دردشة بنات فلسطين, دردشة حوامل فلسطين, تجمع بنات فلسطين

[حيفا]

صباحكم خير

كيفكم
سهى حبيبتي الحمد لله ع سلامتك وسلامة اولادك ، والبيت بيتصلح وبيرجع احسن من قبل ان شاء الله
الحمد لله اننا تطمنا عليكم

دودو صباح الورد يا حلو ، كيفك اليوم ؟؟

غموض يا عمري انا بمر بفترات هيك وبرجع اصحصح هههههه يلا هي حياة وبتمشي :)

كل الصبايا يومكم حلو ان شاء وهابي ويك اند :)

[إنبثاقة أمل]

صبااااح الخير

شو أخباركم جميعا

[~{{ DoDo }}~]

ام عزمي يا صباح الود

حيفا اهلا حبيبتي صباحك عسل انا الحمدلله منيحة انتي كيفك اليوم ؟

انبثاااقة يسعد صباحك شو الاخبار يا خلو ؟

[إنبثاقة أمل]

اهلا ياقلبي

الحمدلله بخير بس تعبانه شوي ضهري بوجعني

يارب خير

[Heba T]

مسالخير ..

انا اسفة عشان قلقتكم عليا ،، شكرا لكل اللي سآلو عني
انتو عارفين اني ساكنة عند السرايا ،، والبيت بيطل عليها ،، الا انو مش كتير الحمدلله اتآثرنا بالقصف بس الخوف و هزة البيت ، لكن يوم ابو خضرا كان يوم اسود فوق ما تتخيلو ، طبعا البيت مشقق هلأ من القصف و الاضرار اللي هي عند الكل الحمدلله

اما الحمل.. وما ادراكم ما الحمل ،، طبعا بالحرب صار ينزل عليا بلااااوي سودا ،، ولهلا ما رحت للدكتور لان لسا ما صحينا من ضربات الحرب

اما الجامعة الرائعة رحت عليا يوم الاحد عالدوام يعني وطبعا ما حد برحم ،، الدكتور اللي معه مادة التخرج بحكي اكيييد خلصتو بحث التخر واليوم تقييم ،، ما حد برحم الحمدلله

و اسماعيل مسكين في هالحرب هو الحمدلله ما بفهم بس يوم قصف ابو خضرا كتييير نقز و من بعدها كل يوم بصحى عالـ1 بالليل على معاد القصف ،، بدو قطع خوفة بس ما بعرف حد بعملها ،، ياريت لو تدلوني لو حد بعرف

الحمدلله احنا بخير ،، بابا مسكين اتصاوب في الحرب لكن الحمدلله اشي بسيط

هاي اخباري ،،

اشتقتلكم كلكم والله و من زمان بدي افوت بس والله اعصابي كتير تعبانة والكل زيي اعصابو تعبت بالحرب ،، الحمدلله خلصت ع خير

[إنبثاقة أمل]

الحمممممدلله ع سلامتكم ياقلبي

صحيح مابعرفك بس كتير كنت خايفه من خوف البنات عليك

الحمدلله ربي طمن الجميع عليك

الله يعينكم ويقويكم

[~{{ DoDo }}~]

انبثاقة سلامتك حبيبتي ريحي حالك وجع الظهر دمه تقيييييل

هبة : الف الحمدلله على سلامتك حبيبتي مع انه ما بعرفك بس من حكي البنات والله قلبنا عندك
الحمدلله على كل حال واللي اجت ع قد هيك سلامة ابوكي وانشالله بيخف يارب وبيصير احسن
روحي اطمني عالبيبي وطمنينا وان شاء الله كل الامور تكون تمام ربنا رحيم والله
وبالنسبة لابنك في كتير نسوان بيقطعوا الخوفة للصغار من تحت ازا حابة خلي امك او حماتك او اي حدا من قرايبك يسال معارفه
وانشالله خير الله يكونلك معين يااارب ويعطيكي العافية ويوفقك بمشروعك :))

[حيفا]

هلاااااااااا هبوووووووووش الحمد لله ع سلامتك والله قلبي كان مقبووووووض عليكي ، الحمد لله ع سلامتك ، وسلامة ميلو وعيلتك ، وربي يعافي الوالد ان شاء الله تكون خفيفة
وروحي عالدكتور اطمني عالحمل وان شاء الله يكون بخير يارب وطمنينا عنك
بالنسبة لاضرار البيت كلو بتصلح اهم شي الصحه ، وانكم كلكم بخير
واستاذك والله يعني الناس بحرب وقصف وبدهم يعملو مشاريع تخرج ؟؟؟؟؟ احكو معاه مهو عايش كمان بغزة اكيد وعرف كيف الجو كان وقت الحرب ، واذا ما وافق بتقدرو تشتكوه للجامعه ، انه شوووو مافي مراعاة ؟؟؟؟؟

دايما طمنينا عنك حبيبتي ولا تغيبي علينا :)

[حيفا]

مسسسسسسك هلا انتبهت انك داخله وكاتبه عن ولادتك :(
حبيبتي الحمد لله ع سلامتك وسلامة وليد حبيبي ، شو مشتاقه اشوفه هالغلباوي هههههههه
يلا تعافي وتعي فرجينا ياه :)

[ريرو العسولة]

تسلمو يا حلوين غموض واحساس و دودووعسولة وام عزمي وانا فرحي ان شاء الله بشهر5 وهادي بنت سلفي الي بالصورة كيف حلوة؟