تجمع الكروشات اللي ولادتهن في رمضان 1433ه

[الرشا]

بالله ياصبايا بروح انام
تصبحون انتم ونوناتكم على خير

[نسمة دفا]

فاصل ونواصل

أي خدمة ياحلوات..؟؟؟

[نسمة دفا]

خلال لفلفتي وتفحيطي في المنتدى لقيت موضوع ...

http://forum.hwaml.com/t62036.html

هذا هو نص الموضوع


علامات الأذكار والتأنيث:
لقد ذكر ابن سينا عدداً كبيراً من العلامات الفارقة لجنس الجنين وكلها معتمدة على النظرية السابقة( نظرية الأخلاط ) فلم يحاول نفي أو نقض هذه النظرية أو العلامات, أو تفسيرها بما يخالف ما ذكر سابقاً, فهو يقول:
(الحامل للذكر أحسن لونا, وأكثر نشاطاً وأنقى بشرةً وأصحّ شهوة وأسكن أعراضاً وتحس بثقل من الجانب الأيمن, فإنّ أكثر ما يتولد الذكر يكون من مني أندفق من الأيمن من جنبي الرحم, وإنما يكون ذلك, إما لشوق ذلك الجانب إلى القبول أو لأنّ الدفق كان من المبيض الأيمن فإذا تحرك الذكر ففي الجانب الأيمن. وأوّل ما يأخذ الثدي في الازدياد, وتغير اللون يكون من صاحبة الذكر في الجانب الأيمن وخصوصاً الحلمة اليمنى وإليها يجري اللبن أولاً ويدرّ أوّلاً, ويكون اللبن غليظاً لزجاً رقيقاً مائياً, حتى أنّه يقطر على المرآة وينظر إليه في الشمس فيبقى كأنه قطرة زئبق أو قطرة لؤلؤ, وتزداد الحلمة في ذات الذكر حمرةً لا سواداً شديداً, وتكون عروق رجليها حمراء لا سوداء ويكون النبض الأيمن منها اشد امتلاء وتواتر, وإذا تحركت عن وقوف حركت رجلها اليمنى أولا وهو مجرب, وإذا قامت اعتمدت على اليد اليمنى, وتكون عينها اليمنى اخف حركة وأسرع, والذكر يتحرك بعد ثلاثة اشهر والأنثى بعد أربعة. ومن الحيل لمعرفة ذلك يؤخذ من الزرواند مثقال فيسحق ويعجن بعسل وتحتمله بصوفة خضراء من غدوة إلى نصف نهار على الريق, فان حلا ريقها فهي حبلى بذكر, وان أمره فأنثى, وان لم يتغير فليست بحبلى.ومما يؤكده كثرة قروح الرجلين وكثرة اورامهما, إن لبن المرأة إذا حلب في الماء فيطفو ولا ينزل فالولد ذكر, وان نزل ولم يطفو فالولد أنثى).
تبدلات اللون: إذ يقول( الحامل للذكر أحسن لونا وأنقى بشرةً) وهو تكرار لما سبق بدون الإشارة إلى سبب ذلك أو ماهيته.

[نسمة دفا]

وعلى الفيس بوك

لقيت مفارش سرير خرافية رووووووووعة..وأسعارهاغالية . الله أعلم.

لأن في سرير مواليد مكتوب تحته 8000 ريال...

يمنع وضع روابط لمواقع ثاانيه

[نسمة دفا]

قبل لا أخرج شفت هالموضوع ..في قسم الفيديو

طرق تحميم المواليد

http://forum.hwaml.com/t90123.html#post1825226

ياويلها وحدة منكم تسوي زيهم ..؟؟؟

[نسمة دفا]

من يوم دخلت جالسة أكلم نفسي

زعلت

رايحة أنام

تصبحون على خير

بكرة بإذن الله عندي موعد الصباح ..لأني للآن ماشفت النبض ..

[(( أم يارا ))]

نسوومه من عنوني غيرت لك اللون .. ونوم العوافي ..
نور العيون اشوا طلع اخو زوجك ولا صديقه .. ههه عاد تخيلي انا ومامي كروشات الحين هي الولاده في شهر 7 وانا 9 بس امي صغيره عمرها 36..
هههههه عاد تخيلوا اقول لها يمه هذا اخر العنقود تقول لا ابي اجيب واحد بالاربعين عاد انا بكرها واقول الا اذا بنت ممكن لانه انا واختي وحيدات امي والباقي اولاد << من كثرنا عاد ..
والحين هي حامل ببنت الحمد الله ماتتصوروا فرحتنا لما درينا انها بنت كلنا فرحنا..
هيفا تسلمين ياقلبي ..
الرشا نوم العوافي ..

