♥♠❤تجمع البنات الي يحاولون الحمل بتوائم♥♠❤

[أحمد حبيبي]

ههههه فـــوفـــو

ان شاء الله بتحملين قريب والله يرزقج يا ألبي

خذي بالاسباب واتوكلي على الله وربي ما يخيب من توكل عليه

وانا اتريا الدورة وايد اتاخرت علي الله يقطعهااا .. سويت سونار ماشي حمل .. سويت تحليل منزلي ماشي حمل خخخخ .. خذت دوفاستون ومن تنزل الدورة بواصل نظامي ولا يأس مع الحياااة

الله يرزقنا ان شاء الله

[22MISS F0F0]

حبيبتي ام حمودي
انتي تفكرين بالحمل عشان كذا الدورة تلعب بأعصابك وتتلخبط هرموناتك انسي الحمل وفكري بالمستقبل انا الحين اسوي كذا بس اول انتظر كرشتي تزول الله ياخذها بعدين ابداء عدل يختك مليت كأني بالشهر السادس بديت اعذب روحي كل اشوي اشرب خل التفاح الاخضر ولاقعدت ماكلت نص يوم احس روحي بمجاعه افريقيا قلت خلاص لازم انظم وقتي وانظم اكلي والحمد لله لي اسبوع ملتزمه الله يتمم علي خير
باقي البنات شخبارهم وين جنون والباقي ان شاء الله المانع خير

[أحمد حبيبي]

هههههههه فــــوفــــو

والله مافكر فيه هالكثر .. يمكن قبل هيه يعني اول ما اشتركت فالمنتدى كنت احس اني ساعات بنتف شعري ههههه بس بعدين قلت شو السالفة بتخبل على جذه .. باخذ بالاسباب وتاركة كل شي على الله

شاغلة عمري.. آخذ دروس سواقة .. امشي كل يوم .. اطلع مني مناك.. وتمضي الحياة

حبيبتي اكلي عادي بس خففي .. اشربي شاي اخضر بالزنجبيل عقب كل وجبة .. وسوي زنجبيل وكمون وقرفة وشرط لمدة شهر الكرشة بتخف ان ماراحت

الباقيات مختفيات .. يمكن راحوا قسم الحمل .. الله يوفقهن يارب ويتم عليهن حملهن بالسهالة والسلامة ان شاء الله

[22MISS F0F0]

ياحياتي احسن لج تشغلين نفسك ولاتقعدين تفكرين بالحمل
بقولك مابقي الا انا وانتي نونس نفسنا وش رايك تزوريني وبعد كم شهر بجيك الامارات انتي وين تحديدا عشان لادخلت ابوظبي اعطيك خبر :)
بخصوص الزنجبيل اليوم رحت بشتري كله منتهي بكره بروح الخضار وبشوف باخذ لي 3كيلو ابلعهم هالشهر عسى هالبطن يروح بلا رده
امس ابو العيال قال لي يبي مستعجل قلت له مافيه حبيبي انتظر لشهر 5 عشان لاحملت اتوهق بكرشتي خليني اول انزعها من الجذور وبعدين نبدأ

[فدؤ 2]

ام احمد ومس فوفو لا انا موجوده معاكم وماراح اسيبكم حتى تيصرون حوامل باذن الله

نصايحي لكم

انسو الحمل

نقصو وزنكم

خلوكم على الاشياء الطبيعيه عسل و7 حبات بركه على الريق بعدهم حبوب السمم وماء

عصيرالاناناس بعد كل وجبه

وخلطة عيون وليد بعد 3 يوم من الدوره

اعملو لو نصف ساعه باليوم والافضل بالصباح رياضه تنشط سبحان الله المبايض

[فدؤ 2]

واخر شي ادعو لبعض وادعو لي معاكم الله يجبر بخواطرنا ونجيب احلى توم ويتم حملنا تسع اشهر ونفرح بضمتهم



وسلامي للجميع

[22MISS F0F0]

ياحياتي انتي يافدوووو
والله في بالي هاذي الاسأله توني افكر اذا طلع التأمين اروح واستخدم كلوميد ولا اكل اشياء طبيعيه اجرب واشوف التبويض محتاره بس ان شاء الله باخذ شورك وببداء بالطبيعي
واهم شي انزل الوزن ببداء هالاسبوع ركض ركض انا ماينزل وزني بالحرمان لو اكل اكل واركض انزل بس لو احرم نفسي يوم كامل مااكل اقيس ولاينزل ربع كيلو جسمي مشكلته مويه مو دهون لازم اهتم بنفسي
الله يوفقني وياكم

[فدؤ 2]

