دردشة بنات العراق, دردشة حوامل العراق , تجمع بنات العراق

[زينب السعدي]

الله يساعدج فطومة يعني صدك مو وضعية شنو هالبرود الله لا ينطيهم لعد وين الانسانيه ...يعني ميفكرون بالحالة النفسية للمريضة ...مااعرف شكولج والله اني لو بمكانج اروح للمستشفى وواتعارك واكلبها كلاب

[*ام هيمن*]

هلو بنوتات شلونكم
منو موجودة؟؟؟؟؟؟

[*ام هيمن*]

عيوني ولاء اكو مستشفى تركي باربيل شارع كسنزان
كلش راقية وبنت عم زوجي سوت بيهة اطفال انابيت
وماشاءالله هسة حامل بالشهر السادس وبيهة بنية
كلش ناجحة لان عدهم تقنيات اجهزة ودقة عالية
بس تكلف مورخيصة

[*بنوتة عراقية*]

شسوي زينب ما تكوليلي والله تعبت برودة مو طبيعي ولا فوقها يكولون اذا صار نزيف ما تجين وهاي من اروح اضل ساعااااااااااااات يلا يجي دوري ويدخلوني وبعدها انتضر دكتورة والله ملييييييت تعبت ونفسيتي تعبت والله من الم ذبحني الحين احس انو شي ماسكة ما ينزل الدم او طفل
امس والله انكسر كلبي انقهرت من دكتورة سويت سونار والله شفتة وطلعت صورة وعيني كلة على بس ردت ابجي
الله كريم سلمت يم الله واهل البيت وهما يساعدوني

[زينب السعدي]

ونعم بالله واهل البيت الله يكون بعونج ...شوفي مو مااكدر اوصفلج اشياء اخاف يطلع النبض مامتوقف هالمرة تكتلين الطفل بس اذا اتاكدتي النبض متوقف ومانزل كثري بالدبس وشيلي ثكل وصعدي ونزلي

[*ام هيمن*]

عيوني اليوم وديت هيمن للدكتور
سويت تحليل خروج مالتة
كالي عندة سوء هضم بسبب حليبي
يكول حليبج ميكدر يهضمة لهذا يطلع اسهال بطنة وبي نقط بيض
كتبلي حليب نوفالاك للاسهال
وانطاني شراب للاسهال والالتهابات
وكتبلي ابر بس مااخذتهن خطية مااكدر اعودة على الابر
بس شربتة الحليب راسا شبع ونام حبيبي

[*بنوتة عراقية*]

اشوف باجر اذا دكتورة تسمع شي بلجهاز واذا ماكو اشوف حل او اقرب موعد وان شاءالله خير وربي كاتبة الي خير يصير

[زينب السعدي]

ماعندد الا العافيه وانشالله مشافاه معافاه هيموني

[*ام هيمن*]

بنات انتو سامعين انه حليب الام مينهضم؟؟؟؟؟؟
كالي قللي حليب صدرج الى ان يصير زين
يعني باليوم مرتين بس انطي لااكثر
وابني متعود على صدري ميكدر يستغني عنة
بحيث مينام الا على صدري
وماعرف شلون رح ادبرهة يكول اكو مايكروبات تجي عالصدر
خصوصا اذا حليب تبقين فترة اكثر من 6 ساعات متنطي لابنج رضاعة طبيعية
رح تتكوم ميكروبات وتنقل للطفل عن طريق الرضاعة

[فوفو العراقية]

اني حسب معرفتي عن الاجهاض 3 مرات صار وياي
خل اشرحلج بالتفصيل
اول اجهاض جان بجر
اول طفل وجان على 4 اشهر
من بعد الجماع بالليل صار الفجر عندي الم لا يطاق
وكل اعتقادي غازات حادة لان كلش تشبه الغازات
وتجي من فوك البطن مسحوبه لجوة تخليني ادنج واعصر بكني
وضليت اروح للتواليت تكرمين ... واكعد اعصر لغايت ما حسيت شي طلع مني خليت ايدي حسيته صلب
رأسا خفت وكمزت وشنجت نفسي
وهذا جان الجنين
ورجع دخل خارج الرحم صار
وراح الالم وقتها لمدة 4 ساعات
وماجان اكو ولا قطرت دم
بس امي وقتها جبرتني اروح لان عرفت اسقاط
وهية مجربته
ومن رحت للمستشفى بالطريق نزل دم مايقارب 20 ملل
وضل كل شوية ينزل ودم صاافي مثل مال الدورة..
وبالمستفى كالو لازم نطلع الولد يتحرك قبل لا يموت بخارج الرحم ووقتها لازم عملية
وفعلا طلعو عايش وضل يتحرك ربع ساعه ومات
وبعدها سوولي كورتاج

اما الاجهاظ الثاني
ف بسبب المشاكل
وجان الحمل بي مشكلة بالسونار ان الكيس موجود والجنين ماموجود
ووقتها جان ينول علية مدة اسبوع ماي اخضر وازرك هيج
وجان الحمل بي مشكلة من اول شهر لغاية الثالث
والي اكتشفه الطبيب بعد اسبوع وكال الطفل ميت من يومين ولازم ينزل لان جان ينزل دم ثخين كلش
وكال الطفل مركوون بداخل الرحم وزوجي وقتها طلب ان ماينول الطفل على امل يكون عابش وحتمال وفاته غلط
ونتضرت لثاني يوم بالمستشفى لغاية ما نزفت نزف حاااااااااد بحيت اني واكفه والدم بوووري صار وغركت الارضية
ومباشرتا ودوني للكورتاج.

اما اجهاضي الثالث
ف بالشهر الرابع من الحمل
وجان وكتها زوجي يضربني ويعذيني ويعذب اطفالي
وجنت طول الوقت ابجي واتوسل لزوجي يخليني اروح طبيب لان الم عندي واسبوع ينزل دم علية صافي
جان يرفض
ف اضطريت وقتها اروح غصبا عنه
ولما رحت الدكتورة كالت حالتج صعبة وبسبب الحالة النفسية العندج
المشيمة اتشققت وصار نزف والطفل متوفي من ايام
ولازم تنزلي هسة فورا
وفعلا انطوني حبوب 4 وبعد ساعه ونص اخذوني للكورتاج ونزلو
وجان الوقت ليل بس مستحيل يعوفوج تتعذبين هيج بالالم
ولازم دم مو وصخ او استحاضة
ماعرف وضعج هذا شلون
يمكن حالج يختلف
بس انتي حاولي تريحين نفسج
وكلي زين
ونامي على ضهرج
ونتظري النتيجة
عساها تكون خير ياقلبي.
اتمنة اكون افدتج ياعمري ويارب ينطيج الصحة والعافية ويخفف عنج.