دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

والله ياانبثاقه عيشي حياتك بقدر الامكان

بكره الخلفه مابتخليكي تعملي شي كلو بحدود

اي انا لما بدي اعمل استشوار بالعافيه ههههههههههههه

الصغار بربطو بقيدو ... وطبعا ربنا رايدلك الخير

انتي كم سارلك متجوزه سنه ؟؟ سنتين ولا شي

كيف يلي بيصبرو 8 سنين ولا اكتر

ع فكره حماتي حملت بعد 8 سنين تخيلي قولي الحمد لله

[إنبثاقة أمل]

كلامك صحيح والواحد يعيش يومه الين ربي يكتب له

بس بتعرفي الا ما الشيطان يلعب بالواحد اعوذ بالله منه

كمان كم يوم بصير لي سنه و8 شهور

اكيد الله يعينهم ويارب ما يطولها علينا .. ويكرم كل مشتهي ياااارب

انا بنت حماي قعدت 17 سنه والحمدلله ربي اكرمها


ربي يسعدك احساس

[احساس أنثى]

شايفه قولي يارب وخلص يلي زيك لسى عروسه

احنا شعب غزه هيك مخنا وتفكيرنا عبيط

انتي بتقولي حماتك اجنبيه طيب جوزك مش متأثر فيها لانو الاجانب مو كتير بهتمو للخلفه من اولها مش زينا اذا تجوزت الوحده خلص بسير كل همهم متى حمل !!

[إنبثاقة أمل]

لا لا انا حماتي من نفس البلد فلسطينيه مو اجنبيه

وبالعكس حماتي كل شهر بتحكي روحو واطمنو

بس الميزه فيها مابتحكيهن هالشغلات قدامي بتحكي لزوجي

بس زوجي من النوعيه الي خلص قنوع الحمدلله ومابحب يحكي بشي مو بإيدنا

بحكي نحنا بنعمل الي علينا وخلص وكل شي من عند ربنا

[احساس أنثى]

كلامو صحيح يبقى خلص مادام كل يلي حوليكي مو ضاغطيبن عليكي

ليش بتضغطي على نفسك ... هوني على حالك .. وان شاالله ربي حيكرمك عن قريب

[~{{ DoDo }}~]

اهلا اهلا والله باحساس وانبثاقة

احساس انا اليوم بفكر اعمل رز كبسة على دجاج بدي اسال زوجي واشوف لانه اليوم اجازة
عشان اليوم الوطني هون بالامارات ؛). شو طابخة انتي اليوم ؟

انبثاقة حبيبتي والله انا تاخرت سنة ونص و اكتر شوي يمكن حكيت هون قبل هيك
اللي كان مواسيني انه زوجي كان عادي وقنوع متل زوجك ومش قلقان بيقللي ازا البيبي ما اجا منك ما بدي اياه خلص
والحمدلله ربك كريم لما بدو يعطينا بيعطي وبكرم كمان وبدون ما تتوقعي
اللي كان مخفف عني كمان انه انا بغربة ومن يوم ما تزوجت ما نزلت غزة ولا مرة
بالاحرى عشان ما اسمع كلام من هون وكلام من هون وانه يا حرام وابصر شو

عيشي حياااااتك ولما ربنا يريد حيبعتلك احلى نونو بالدنيا ؛)
شو طاااابخة قوليلنا ؟

بنات جاي عبالي مخلل خيار وزوجي مش راضي يجيبلي قال مش منيح للحامل بيعمل املاح :(((

[بينك روز]

صباح الخير
حبيباتي شو اخباركم
دودو الله يسعد صباحك يارب كيف النونو ان شاء الله بخير
احساس ولي يادبة صاحيه تفكري بالمؤن انا بكره مؤنا ههههههههههه
ام عزمي نعيما مقدما على الشور
انبثاقة امل حبيبتي هوني عليكي شوي مابصح هيك تتنكودي دايما لازم تكون نفسيتك مرتاحه مشان ييصير عندك حمل ان شاء الله

[~{{ DoDo }}~]

بينك يسعدلي هالصباح
انا الحمدلله والبيبي تمام كمان ، بطوني شوي بينخزني وبيوجعني اليوم شكلها توسعات ههههه
الله بيعين

كيفك انتي وكيف رهوفة الحلوة ؟

[إنبثاقة أمل]

ربي يسعدكم ولايحرمني منكم

خلص ان شاء الله اعدل من نفسيتي واصير احسن

[احساس أنثى]

هلا دودو عاملين سمك قريدس تفضلي بتحبيه ؟؟

ع فكره جوزي كان متلك مايجيبلي لا الشبس ولا المخللات بس اروح بالسرقه عند اهلي او عند اي حد واكلو شو اعمل كنت اموت على الحوادق


بينك هههههههههههههه لانا فتحنا على النت الصبح طلع معانا 5-12 واحنا لسى مش جايبين الكرت افطرنا ورحنا جبناه ^_^
ضفتي رهوفه يااسوم ؟؟ عشان تسيري تاخدي كيسين طحين هههههههههههه