تجمع حوامل ليبيا

[ميمونة]

شفتوا هذه صوره ولد ام وسونه ربي يحفظه وهيا لاهيه اشبح في شنو


[IMG][/IMG]

[saly.me.91]

السلام عليكم...
كيف حالكم كلكم
شنو خلاص تعديتوها مرحلة النقاش في مواضيع الحمل وخشيتو ع التشات مافيش وحدة حامل في الاشهر الاولى؟
ياريت تقولولي أنا في أي شهر أنا حاليا بالاسبوع العاشر وأخر دورة 18.9
وحامل ماشاء الله تبارك الله بأربع توائم
ادعولي ربي يكملي حملي على خير ويعطيني الحمل السليم المعافى..
وللحديث بقية

[عيون زوجي]

المشاركة الأصلية كتبت بواسطة saly.me.91

السلام عليكم...
كيف حالكم كلكم
شنو خلاص تعديتوها مرحلة النقاش في مواضيع الحمل وخشيتو ع التشات مافيش وحدة حامل في الاشهر الاولى؟
ياريت تقولولي أنا في أي شهر أنا حاليا بالاسبوع العاشر وأخر دورة 18.9
وحامل ماشاء الله تبارك الله بأربع توائم
ادعولي ربي يكملي حملي على خير ويعطيني الحمل السليم المعافى..
وللحديث بقية

مااااشاءالله لا قوة الا بالله
جديات انتي حامل بهالعدد ولا تبصري معانا
لو حق ربي يحفظك وديري بالك على روحك انتي في اول المشوار حامل في شهرين ونص
تاكدتي من النبض وعدد اكياس الحمل
وموعدك تقريبا 28/6/2012
انتي ليبية؟؟؟؟؟؟
نبوا التفاصيل لانك بجد حاجه تانيه ومميزة جدا

[عيون زوجي]

ام ناريز....صحه الصدرة ولو ترجعي صفحه وحدة بس تلقيني سائله اعليك ومقايله ان المناسبات خداتك مننا انتي وام اجنادين
ام اجنادين....صحه الحنه وراجلك ما ادوريشي دلع رجاله وانتي ما تكبريش بكلامه واديري روحك خايفه او متغششه لان الموضوع عادي هو شكله جوه مش مليح جي بيعشش فيك سامحيني عالالفاظ بس انتي يا اوخيتي امرك طبيعي انا لما نمشي لصاحباتي وبعد فترة طويله لازم اندير يلي درتيه ونرفع هديه كبيرة لاننا احنا النساوين لوين لوين باش نواصلوا صاحبه والحق يقال انحبوا انبانوا حلوات وانيقات قدام صاحباتنا صح ولا لا
اضحكي في وجهه وما تناقشيش اصلا لانه مش موضوع
ميمونه....يا احبيبه قلبي معاك كان مش من صغاري راني جيتك عاونتك ياسرك من التعب والضيوف يلي على بعض امالا بعد الاحد شنو بيصير فيكم
ربي يهنيك ويسهلها اعليك
ام وسونه.......الف الحمدلله عالسلامه نورتي حوشك وان شاءالله نباركوا في خلاصك يارب
يقين........وينك يا صغيرونه التجمع خشي طمنيني اعليك شنو صار في عمليه ازاله اللولب والحمل خشي يقونه مش تقري وتتطلعي زي بعض ناس
ايه...ماعندكش كلمه وينك قلتي بترجعي تعالي الليله نستنى فيك
ميمونه....نسرينا حملت ولا لا واعلاش ماعادش اتخش معانا نحوا منها النت من الشغل ولا شنو ؟؟؟
اميرة التجمع...سامحيني راجلي البارح قعمز عالنت وما خشيتش هدرزت معاك
ميراس....لاباس اعليك طمنيني اعليك وين هالغيبه
تمورة....حبوبه وينك بديتي تتقاعسي عن المشاركه تبي اندار ولا شنو مكانك فاضي
ام محمد...لاباس اعليك اكيد عويناتك ماشاءالله كبار هادي عين الحمل ماليشي علاقه بوجع العيون ارقي نفسك وشوفي دكتور
هاتو...كيف حال رتولي اليوم

[تمر حنة]

السلام عليكم ورحمة الله وبركاته
ســالــــــــــــــــــــي مرحبتين بيك وربي يحفظ ما في رحمك ويثبتة ويسهل عليك الحمل والولادة والرضاعة والتربية تعرفي قريت ليك مشاركة هنا في التجمع تسألي على اعراض الحمل بعد الحقن المجهري من مدة قبل مانسجل اعتقد وقعدت ندعيلك ونفكر فيك قلت زعمة شن صار فيها معادش دخلت ربي يكمل عليك فرحتك واسمعي ماذا بيك ماتقوليش لحد على قصة التوائم إلا امك والله الدنيا تخوف وفيه هلبة ناس ماتقولش حتى ماشاء الله
ربي يهنيك

[تمر حنة]

عيــــــــون "كيف حالك اليوم" ان شاء الله تمام وكيف حال السنافر وبوهم بابا سنفور

[تمر حنة]

ام محمــــــــــد الف لاباس عليك ياغالية كيفك اليوم ان شاء الله افضل
يقيـــــــــن وينك ان شاء الله مشت امورك وماتعباتكش ازالة اللولب
ام وســـــــــونة الحمد لله على سلامتك وربي يفرحك وتبشرينا بالحمل يارب
آيـــــــة الله يسلمك ياحلوة انا عندي خمسة سلفات كلهم اكبر مني وماقعدتش معاهم هلبة شوية وسافرت لكن شكلهم صاعبات والكبيرة نديدة ماما 45 سنة يستر الله انا مانحبش المشاكل وماعنديش جهد ليها وربي يفكني منها ويفكنا جميعا يعني احتمال نلحقكم للكوكب انتي وعيون خلولي مكان
ميــــــــراس ان شاء الله حالك افضل وياريت تدخلي على خاطري استاحشتك
ام ناريــــــــز واااااااااك شعري شاب منك مافيش فايدة مهما نسأل عليك تقولي ماتسألوش عليا الحل الوحيد اني كل ماندخل نبعثلك سلام على الخاص
ميمـــــــونة ربي يكون في عونك والله حاسة بيك تعبااااانة ربي يعطيك صحيحتك

[تمر حنة]

هاتــــــــــو طمنينا كيف حال بنيتك اليوم ان شاء الله افضل

[تمر حنة]

ام اجناديـــــــــــن ماتكبريهاش لقطة عابرة وهو لو كان قال من البداية انه مش راضي المفروض انك سايرتيه وطاوعتيه لكن مادام كان راضي ومش معارض وجاء في النهاية بعد ماحنيتي ومكيجتي وخلاص بتمشي وتفكر يزعل ماتلوميش على روحك عادي توا يرضى

[تمر حنة]

عيــــــون كانك قعدة هدرزي ما تتحشميش هذا انا زيتونة مافيش حد براني