دردشة حوامل اهل فلسطين الغاليات ^_^

[سما الدنيا]

بنات بدي اعمل متل هيك لابني كيف حلوين مدسات للبيبي ام صاحبتي بتعمل بالصوف واجار ايدها جدا رخيص عطوني رايكم


بس طبعا الالوان مختلفة بدي لاطلع كمان اسبوع عرام الله وبجيب الوان ابيض واخضر وازرق اشي مناسب لبيبي ولد انشاء الله.

[حواء مثالية]

هلا وغلا سما منورة شو هالصباح الحلوووووووووووووووووووووووو

الصور ماظهروا عندي حمليهم كمان مره

كيفك اليوم كيف البيبي

[سما الدنيا]

هلا حواء صباحك الحلووو البيبي تمام والحمد لله الصور مش قبلين ينزلو هون عالمنتدى شوفيهم عقوقل اكتبي .مدس للبيبي.
في واحد لونة زهر وواحد فوشي...بدي اعمل متلهم بس لون مختلف..
شو بتشتغلي حواء مخلصة دراسة شو؟

[حواء مثالية]

انا بشتغل بغير مجالي مديرة مكتب

مخلصة بكالوريوس تاريخ ودبلوم عالي اساليب وتاهيل

هيني رايح اشوفهم

[حواء مثالية]

قصدك هدول

[سما الدنيا]

اها هدول شو رايك حلوين رح تعملي اياهم بتلت ايام ايدها سريع بس اربعين شيكل رح تاخد عليهم ولا اشي بكفو انهم حلوين...
وبالنسبة لشغلك الله يوفقك ما في احلا من شغل المكاتب احسن من التدريس وهمو..

[حواء مثالية]

والله بجننو
كثير حلوين خصوصا الفوشي بس انتبهي بدك لون يبين الموديل

انا ابني بجي بعز الصيف بس بتعرفي فكرتهم بتجنن وما بكلفوا شي بكفي انهم شغل ايد ومميز بتعمل شنتات بيبي

[سما الدنيا]

بتعمل كل اشي عامله لبنت بنتها فستان مع الطقية اشي روعه يمكن اخليها تعملي اكتر من شغلة...خلص بس يبان فيكي ولد او بنت انشاء الله رح خليها تعملك شي عزوقي هدية

[حواء مثالية]

الله يسعدك ياقلبي ما تقصري يا بعد شبدي

شو بتعملك نزلي صورهم كمان خلينا نشوف شو بطلع معها واساليها عن الشنتات والاسعار اذا شي مناسب بعمل اكثر من وحده باكثر من لون ماشي

[سما الدنيا]

اوكي انشالله..ولا يهمك ..رح اطلع عرام الله كمان اسبوع بجيب الصوف وبالمرة بدي اشوف البيبي واعمل فحص السكري وبس يجهزو بصورهم وبحطهن هون....