【ツ】أحلى تجمع لأحلى حوامل التوائم 【ツ】 ‏الجزء الثالث

[غلا القلب]

المشاركة الأصلية كتبت بواسطة الخمائل

اهلين
رحت اليوم للخاص وقالت لي التقلصات من للقولون ..وعطتني حبوب اليوتوبار نص حبه في اليوم واستمر عليه للشهر السايع
ولللي ازعجني منها تقول انتي اول الخامس ..ومفترض باقي 8ايام وادخل السادس ..كل 16بالافرنحي ادخل شهر جديد

زادت جرعة الكالسيوم والحديد وقالت استمري ع دوفاستون للسابع
اشوفكم ع خير ..استودعتكم الله

انتبهي حبيبتي من اليوتوبار لو اول مره تستخدمينه يقولون يعمل خفقان وعنده شوي اعراض جانبيه فلا تخافين لانه يعتبر مهدئ للتقلصات

وبالنسبة لشهور الحمل انصحج تمشين على هذا الجدول لانه دقيق يعني كل شهر عبارة عن اربع اسابيع وكم يوم


¨°o.O (حساب شهور الحمل) O.o°

الشهر الأول من أول يوم في الدورة
الشهر الثاني 4 أسابيع و4أيام تدخلين الثاني
الشهر الثالث 9 أسابيع تمام تدخلين الثالث
الشهر الرابع 13 أسبوع و3 أيام تدخلين الرابع
الشهر الخامس 17 أسبوع و6 أيام تدخلين الخامس
الشهر السادس 22 أسبوع و2 يوم تدخلين السادس
الشهر السابع 26 أسبوع و5 أيام تدخلين السابع
الشهر الثامن 31 أسبوع و1 يوم تدخلين الثامن
الشهر التاسع 35 أسبوع و4 أيام تدخلين التاسع

[غلا القلب]

المشاركة الأصلية كتبت بواسطة انا الله معا الصابرين

بنات قالو لي الجنس انهم بنتين...تتوقعون ممكن يغلط السونار بلاسبوع 20؟لني ودي اجهز وخايفه يطلع غلط..لنه بس مستوصف اللي قالي.. المستشفى الحكومي قالي لسا باقي بدري مايبان والله احترت؟؟

انا من رأي تصبرين شوي اسبوعين او ثلاث اسابيع لان احيانا اعضاء الولد التناسليه تتأخر فالنمو في حال قالوا بنت بس في حال قالوا ولد فيكون اكيد
بنت خالتي قالولها بنت في الشهر الخامس ويوم ولدت طلع ولد سبحان الله فاصبري شوي احسن *

[انا الله معا الصابرين]

المشاركة الأصلية كتبت بواسطة غلا القلب

انا من رأي تصبرين شوي اسبوعين او ثلاث اسابيع لان احيانا اعضاء الولد التناسليه تتأخر فالنمو في حال قالوا بنت بس في حال قالوا ولد فيكون اكيد
بنت خالتي قالولها بنت في الشهر الخامس ويوم ولدت طلع ولد سبحان الله فاصبري شوي احسن *

يووو من جدك والله...اجل خلني انتظر افضل..ماراح اتسرع زين والله نبهتيني..يعطيج العافيه ياربي

[غربة مشاعر2011]

اخباركم وحشتوني

الله يسهل عليكم

[عباير]

السلام عليكم ياكروشات ياحلوااات

يارحيم تمم لي على خير/انا ياقلبي دخلت الخامس من يومين ,,

وعلى فكره الشريط حقي مو باين يابنات بالتوقيع؟؟؟ انا مبسوطه فيه عااد؟؟

انا الله مع االصابرين/لا وتدرين بعد وش الوناسه انا من الحساء مثلك ها وشرايك بالمفاجاة ؟؟
وبعدين شمعنى تولدين بالتخصصي ؟؟ وبخصوص الجنس ترى عطتني احتمالات بس قالت مو اكيد الا بنص الخامس او نهايتة خاصة ان كان البيبي مسكر رجوله او نايمه ومعطيك ظهره

احلى تونز/ الله يتمم عليك وعلينا يارب ونفرح بدخول التاسع والولادة الهينه وبصحة البيبيات

غلا القلب/مبروك دخولك السادس وعقبال التاسع لنا كلناا
حزن/ بخير الله يسلمك وشلونك وشلون البيبيات

الخمائل/ وسعي صدرك وتوكلي على الله وخليك على الدوفاستون واهتمي بالحديد والكالسيوم وترا الدكاتره يحسبون من اول الدوره يعني مدة الحمل عندهم عشرة شهور

