.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة عيش الحياة

جبت لكم معلومة بتفرحكم وبتولدكم

المعلومة تقول احتضان طفل حديث الولادة يحفز هرمون والله نسيت اسمو المهم يحفز هذا الهرمون مما يقرب الولادة وبحء الانقباضات ،،،،،،،،،،، وايش رايكم ههه

عاد ولد اختي عمرو عشر ايام بجلس احضن فيه هههه بس نفسي اولد بدايه السنة الجديدة مو حلو نهاية السنه

هههههههههههه واللي ما عنده طفل مولود بالعايله هههه وش يسوي ؟؟
انا ماعندي وحده والده .. وبنتي بتصير اصغر بنوته ف العيله ان شاء الله يعني تدور من يضمها هههههه..

[Marawy]

المشاركة الأصلية كتبت بواسطة مسكّ العطورّ

وانتي وبنتك بكل شي تقلدوونا ياقلودين


تروكي يقول عادي مايحتاج تشتري دولاب تحط ملابسسه مع ملابسي والسرير حنا ماشرينا له الحين يقووول بينام بسرير شيووخه


موافقين ينام بسريرها والله بريئ يانااسسسسس


خخخخخ تروكي وشيوخه. سووى فوضه بالمنتدى صار يحبون يسمعوون عنهم البنات خخخخ

ههههههههههههههههههههه خلاص الدولاب الابيض عليكم والسرير علينا ..
بس بربط ترووك ف زاويه عشان ما بقرب بنتي هههههههههه اي كل شي الا الشرف يا اختي
هههههههه ياقلبي عليهم متى نشوفهم بس قدامنا ..

[Marawy]

المشاركة الأصلية كتبت بواسطة noga88

مراوي،، كنت موصيه اختي عليهم من الكويت بس والله حرااام تحسسفت اجيبهم
في افكار للسكر حلووه ماتكبيها بعد ماتخلص الوحده
في فكره قزاز صغنون مثل قزاز اللي يستخدموه بالتجارب بالمختبر ولها اسفنج خشب مدري ان شاء الله فهمتي حلواات مره
وفي انك تجيبي سكر مغلف لون واحد زيتي او كحلي اي لوون وجيبي لولو حبات صغيره ولصقيهم ع السكر يططلع شيييييي
والله مراوي مبالغ بسعرهم بالكويت وكم حبه بعد مايسوا

صج ؟؟ والله شفت ف البحرين عندنا مكعبات سكر مغلفين وعلى كل مكعب كريستاله صغيره .. وفيه الوان كثيره منهم ..
بس قلت هناك اشكال احلى اكيد .. بس شكلي بشوف اللي بالبحرين واخذهم .. لان بصراحه اللي بالبحرين رخيص سعرهم .. وتوقعت كويت ارخص .. بس دام تقولين اغلى ما ينفع احس..!

بشوف زوجي لو بكره يوديني اشوف السكر اللي عندنا بالبحرين واصور لكم تشوفونه ..

[Marawy]

المشاركة الأصلية كتبت بواسطة mishael

نوقا لو انك مخليتها السحبه لبكرا ،،
انا حاسه انها اعز او مراوي عيش احسها بالنص
السكر احنا نقدمه مغلفات صغار ومع كاسات الشاي لما توزعينه نحط بكل صحن مع الكاسه ثلاث حبات ونكون حاطينه بفازه قزاز وصغيره ومعها ملقط بس انا مافهمت فكرة خشب الاسفنج ليتك تنزلين لنا صوره ،،

ياهلا وسهلا حرماات شخبارك ام اسكندر بس طليتي علينا ورحتي
تعالي بسألك انتي من بيقعد عندك بالنفاس ؟؟

بنت تبوك عادي اذا جبتيها يفرحون فيها واقعدي سولفي مع بنتك قوليلها بنوته تغنيك عن الالعاب خخخخخخ

ايوه هالفكره نفس اللي اهلي يسوونه .. وشكلي خلاص بتوكل على الله وباخذ اللي شفتهم بالبحرين ..
بشوف زوجي وش يقول ..

ههههههههه انسيني مشاعل انسيني ههههه يا اخي شيليني من بالج .. خلي عيش واعز قبلي .. اساسا اعز اختفت شكلها سوتها وولدت هههههههه

[Marawy]

المشاركة الأصلية كتبت بواسطة قصيميه وافتخر

مساء الورد ياوردات

كيفكم

ابشركم بنتي تقبلت النونو بس تسئل اسئله تخوف هع تقول لها فم

واسنان قلت لا مالها اسنان قالت خلاص انا اعطيها اسنان من عندي هههههههههههه

ربي يجيبها بالسلامه وبعدين حرام عليكم تتوقعون الولاده اصبرو شوي لين ندخل التاسع

وربي بطني يوجعني من كثر توقعاتكم هههههههههههه

هههههههههههههههههههههههه اهم شي انها تقبلت الفكره ههههههههه الاسئله طبيعيه ههه بس بصراحه شلون جات ف بالها فديتها ماشاء الله عليها ربي يحفظها..