[نور العيوووووون]

ام يارا الله يعينك اسالي مجرب احس امي يوم جابت اختي مب فاضيه للولدي يعني ماحسيت وناااسه وامي تشتاق للحفيدها لان اصلن بحضنها نونو مب فاضيه لي
الحلووو اللحين اختي لي ولدت لان اختي اللحين عمرها 11 سنه يعني مشتاقين للطفل يعني راحت علينا وانا خصوصا راح اتنفس ان شاء للله ببيتي احس اريح وارتب من بيت اهلي ووقت رمضان اهلي فطور بينهم وبين عماني يعني قمة الازعاج الا بيتي ابرك وامي قالت بجيك اسبوع وبجيب ان شاء الله خدامه اضافيه لان وحده ماراح ابد تغطي المسؤليات والله يسهل علينا جميعا يااارب

[نور العيوووووون]

نسمة دفا مسالة ذكر ولا انثى وش رايك كل وحده تتكتب التغيرات الي مرت فيها الان ومن خلالها راح نحدد قروب انجاب اولاد وقرروب انجاب البنات طبعا على التوقعات وعقب ان شاء الله ان عرفنا جنس الجنين نطابق صحة توقعاتنا ومنها نصير سوينا دراسه علميا من الواقع للفئة كروشات رمضان هههههههههه من معي يرفع يده وتبدا تكتب تغيرات الي حصلت لها من ناحية
لون الجسم بشكل عام
الصدر وتغير لونه
الشعر من ناحية كثافته وقلته
البشره صفاءه او حدوث تغيرات
الوزن زاد بشكل ملحوظ او لا
شعر الراس تغير او لا
وتللي عندها زياده تكتب
ببدا انا
لون جسمي تغير وغمق ولاحضت الشيء هذا قبل اسبوع
بشرتي خربت وطلع فيها كم حبه
شعري احس حف ماعاد فيه لمعه مثل اول
صدري حجمه زاد شيء بسيط جدا غير ملحوظ لكن لونه تغير بعد
وزني نفسه يمكن بس زدت كيلو وشوي
اخس وجود الجنين بالجانب الايمن
شعر جسمي زادت كثافته بشكل ملحوظ قبل كان ينبت خلال شهر اللحين مايكمل اسبوعين مع ان طفلي السابق كان ولد واذكر اني قعطت مايقارب ثلاث شهور مانبت شعري بالخمل لدرجة كني مسويه ليزر بتاكد من نقطة الشعر بالحمل هذا
وماطلت نفس طوولي ههههههههههه احلفي والله لو الواحد يطول كان ياكثر الحمل

[نسمة دفا]

أم يارا ياحليلكم ..انتي وأمك

أجل أنا لازم تقوليلي خالتي ,,أصغر من أمك بشوي

وتاخذين راسي بعد هههههههههه

الله يقومكم بالسلامة أنتي وأمك..

.........

نووووووووور العيون ..أحصل مثلك بنكهة الشوكولا ...

يا أم الدراسات والعبقرية فديتك.......

.......

أنا بحط ملاحظاتي

دبة نوووووووم من يوم ماحملت
شوي أبرد وشوية أموت من الحر
شعر رأسي عادي للآن مافي تغير كثير
شعر جسمي ..كأني حاطة له سماد..اسم الله عليه..زي المزرعة.
صدري أحسه ديناميت ويا ويلي إذا انخبطت ولا نمت عليه أصارخ وأموت من الألم
وطبعا عشان كذا أدور لي سوسو مقاس أكبر

الحمل ما أدري فين هو يمين ولا يسار بس اللي متأكدة منه أنه ببطني هههه

بشرتي فيها بقع وردي وأحيانا تصير بني فاتح بس بدون حكة


أول ما أصحى من النوم أحط رجلي اليمين أول ..وأرتاح إذا نمت على الجنب اليسار

أموت في الموالح والحوامض

وأحيانا نادرة أشتهي آيس كريم ولا أي شيء حلو
صايرة مج ــنونة وعصبية درجة أولى

شكل الكيس تقريبا دائرة

الطووول مثلك ماتغير زاد العرض والكثافة والحجم..

ونفسي اليوم ما أروح الموعد..نفسي أناااااااااااااااام ..لأني بروح مشي ..ماعندي أحد يوصلني

سواق المدرسة دايما يوصلني واليوم مو فاضي
فقلت النوم أحسن لي(زووووووووووولة)

وسلامتكم
...

صح حطيت رابط على الفيس بوك وانحذف .أشوى ماانحذفت بكبري .....

..نسيت أنه ممنوع

كنت أبغى أوريكم أم النصب والإحتيال بالأسعار

سرير مولود ب8000 ..
صح الحرمة مدري المصنع شغله روعة ..بس موللللللللع نار

.................................................. ...............................