غربة مشاعر/ هلا وغلا اخبارك ياحلوه

اخباري / اليوم رحت زي ماقلتلكم للدكتوره الاحتياطيه ههه لان بيت زوجي برا الحساء وفي منطقته دكتوره كويسه اراجعها لمن اكون عند زوجي لان مواعيدي بالحرس الوطني وموعد دكتورتي الخاصه انزل للحساء اسبوع عشان كذا والمشوار قريب

المهم رحت للدكتورة الاحتياطيه الساعه ثمان قالت مافي مجال ماتستقبل الان تعالي بكرااا

والله يتم علي وعليكم بخير وسهالاة

[الشرف الرفيع]

صباح الخير كروشات
اخباركم عساكم طيبين اليوم خطر على بالي سؤال وودي لو يجابوني اللي ولدو او حسب رأيكم
بالنسبه للرضاعات حقت التوأم عشان ماتصير لخبطه ايش الافضل برأيكم رضاعات مختلفة اللون ولا نسويلها علامه
حاسه انه راح تصير لخبطه خاصة انهم يشبهو بعض
بانتظار ارئكم من جد موضوع يستحق النقاش
يعني ممكن لو جاع طفل وفي رضعه جاهزه بس مش حقته الرضاعه عادي تعطين كل واحد رضاعة الثاني
يالله ابغى اشوف ايش حلولكم !

[الراجية رحمة الله]

السلام عليكم
في اخبار وصور حلوه بالتجمع
أتابعكم وبصمت
مرحبتين بالحوامل القدامى
بالحوامل الجدد ماشاء الله تبارك الله ..
اللهم زد وبارك .. حيا الله الحوامل الجدد والله يكتب لنا

ولكم الخيير دائما ..

رضاك ربي
الله يحفظ لك بنوتاتك
ماشاء الله ولا يصرف السوء الا الله يهبلون الله يخليهم

ويحفظهم لك
ام عائشه

الف مبروك والحمد لله على سلامتك ياحلوهم تبارك الله الله

يحفظهم لك
اسماء

الحمد لله لى سلامتك والف مبروك خروجك من المستشفى

الله يخليهم لك يارب ويجعلهم قرة عين لك ولوالدهم
ام عبودي

اخيراً طمنتينا عليك الف حمد لله على سلامتك ومبروك

ماجاك يتربون بعزكالله يخليهم لك يارب ويجعلهم قرة عين

لك ولوالدهم

عباير

الف الف مبروك حبيبتي دخولك الشهر الخامس وعقبال

التاسع يارب

ام منصور

اسال الله العلي القدير ان يكتبلك مافيه خير

وان يسهل ولادتك ويفرح قلبك بعافية اجنتك وسلامتهم

أنا إن سألتم عني الحمد لله
ألاسبوع هذا مرة تعبانه وعندي ألم ظهري ونغزات وكأنها بداية تقلصات وما رحت للدكتورة خايف تقول ولادة
وأحسهم مرة تحت للتذكير أنا في الشهر السادس يوم 20 ميلادي أخلصه
أدعولي أوصل التاسع
الحمد لله على كل حال

[عباير]

اختي الراجية رحمة الله ..

الله يبارك فيك ياقلبي..

والف لاباس عليك..

ان شاء الله خير..حسب كلام الدكتوره هالنغزات من توسع الرحم..لاتخافين القلق من زين..

ادعي رباك باخر الليل سهام لاتخطي..وان زاد قلقك بالعكس روحي للدكتورة تطمنين ويروح القلق عنك

وانتي ماتاخذين مثبت؟؟

والمثبت الله سبحان من ثبت السماء ان لاتقع..

الله يرزقك ويوصلك للتاسع بسهاله وامان من العزيز القدير

وانا وجميع اخواتي الحوامل..

الشرف الرفيع..

عادي حبيبتي لو بنتين اشتري رضاعه وردي والثانيه صفراء او خضراء..
وان كانوا اولاد وحده زرقاء والثانيه خضراء او صفراااء

ما انصح باللخبطه برضاعات لان يضرهم من انتقال امراض الفم والتهابات..

وربي يتم علي وعليك وكل حامل..

صلاة الوتر ياجماعة لاتنسونا بدعوة طيبه

[ام الغالين2]

ماشاءالله تبارك الله

بنات دعوااتكن لي تكفوون هالشهر راح اتابع مع دكتورتي تبويض للحمل بتوام من بعد مشيئة الله
دعواتكم الله يتمم لي ع خييرر

والله يسعدكن ويحفظ لكن اجنتكن وتقومون بالسلامه يااااارب

[Haif]

كتبت رد طويل ومسحته بالغلط ياربي مافيني اكتب مره ثانيه