شاركينا بتجربتك متى علمتي بحملك؟؟؟ وكيف علمتي ؟؟

[ياسمين الشام]

مرحباياحلوين انادورتي مش منتظمة ابدا بس الي وحام صعب يعني بكتشف حملي من خلالو بس طبعن لازم اثبت كلامي بسوي تحليل بول للتاكد من الحمل واذاطلع حمل بروح الدكتورة طيارااااااااااا لانوحملي لازم اخذفيه مثبت حبوب وتحاميل اناعندي ولدوبنت الله يحفظهم لي ويطعم كل محرومة يارب بس للاسف هذا حملي ماكتمل لاانومافي نبض الحمدلله على كل حال اناعم استناه ينزل الله يهونها علي يارب اسفة طولت عليكم سامحوني وادعولي

[اغليك يا الجنوب]

متى علمتي بحملك ؟؟؟
قبل شهر
بعد تاخر الدورة بكم يوم ؟؟؟
شهر
متى حللتي ؟؟؟ وما نوع التحليل؟؟ بول منزلي ام بالمشفى ام دم ؟؟
با المستشفلى تحليل بول وانتي بكرامه
ماذا كانت اعراضك ؟؟؟
نغزات بصدر ونووم واحيان الصباح غثيان
هل حللتي حمل منزلي وطلع لك سالب ؟؟؟
ماحللت بالمنزل
ومتى حللتي مرة اخرى ؟؟؟ وماذا كان نوع التحليل ؟؟؟
با المستشفى حللت والحمد لله الله يثبته ويسهل الولاااده ويجعلها بردا وسلااما علي
قبلاتي تسبق تحياتي
لك با المثل مع احترامي

[بنوتة حلوة]

كنت في الشغل وكنت افكر واقووول اليوووم بانطلون الجينز بالغصب انقفل ليش ياااترى ومتضااايقة منه ضيييق وانا كل يوووم البسه عاادي .. كان باقي على الدورة يومين وفجأة زووجي اتصل وقلت له عندي احساااس اني حامل مادري ليش .. المهم هووو على طول راح الصيدلية واشترى اختبارين حمل وسويتهم وانا في الدوام وفعلااا طلع الخط الثاني خفيييف بس طلع بعد مدددة يعني اول شييي صادني احبااط بعدين لما طلع الخط الثاني شوي شوي قلت يمكن في غلط لأن طووول على ماطلع ..

المهم بعدين خلص دوامي ورجعت البيت وكان عندي اختبار حمل نوعية ثانية قلت خليني اجرررب ولما جربته فعلااا طلع الخط الثاني بس خفيف .. زوجي شاااف الاختبارين وكان مو متأكد حسيته شااك قال لي نرووح احين عيادة فيها مختبر ٢٤ ساعة فاتح ..

ورحنا وسوويت تحليل دم وقال اللي في المختبر اتصلوا بعد ساعتين .. ورجعنا البيت بعد ماتعشينا وخلصت الساعتين زوجي على طول اتصل وقال له زوووجتك حاااامل .. وبعدين خلاااص كملت الفرررحة وهادي قصة حملي :p

[احب القمرا]

عقبالك ياقطرات الندي اشوفك كيف عرفتي حملتي وكيف ردت زوجك يارب

[تاالة]

انا بصراااحة كان عندي احساس اني حامل والدورة موقتها لانو معي صداع والم بصدر هذ اللي خلاني حاااسة بس قلت انتظر لما تاخرت علي قعدت9 ايام وحللت منزلي وطلع خطين ورحت للمستشفى اتاكيد وطلعت حااامل اللة يفرح نظرتي بشوفتة يااارب

[يارب لاتحرمني اياه]

ان كنت خايفه قبل وقتها بيوم نزل معي نقطه وانتو بكرامه وجلست لين بكره احتريها
يوم شفتها قلت اكيد شرفت ..
المهم ثاني يوم جتني دوخه وتطريش وانتو بكرامه وانا كنت زياره عند اهلي ع طول رحنا المستشفى سوا تحليل والحمدالله بس كان الحمل صغنون امي دقت ع زوجي تبشره وانبسط حيييل
وعلممت خواتي والكل انبسط لي.. وشوي شوي علمت اهلي واهل زوجي

شاكره لك يارب يتم علي وع الكل

[JORI]

سلام عزيزتي... تحياتي الك و لكل الكروشات و اللي بعد ما صارت انشالله بتصير..

