دردشة بنات فلسطين, دردشة حوامل فلسطين, تجمع بنات فلسطين

[جارة القمر]

ام جودي:

حبيبتي الله يسعد اولادي بيطلعو من مرض بينزلو بمرض وانا هيك الرشح دبحنا
شكلي لاني بشغل التدفئة بالبيت ولما نطلع بيكون الجو بااااااد

شغلي تمام الحمد لله ..........

مسكينة ليه مش نايمه تعرفي اللي ما بيشبع نوم بيضل تعبان و منكد ........

[حلا الماس]

صباح الخير يا صبايا ..

انا من زمان بالمنتدى بس هلأ خامل جديد وحابة ادردش معاكم :)

انا عمري 23 سنة وهادا حملي الرابع .. لانو انا اتزوجت صغيرة

اتمنى تقبلوني بينكم اخت جديدة ♥

[um jo0ody]

حبايبي الف الف سلامة عليهم ما يشوفوا شر يا قلبي ،،، طيب يا جارة قبل ما تطلعي فيهم شربيهم مي وخليهم يغطوا انفهم بفوطة وان شاء الله ما بسيرلهم شي وقبل ما تطلعي من البيت اطفي التدفئة شي نص ساعة عشان ما يكونوا بدفا كتير ويطلعوا لبرد كتير بجد الشتا على قد ما هو حلووو وجوه رائع الا انه متعب من ناحية المرض كل شوي رشح وزكام وخصوصا عند الاطفال ،،،
وما شبعت نوم والله لانه انا وزوجي وحمودي كنا سهرانين مو عارفين ننام وبعد صلاة الفجر نمنا :( وابني الشطور نشيط ما شاء الله صاحي وفايق ومبسوط عالاخر ههههههه

حلا اهلا وسهلا فيكي بينا يا عسووولة بنتشرف بمعرفتك اكيييد ويا رب تقضي وقت حلو معنا

[um jo0ody]

ما شاء الله الله يتمملك حملك على خير يا حلا ويقومك بالسلامة يا رب ،،،عرفينا عليكي اكتر ،، من وين انتي ؟؟

[beboo]

هلا يالولو اه انا هوون جديدة كيفك وشو اخبارك بعد الحرب

هلا ام جودى منورة ياعسل

[um jo0ody]

النور نورك يا قمرة كيفك ؟؟ اعتقد يا بيبو ااسم ابنك بيان صح ؟؟ ومن غزة على ما اظن ؟؟

[beboo]

صح ثطورة ههههه

هلا ياعسل كيفك وشو اخبارك بعد الحرب ان شاء الله ماصار عندكو شي

طمنيني عليك

[حيفا]

صباح الخير صبايا حبيباتي :)

عسولتي طبعا بنبسط بوجودك ، وبيخفف عني وجودكم بحياتي والله ، بس هي فترة هبلة وبتعدي ان شاء الله :)

ام جودي اهلا والله الحمد لله انك دخلتي وطمنتينا عنك ، وياستي مش مشكلة الشبابيك والابواب المهم انتو بخير ، عقبال ما تيجي هبه وتطمننا عنها :)
جارة وعيون واحساس ولولو وام عزمي ، ولولوو والصبايا الجداد ، وكلكم كلكم حبيباتي يومكم باذن الله كلو خير :)

[~{{ DoDo }}~]

مرحبا صبايا

كيييفكم كلكم بدون استثناااااء

حيفا وجارة واحساس ولولو ولولو وام عزمي وبينك وام جودي وميسا وعيون المها وغموض وانبثاقة وعسولة وبيبو مين كمان

اشتقتلكم

اليوم مزاااااجي سيء يا بنات صرلي فترة مش عم بعرف انام مش عارفة ليش

مع اني مش قلقانة ولا شي وكل الامور تمام وطبيعية

معقول لاني متعودة انا على بطني ومن يوم ما حملت صرت انام عالجنب ويا رييييييت بقدر انام :((((
حاسة حالي مرهقة شو اعمللللللل

شو طابخين اليوم ، مش جاي عبالي اعمل شي :(

[إنبثاقة أمل]

يسعد مساكم جميعا

شو اخباركم يارب تكونو بخير وعافيه


دودو ياقلبي الله يعينك قلة النوم مرهقه وبتعب

ربي يقر عينك بنوم العافيه

محتاره شو أطبخ ما بعرف .. بلكي غشيت منكم