[Marawy]

المشاركة الأصلية كتبت بواسطة غايتي الجنة

مساء النور ياكروشات

والله شفت تجمع ذى القعده اغلق ضاق صدري كلها اسابيع باذن الله ويغلق تجمعنا

المصبيه ان اغلقه وانا ماولددت احس بجلس اصيح من القهر

هههههههههههه اتخيل .. لا ما بيتسكر طول ما احنا قاعدين فيه هههههههه بس من جد شي يخوف ..شعور غريب ..

[Marawy]

المشاركة الأصلية كتبت بواسطة mishael

عيوش ياقلبي والله رحمتك احسه حاار ياربي اجعلها برد وسلاما شوفي حبيبتي اتذكر اختي بالعيد احترقت يدها بالفير حق الشعر وماخلينا شي ماحطينها زبادي وقشطه ونشا وطحين وبيضه وثلج وكريم موبي وصبينا عليه مغذي مابرد
وبالليل جتنا جدتي عسهى بالجنه وصبة عليه مضاد حيوي حق الاطفال وكان بارد وشربتها فيفادول الاطفال وهي ماخذه ابرتين مسكن ومانفع
سبحان الله ناامت بعد المضاد وبردة يدها لها كم ساعه وتقول اني ارتحت اول ماحطيتو على يدي
،،

مراوي انا مايسكت لهم لما يغلطون علي بس يضغطون عليه يكثرة الطلبات والمشاوير والفلوس والشغل يعني زي التنكيده تخيليك تعزمينه على عشا باخر الدنيا يدقون كل شوي حنا طالعين تعال رجعنا مالقينا احد يرجعنا وكل شوي ويرتفع ضغطه ويتنكد ليش اهلي يكرهوني ومايحبون لي الوناسه وهم بس عارفين انكم طلعتو مو عاد عشاء خليها على ربك بس

والسكر ياقلبي انا لمارحت اشتري التوزيعات لقيت سكر مغلف بغلافات حلوه للبيبي حاولي تكون هي وغلاف الشوكلت مقاربين لبعض

ربي يعينج ويعينه عليهم والله شي يقهر .. وغصب يتنكد الرجال .. يعني ما يعيش يوم واحد براحه .!
لو سافرتوا وش بيسوون !!!؟ بيجون معاكم والا بيدقون يوميا !!! الله يخلي لج زوجج ويخليه لج ويبعد عنكم العذال ..

[Marawy]

المشاركة الأصلية كتبت بواسطة Noga88

مشاعل،،، مدري احسها مراوي وش رايك!!! او عيش؟؟!!
لازم اداوم بكرا اخر يوووم لازم نوقع اليوم ساحبهع الدوام واتوقع خلص بعد العيد مااداوم اخذ اجازه بس اول يوم اداوم


ترا داخله من جوالي نسسيييت في احد كتب لي شي؟!

ياااااا حرمه ليش ليش ههههههههههههه تحيبون لي المغص .. للحين مو متهيأه نفسيتي ..

انا حاطه ببالي بولد بعد التاسع بيومين .. ههههههههههه

اي انا حطيت لج صوره رسمتها عشان اتعرفين الطريقه للقعده اللي قلت لج عليها ههههههههههههه

[Marawy]

المشاركة الأصلية كتبت بواسطة بنت تبوك

بنات اشرايكم بعيالي مايبون بنت كل ماأقولهم ايش في جوة بطني يقولو ولد واذا قلت لهم لا بنت يزعلو يبون ولد تخيلو حتى بنتي توقعتها تطلب بنت وطلعت تبي ولد !! مادري اخاف اذا جت بنتي مايتقبلوها
هم من اول عارفين ان فيه جوة بطني نونو وبس مايعرفو ايش نوعه بس لمن سألتهم وبغيت امهدلهم ان في اختهم راح تجي ولازم تحبوها وتهتمو فيها >>>>> رفضو الموضوع ويقولو نبي ولد!!

ههههههه حيااتي حبيتهم .. ربي يحفظهم .. اتوقع لا شافوها قدامهم بيكون غير رايهم .. خصوصا ان بيشوفونها صغنونه
واليهال دوم يحبون يتأملون الشي الصغير .. وملاحظه ان يجيهم فضول وبيقعدون يتأملونها ويشوفونها مستغربين ..

[بدون اخت]

مرحبا كروشات عدت بعد غيبة شهور متى نولد بس ههههههه انا بالثامن من معاي