انا عرفت نفسي حامل بيوم عيد ميلاد زوجي ... يعني الفرحة فرحتين!!
كان صارلي 45 يوم متزوجة هههه...
و بعد مرور 3 ايام على انقطاع دورتي. جبت تحليل منزلي و كانت النتيجة خطين! والله ما كنت مصدقة من الفرحة! بعدني محتفظة بالتحليل ههههه!

وطبعا الخبر يستاااااهل شوية دموع و دراما>> فلم هندي هههه
زوجي حبيبي اكيييد اول واحد عرف.. و بعدها ماماتي و باباتي

كان وحامي صعب كتييييير... دوخة و تعب و اعياء و تقيؤ الله يكرمكم.. كرهت نفسي اول ثلاث شهور و صرت كأني شبببببببببح من التعب! لمّن دخلت الرابع, بدا الحمل يصير احلى!و انا صرت اجمل! يعني عالاقل صار فيني امشي و اتمختر ببطّوني اللي بدا يبيّن هههه!

بعدها راحت الايام و اجت و خلصت التسع شهور و اجا ابني ونوّر حياتي

الله يتممها على جميع الحوامل يا رب

[بنوتة الأحساء]

بأذن الله الله يكرمني وعلمكم بالتفصييييييييييل اهئ دعواتكم
الله يقوووم كل كروشه بالسلاااااااااامه ويرزق كل من تتمنى ياااااااارب

[دلوووعـــه%]

متى علمتي بحملك ؟؟؟
قبل ثلاث ايام
بعد تاخر الدورة بكم يوم ؟؟؟
تأخرت عشر ايام عن موعدها وكنت داااايم ادعي لماتتأخر انو اكون حااااااامل
متى حللتي ؟؟؟ وما نوع التحليل؟؟ بول منزلي ام بالمشفى ام دم ؟؟برضو حللت قبل ثلاث ايام تحليل دم بالمستشفى وبعد ربع ساعه طلعت النتيحه
وكنت متوووووووتره وابكي وادعي انو ربي يكتب لي حمل والحمدلله والشكر
ماذا كانت اعراضك ؟؟؟
اعراض دوره100% مصحوب بغثيـــااااان شديد وقيء
واذا دخل زوجي للبيت ابكي لدرجة انو صار ينام بالمجلس وانا مدلعه بغرفة النوم هههههههههآآآآآآآآآي
ومااقعد من النوم الاساعه عشان اكل وارجع انام
هل حللتي حمل منزلي وطلع لك سالب ؟؟؟ ومتى حللتي مرة اخرى ؟؟؟ وماذا كان نوع التحليل ؟؟؟
حللت حمل منزلي ماطلع غير خط واحد ورحت للمستوصف ووضح عندهم

[أم حماني]

متى علمتي بحملك ؟؟؟
تاريخ 3 - 1 - 2010
بعد تاخر الدورة بكم يوم ؟؟؟
كانت متأخره يومين بس
متى حللتي ؟؟؟ وما نوع التحليل؟؟ بول منزلي ام بالمشفى ام دم ؟؟ حللت بثالث يوم وماكنت ابي احلل اصلا لاني كنت واثقه الدورة بتنزل بس اختي الكبيره كانت تلح علي وايد واهيه اللي شرت لي التحليل وجبرتني اسويه والصراحه انا سويته بس عشان افتك من حنتها ... ههههههههه ماكان عندي امل اكون حامل .. حللت بالبيت وطلع خطين على طول وبعد ماكنت واثقه ولارحت سويت تحليل دم

ماذا كانت اعراضك ؟؟؟
كانت فيني اعراض الدورة وكنت متوقعتها تشرف بأي وقت لدرجة اني كنت حاطة الفوطة الصحية
هل حللتي حمل منزلي وطلع لك سالب ؟؟؟ ومتى حللتي مرة اخرى ؟؟؟ وماذا كان نوع التحليل ؟؟؟ لا ماطلع سلبي ... بين على طول

