【ツ】أحلى تجمع لأحلى حوامل التوائم 【ツ】 ‏الجزء الثالث

[كاسبر]

سلام عليكم

ياقلبي ياميرة .. حبي ماتشوفين شر ان شاء الله روحي المستشفى لو ينومونك عندهم تحت الملاحظة ان شاء الله افضل
الله يطمنك يارب

غرومة !!
وش حطيتي تحت البنت ؟ شبه ؟؟ الشبه البيضاء ماغيرها البودرة والا وشو ؟؟
وين تحطينها ؟
وش تسوي ؟؟

البقية طيبون ؟ والا طيبات ؟؟ :)

[كاسبر]

بناااااااات النجدةةةةةةةة

بعلي حبيب ألبي جاي واحد من ربعه عريس .. وعزمه هو واهله
كان ودي شوي قدام اعزمها موب الحين .. لاني مااطبخ لنفسي ياكود لهالعالم ..!!
بس الرجال وش يهمهم؟!!

علما بأن الرجال الحمد لله بشقة الشباب بس الحريم عندي
عوايل المبتعثين عددهم حليو ماشاء الله وكلهم بيجوني الاسبوع الجاي

مشكلتي وانا طيبة اشيل هم لاجاني احد .. احيان ماانوم بس افكر وش احط وش اشيل !!
شلون وانا تعبانة ... وااااااااااااااااااااااو بصيح .. وين امي بس!!
الطبق الرئيسي يمكن اطلبه من مطعم هندي
بس لزوم الحلى والسلطات والاشياء الثانية

تكفون اسعفوني .. مخي موقف مافيه ف بالي شي
وش احط لهم ؟؟
وش رايكم اسويه طريقة بوفيه افضل والا وشو ؟؟

عطوني الله يخليكم كل اللي عندكم من الاشياء السهلة الحلوة الجديدة
حلى قهوة .. صنفين
سلطات .. << اهم شي
مقبلات ثانية
ادامات اشياء خفافي

ياااالله اروح السوبرماركت اقضي بيتي فاضي

بلييييييييييييييييييز النجدة من الجميع

[ديم الوفا]

حبيباتي
مساكم الله بالخير
متابعه لكم ولاخباركم من جوالي عشان كذا مااقدر ارد
لاني ماصرت اقدر اقعد على اللاب توب ابــــــــــــــــد وقاعده اعدل ببيتي استعدادات ....يعني !!
الشكر العميق لك كوفي كلرز لسؤالك ولكل من سال عني ...


والعذر للي سأل ومارديت عليها ..
اذكر بس سؤال غرومه ان كان هذا اول حمل لي
الاجابة : تقريبا ,, حملي اللي فات جبت عالسادس طبيعي
واختاره الله ...

الحين بنات صار بطني حيل نازل وصرت والله مااعرف اقعد .. وان نمت مااقدر
انقلب واذا انقلبت يممممه الم ببطني مو طبيعي احس بسم الله عليهم اني اكسرهم
غير الالم اللي بالمنطقه ذيك احس شي ينفك .. مرات اقول شكلها خيوط الربط
قاعده تفكك ...
بكرى موعدي بالحكومي ... وبيحدد هالموعد اشياء كثيره .. الله لايخيبنا
والله دكاتره الحكومه ماينقال عليهم ...
روعه انتظر اخبارك خوفتيني من مشاكل الربط ودموع الشوق وينك الله يبشرنا عنك البشارة الحلوة
مها قلبي ماتشوفين شر ... ان شاء الله تكونين انتي والتوينز بخير .. وطمنينا بكرى عليك ..
عشومه ... الحكه مااظن لها علاج للحين وانا اتحكحك .. يد عالكيبورد والثانيه حك ..
كوين اخبارك ووينك ...
ميرة الورد ... ليه فكوا الربط بدري ... الله يحفظك ويحفظ لك توينزك يارب ويعوضك فيهم
الكل ... اتمنى لكم وافر الصحه والعافيه ,, طمنوني عنكم ...

[ديم الوفا]

كاسبر ماله داعي تتعبين نفسك وتجهدينها انتي حامل والناس مقدره

جيبي كل شي من برا بحدود الموجود ... وسوي سلطات

اما حلاااااا ومدري وشو وساعه ترصين بالصواني لا بالله منتي ملزومه

واعتذري منها ان الحمل متعبك واكيد هي بتقدر ....
والمفروض وحده من حريم المبتعثين تحلف عليك تحطه ببيتها او كل وحده تجيب صنف معاها ..

