الغاليات بنات فلسطين اتفضلو هون.....

[دموع الليل]

كيفك ام اسيد هلأ بعطى ابنى بس وجبتين فى اليوم

ام مروان معدله


الكيكه شكلها زاكى مممم

[كبريآء أنثى ـآ]

كيكة بالكراميل (( قدرة قادر ))
المقادير :
2 كوب سكر محروق (( طبعا بتكوني مجهزة القالب أو الصينية اللي بدك تعملي فيهم وبتحطي السكر فيهم وبتحطيه على نار هادية ولما يذوب السكر ويصير لونه ذهبي بتحطي نص فنجان مية وحركي بسرعة . ))
وبتحطي القالب على جنب
نيجي لمقادير الكراميل :
2 كوب حليب بودرة ــ كوب سكر ــ 2 كوب ماء ــ 2ملعقة فانيلا بودرة ــ ملعقة صغيرة عصير ليمون ــ 2 بيضة
والطريقة : طبعا كل هاي المقادير بتحطيها بالخلاط وبتخلطيهم وبعد ماتخلصي من خلطهم بتحطيهم فوق السكر اللي حرقتيه تمام يا بطة

هلأ نيجي للكيكة : ومقادير كالآتي هع هع :
2 بيضة ــ 2 كوب دقيق ــ كوب سكر ــ كوب سيرج ــ 2 ملعقة فانيلا ــ 2 ملعقة بيكنج باودر ــ 2 ملعقة كاكاو مر
هلأ نيجي للطريقة :
بتحطي البيض والسكر والسيرج والفانيلا بالخلاط وبعد ماتخلطيهم منيح بتحطيهم في وعاء وبتحطي الدقيق والبيكنج باودر والكاكاو وبتحركي باتجاه واحد وبس تخلصي حطيهم فوق طبقة الكراميل
وماتخافي تقولي إنه خليط الكيكة اختلطت مع الكراميل لالالا عادي يا عسل بس تخبزيها بتشوفي كيف
وبعدين بتجيبيي صينينة إلها حفة عالية بتحطي فيها مية لنص الحفة وبعدين بتحطي قالب الكيكة بالمية وبعدين بتحطيها بالفرن
على نار متوسطة وبدك تنتبهي إلها لأنه مو زي الكيكة العادية نتركها نص أو ساعى إلا ربع يعني بعد ربع ساعة بدك تشوفيها وبتنخزيها بالعود إذا ماطلع معك شي نزليها تحت لثواني واطلعيها من الفرن
وبدك تقلبيها في صينية على طول وشوفي كيف طعمها

هههههههه زهقتيني وأنا بكتب وهاي الطريقة مني مو من النت وع مسؤوليتي لأني جربتها أكتر من مرة

[كبريآء أنثى ـآ]

الصورة مو من شغل إيدي من النت بس بتطلع معي نفسها ولما أعملها راح أصورها وأفرجيكي كيف شكلها

[حواء مثالية]

يسعد مساكم الحلو

صحتين على الحلووووووووووو انا ما الي خلق اعمل حلويات بعرف كم شغله ونادرة لما اعمل بس بجيب جاهز مرات بجازف وبعمل بس ما الي طولة بال مثل ما قلتلكم بلكي عديتوني وصرت اعمل شجعوني

اجت ببالي جارة القمر وغموض كانو ينزلو صور حلوايات بعملوهااااااااااااااا من الاخر الله يرجعهم النا بالسلامة ونرجع نشوف الشغلات الزاكيه الي بعملوهاااااااااااا وحلا كمان شطورة بتعمل شغلات زاكيه

[كبريآء أنثى ـآ]

حواااااااء حبيبة قلبي وييييييييين هالغيبة
كيفك ياقمر ؟؟
مممم عملت قبل فترة خلية نحل وصورتها هلأ بنزل صورتها

[حواء مثالية]

تسلميلي ياعسل اناهون انتو مختفيين

ريتو صحه عكلشي زاكي بتعملوووووووو

زوجي بموت بالحلو بشتريلو جاهز ما بحرمو هههههههه

[دموع الليل]

انا مثلك حواء ماالى طوله بال اعمل

[كبريآء أنثى ـآ]

هاي خلية النحل
عمايل ايدية وحياة عينية

[كبريآء أنثى ـآ]

بصراحة انا بحب اعمل حلويات
وبحب اطبخ
يعني بتفنن بالشغلات هاي
وما بحب الجاهز ابدا

[حواء مثالية]

ريتو صحه وهنا خلص من اليوم وطالع شتى والشي هاد زاكي ينعمل لما بدي اعمل شي بجي بسالك ماشي

انا بتعرفي لي ما بعمل لانه حماتي بتستلمني وبصير كل يومين ثلاث بدها شي وانابصراحة ما بكون رايق كل الوقت لهيك بريح راسي وبشتري جاهز واذا قررت اعمل شي بختار يوم تكون هي طالعة في او بالليل