكت قالت مفتوح 5سانتي انا انصدمت لاني ولادتي ببنتي جلست يومين احس بالطلق
ونوموني وهو 4سانتي وتعذبت من الساعه 1 ماولدت الاالساعه 8
المهم قلت للدكتوره خلاص انا بروح للبيت وشوي ارجع لكم قالت لاااااااااا
هذا ولاده انا كنت ادري بس كنت ابي اهرب
طلعت لزوجي علان يسوي اوراق التنويم
المهم الساعه 4 الا ربع دخلت قسم الولاده طبعا اعطوني الحقنه الشنيعه <<اكيد عرفتوها
وركبوا جهاز قياس نبض البيبي
بدا الالم يزيد وكنت كل ماحس بالالم اقرا سورة الزلزله وكنت اقراها بصوت عالي والممرضه فلبينيه مبحقله فيني
جاء الدكتور هنا انا انصدمت اللي بيولدني رجال
في البدايه كنت حاطه يدي على وجهي بس بعدين ماعاد يهمني همني الطلق يخلص واولد
قاس الدكتور قال 8 وكمل بيده الباقي
وبط كيس المويه ونزلت المويه
وبديت احس اني بروح للحمام وعرف ان البيبي قرب يطلع
وصراحه تعب كثير وقت الدفع وانقطع حيلي اسم الله عليه كان وزنه 3 و20 غرام بالياله طلع
وقالوا مبرووووووك ولد
وكانت الساعه 5و55دقيقه
ماشاء الله يعني الطلق والولاده بس اقل من ساعتين
وبكذا انتهت قصة ولادتي
انا عن نفسي احس اني استفدت من هالخلطه ودعيت لصاحبتها الله يسعدها

[نبض الشوووق]

صباح الخير ورده
لا تستعجلين ما بقى شي غير 8 ايام استحملي
انا اجل من 3 ايام شريت زيت الخروع وقلت بستخدمه وللحين موجود بكيسته خفت اخذه واشربه ويبرز بعدها في بطني
الى خلنه نصبر اكثر من 200 يوم ما نقدر نصبر من 8 ايام
والله يهون عليج

[وردة ينبع]

نبض لا ياقلبي يقولك انه تفتتح رحم بسرعة بدوووون الالام انتى ايش رايك

[نبض الشوووق]

والله ما ادري
انتى اخبارك مافيه بوادر طلق او شي
اليوووم بقول لهم يسووون لى تحريض انتى شرايك

[نبض الشوووق]

اوك ورده استاذن لانه قرب وقت موعد اقوووم اتجهز دعواتكم لى