المشاركة الأصلية كتبت بواسطة 22miss f0f0

ياحياتي انتي يافدوووو
والله في بالي هاذي الاسأله توني افكر اذا طلع التأمين اروح واستخدم كلوميد ولا اكل اشياء طبيعيه اجرب واشوف التبويض محتاره بس ان شاء الله باخذ شورك وببداء بالطبيعي
واهم شي انزل الوزن ببداء هالاسبوع ركض ركض انا ماينزل وزني بالحرمان لو اكل اكل واركض انزل بس لو احرم نفسي يوم كامل مااكل اقيس ولاينزل ربع كيلو جسمي مشكلته مويه مو دهون لازم اهتم بنفسي
الله يوفقني وياكم

ربي يسعدك مس فوفو

بعطيك نظام الي نزلت عليه بس من الافضل انك تروحي اخصائية تغذيه لان كل جسم يختلف عن الثاني

الصبح رياضه جليليان ابدي بالمستوى الاول بعدها خذي شور
الفطور يا كرون فليكس مع حليب قليل الدسم بدون سكر
او 6شابورات لايت مع حليب قليل الدسم بدون سكر
او 6 ملاعق فول مع نصف خبز بر وشاهي اخضر بدون سكر
او بيضتين مع شاهي احمر بدون سكر وبرتقاله واحده

شرب الماء بكثره خصوصا اول ماتستيقظينن اشربي كاسه ماء بعدها كاسة ماء مع عصر نصف حبة ليمونه عليها

الغداء ربع دجاجه مع سلطه زبادي مع عصير الاناناس مع ملعقتين رز
او تونه بالماء مع سلطه مع 6 ملاعق رز مع عصير اناناس
او ايدام بدون دهن مع نصف خبز بر مع عصير اناناس


العصر مشي ابدي بنصف ساعه حتى تقدرين توصلين لساعه او ساعه ونصف


السناك خيار طماطم اي نوع من الخضار مكسرات بحجم قبضه اليد نوع واحد كل يوم

تقدرين تاكلين فشار بس بشرط مايكون فيه زيت ولا تحطين فيه ملح اوكرميل او زبده


العشاء 6 شابورات مع حليب قليل الدسم او كرون فليكس او سلطه اوزبادي وثوم وحاولي يكون العشاء قبل النوم ب3 ساعات

نامي بدري واصحي بدري لان للاسف السهر يشجعك على الاكل


ايه لاتستعجلين على النزول لان الوزن الي كسبتيه في سنين صعب يروح في شهر وكمان اتبعي هذا الرجيم 6 ايام واليوم السابع اكسري الرجيم وكولي الي نفسك فيه بالكميه الي تبغينها ولاتشوفين وزنك كل اسبوع اوزني مره وحده كل شهر
اتمنى اكون افدتك يالغلا وبتوفيق

اتمنى من كل وحده تطبق النظام وتستفيد مو شرط تكون مسجله تدعى لي لاني محتاجه دعواتكم

ويعطيكم العافيه

[شموووخي]

السلام عليكم صبايا كيف حالكم وحشتوني الاان انا مستمره على جلوكفاج وحبوب منع الحمل موعدي الشهر الجاي
لا تنسوني من دعائكم ان شاء الله اروح لها تقول مافي تكيسات وارجع اكمل المشوار معاكم
ربي يرزقنا تواائم

[أحمد حبيبي]

يااا حياااااكن الله


مس فــوفــو ... حيااااااااج الله هههه بتنورينااا والله .. دام ريلج يبا ماعندج سالفة احملي الحينه وعقب اشتغلي واترشقي مثل ماتبين


فــــدؤ .. تسلمين الغالية على النصائح الحلوة .. الله يتم حملج على خير يارب.. بين معاج اذا توم ولا واحد ؟ وان شاء الله يكونون توم صبياااان يارب


شموخــــي .. الله يشفيج ويكتب لج الحمل عاجلا غير آجلا يارب .. انا خذت كم حبة كلوفاج قالوا لي ينزل الوزن خخخخ بس وقفته خفت مع انه وايدات استخدموا كلوميد وكلوفاج واحملن


بقولكم عن شي اكتشفته ..تذكرون حبوب الفايتكس!!! اتفاجأت لما شفت كم وحدة في اليوتيوب كاتبات انهن استخدمن هالحبوب وحملن بسرعة ويابن اولاااااااااااااد !!!!! وانا على بالي انه يسبب الحمل في بنات !! احترت الصراحة


بس وايد يمدحونه ويقولون انه افضل من الكلوميد لانه طبيعي وماله اضرار ... والعلم عند اللـــــه

ويوميا امشي ربع ساعة.. صارلي 4 ايام من خلصت الدوفاستون.. ويارب خير ياااااااااااارب