تفاصيل اكثر ... يوم اللي عرفت اني حامل كنت عازمة امي وابوي واختي واعيالها عندي بالشقه ... بعد ماحللت وطلع خطين كنت وايد منصدمه والف مليون فكره يات براسي وسويت مثل المسلسلات حطيت يدي على بطني وحسيت بشي ثمين وغالي بداخله .. ناديت اختي مب عارفه شلون اقول لها بس قلت لها روحي شوفي النتيجه بنفسج وطلعت من الحمام تصارخ ... (( يمه ... يمه .... بنتج حامل )) ههههههههه وامي شقت الحلج اول مره اشوفها مبتسمه هالكثر وانا حدي انحرجت من ابوي .. و زوجي ماخبرته واهوة كان بالدوام اصلا .. طلعت العصر مع هلي كلهم ورحنا المستشفى عشان اتأكد .. وطلعت فعلا النتيجه ايجابيه وقلت لزوجي اني رايحه المستشفى مع ابوي لانه ريله تعوره شوي .. وبعدها رحت شريت باقه ورد وعلبه فاضيه وبطاقه .. وغلفت العلبه بورق التغليف .. لفات كثيره عشان ماتنفتح بسرعه .. و يوم رحت البيت واهوة كان عند امه .. كلمته قلت له تعال الدورة نزلت علي وانا تعبانه .. اهوة كان عارف انها بتشرف اي وقت .. ويوم ياني الشقه قلت له دور لي ( مطارة الماي ) ماعرف شنو تسمونها بس اللي نحط فيهاا ماي حار ونخليها على البطن واهوة يدورها انا خليت باقه الورد على السرير مع العلبه ويوم شافهم تفاجأ .. وكان بالصدفه يايب لي معاه ورده و لونها وردي .. قال لي احرجتيني .. انا يبت لج وردة وانتي يبتي لي باقه .. وشاف العلبه ما اهتم لها يحسب عطر او ساعه او شي .. الريال قاعد يقول كلام رمنسي وانا في قلبي اقول اخلص علينا بسرعه بس .. هههههههه ويوم قلت له افتح العلبه وانا اصوره فيديو .. عصب وتملل لانه مب من النوع الصبور .. وانا اقوله يالله واصل واهوة مايبي يواصل يحسب مقلب لانه العلبه خفيفه كأنها فاضيه .. ويوم اخيرا فتح العلبه شاف الورقه مالت التحليل وقعد يقراها ومافهم شي ههههههههههههههه على انه شاطر بالانجليزي بس من الصدمه مافهم شي وانا قعدت اقرى له واقوله .. واهوة مب مصدقني .. واحلف له يقولي لا لا يمكن التحليل غلط ... اقوله لا هذي تحليل دم مستحيل يكون غلط .. وبعدها شوي خذني على قد عقلي وحضني وقلبه يدق بقوة ومب مصدق ... على طول طلعنا من الشقه وكانت الساعه 8 ونص بالليل ورحنا حق امه واخته نبشرهم وهذا غير اللي بشرهم بالتلفون ... والكل فرح وبارك لنا الحمدلله ... بس تصدقون كان بعد مب مصدق وماصدقني الا يوم وداني عند دكتورة وشاف كيس الحمل بالالتراساوند .. بعدها قال .. الحين صدقت ههههههههههههه ومرت الايام وبدى الوحام الصعبببببببببببببببببببب وكرهت كل شي بحياتي .. حتى حملي استغفر الله كرهته .. كنت كأني ميته ولا ادري عن اي شي بالدنيا .. بس بنص الرابع بدى يخف عني وتمتعت بباقي الحمل الحمدلله رب العالمين ...

سوري طولت عليكم >> زين حسيتي ههههههههههههههههههههههههه

يارب يارب ياررررررررررررررررب تمم على كل حامل على خير
وارزق كل محرومة يارررررررررب عاجلا غير آجل