[الأمل @]

مساء النور لكل الكروشات
متابعتكم بصمت
والنفسيه داااااااون >>>الله يأجرنا

اخباري
رحت موعدي قبل يومين والحمد لله تطمنت على التوينز
والحمد لله والشكر قالت لي انهم بنوتتين الله يحفظهم من كل شر يارب
وتقول وزنهم حليو وطمنتني عنهم
بس
الغريب يابنات انه قالت لي انهم فـكيسين بمشيمه وحده
وانا رحت لدكتورتين قبلها كلهم قالوا لي انهم كيس واحد
سؤالي ياحلوات
اللي بكيسين ومشيمه يكونون متشابهات ولا لا ؟؟؟؟امنيتي يكونون متشابهات مـــــــــره

امووله
وينك ..؟
شكلك مبسوطه مع ابو الشباب .. عشان كذا ماانشوف خشتك خخخ

غرومه
ايـــــــــــــــه بالحيل مبسوطه >>>>خليني ساكته بس
اذا سمعتوا ان فيه حرمه ذبحت زوجها فـ هي انا

مهاوي
لاتقلقين الله يكتب لك اللي فيه الخير يارب
وقريب تبشرينا بولادتك بصحه وعافيه ان شاء الله

كاسبر
انتي ابدي جهزي اغراضك من اللحين الله يعينك
يعني فرزني بعض الأشياء عشان يسهل عليك الوضع
مثل مثلثات السميد
والسمبوسه البف
والسبرنغ رول
واي شئ يبي له حشو((الصواني واللذي منه )) سويه من الحين وحطيه ف الفريزر
مثلا اذا بتسوين مكرونه فوتشيني جهزي حشوتها اللحين ويوم العزيمه بس اسلقيها وحطي عليها الحشو والصوص
صلصة البيتزا جهزيها وفرزني
وجهزي امورك بالتقسيط عشان ماتتعبين
>>>>>>معليش هذرت واجد بس اعشق الطبخ واللي يخصه
واذا تبين روابط ارسلت لك على الخاص

[اول غرام]

ام سولي
ههههههههههههه الله يرجك
والله انك صادقه يمكن ليش لا
والرضاعه ننتظرك .. ابي اشوف تصلح لبنتي ولا لا

همس الموج ....
انا جاني طلق على قولتهم كاذب ورحت لمستشفى الولاده والاطفال وكان فاتح 1سم
واليوم الثاني 2 سم وبعدين وقف الطلق ماعدت احس فيه
بعدها هجيت من المتسشفى وظليت اسبوعين وبعدين نزل دم خفيف ورحت لدكتورتي الخاصه وفحصتني قالت عنق الرحم طري ومفتوح عندك 3سم ولازم تظلين عندهم عشان مايفتح اكثر وتولدين بس انا تركت كلامها لاني مااحس بطلق يوم جا الطلق الحقيقي رحت للولاده والاطفال ..

[اول غرام]

كاسبر
الشبه البيضاء بس مش البودره
طريقتها مثل الدخون ..
يقولون انها تطرد الشياطين والعين والله اعلم ..

اموله
هههههههههههههاي اجل بتذبحين زوجك
اذا عزمتي .. اندهيلي << ناويه تذبح زوجها خخخخخخخخ
موضوع المشيمه
اذا مشيمه وحده سواء بكيسين او بكيس متشابهات
اغلب البنات الي هوني قالوا نفس الحكي
اولهم زود الغلا ...
وانا بعد امنيتي توائمي متشابهين بس قدر الله وماشاء فعل
الحمدلله على عطاياه ..

[اول غرام]

ديوومه
فهمت عليك يعني ماعندك اطفال من قبل
الله يتمم عليك وتفرحين فيهم يارب
يلا شدي حيلك مابقى شي ..

كاسبر
انا مع ديومه فـ اللي قالته ..
وش حادك تسوين كل هذا وانتي تعبانه وحالتك حاله
فهمي زوجك انك تعبانه وماتقدرين وهو لازم يقدر بدون مايزعل

[قطرة ندى*]

مساء الخيرات والليرات على أحلى كروشات
شخباركم وشحبار الحمل معاكم
أنا حدي تعبانة وما أقدر ارفع راسي يعني ما أجلس الا الظهر
واذا قمت احس بارهاق وتعب ودوخة الله يكون بعوننا

[قطرة ندى*]

دموع الشوق الله يكون بعونك ويهون عليك الطلق وتولدين بوقتك يارب
مها الله يسهل عليك وتفرحين بشوفة النونوات بحضنك يارب
كاسبر رفيقة دربي شخبارك الله يعينا عالوحام والتعب
باقي البنات شخباركم وحدة وحدة