【ツ】أحلى تجمع لأحلى حوامل التوائم 【ツ】 ‏الجزء الثالث

[حـ ـزن]

انا بداية السادس رامان
انا حتى نومي صار بالموت يمسكني ارق مو طبيعي
والوساويس تحلى وقت النوم لكن اجلس استغفر ربي طول مانا على الفراش

[رامان]

الله يعين بالسادس أوقات يجيئني أرق

وأوقات أنام نوم مؤ طبيعي

وكرهت شي إسمه ساعه ماعدت أطالع بالوقت

مع إن الشهر السادس شهر حلو وخفيف

عشان كذا يحذرون من الحركه فيه لأن الأم

تنسى تعب الغثيان والدوخة

[حـ ـزن]

هههههه
شهر الملل احسه من بدايته والتعب هذا انا بس جالسه
وطفش مو طبيعي الا بساالك جهزتي للنونوات

[رامان]

الحمد لله بخاصه على خير وأودعه لشهورالأكشن هههه

التجهيز مستحيل أغامر وأروج أنا خليت أمي وأخواتي

وزوجي وعمتي وأخوات زوجي يتولون هاشي ما أحد قالهم

يفرحون دبستهم بالتجهيز أنا بس بنزل الصيد ليه وبس

[عاشقة الغروب]

سلااااااام
انا الان بالمستشفى رحت امس لدكتورتي بالخاص ولقت الرحم فاتح اربعه صانتي والطلوق خفيفه وقالتاي علطول عمليه لي ان واحد نازل بالراس واحد معترض انهبلت وقلت لزوجي انروح الحكومي وهربت للحكومي >>>خخخخخ
وعلطول لطواري وجلسوني بغرفة الاولاده وقالو مايحتاج نستعجل وانسو يلك عمليه وانتي حرام لسه بالثامن وعطوني مثبيتات ومظاد وقالو نستنى لبوكره ونشوف والحمدلله اليوم خف كل شي والرحم قفل ع ثلاثه صانتي والان انا بالتنويم يارب تهون علي واوصل التاسع بناااات لاتنسوني من دعاأكم لي ان التونز لسه صغار يارب يقفل الرحم وماينفتح الى بالتاسع يارب ياكريم

هادي حكايتي☺

[حـ ـزن]

ياحياتي ارتحتي وربي يهون عليك وعلينا الشهور الجايه
انا بكرا رايحه سنتر بوينت بشتري غرفة لولدي وبستخدم السرير لولادتي مع الدرور حقه

[حـ ـزن]

يؤؤؤؤ عاشقة غروب وش الي صار
ربي ان شاءالله يتلطف بحالك وماتولدين الحين

[يارحيم تمم لي بخير]

عاشقه غروب اسال الله ان يتمملك حملك وتدخلين التاسع ولايضيع لك تعب حولي تنامين على ظهرك مع رفع رجولك

حزن انا هالالم جاني واستمر معي كم يوم ماغير اصيح اذا مشيت ولاحركت رجلي ..طبيعي وقلت لنفسي يمكن يسب سحبهم للكالسيوم


بنااااااااات ابسالكم انتو يوميا تاخذون الحديد انا يوم عن يوم..ونفسيتي تعبااااااااااااانه منه حيل واستفرغه

[حـ ـزن]

يارحيم وش نسوي نعاني احنا الحوامل لكن الحمدالله على كل حال
انا اخاف من اي الم لكن اقول طبيعي ماابغى الوسواس يتغلب علي
ربي رحيم بحالنا
بنسبة للأدوية انا مااخذ حديد
الي دايم تكتبه لي الفوليك والفيتامينات والشهر الي فات بتدت معاي كبسولات ملكات النحل

[mahawy]

مبروك والحمدالله على سلامتك ياريماس
وربي يتمم لك بخير عاشقه الغروب
بنات حبيباتي بسألكم الدكتور كاتب لي مثبتات الين الشهر السابع عادي.،؟.
زوجي خايف تأثر المثبتات بالبيبيات
انا اخذ مثبتات ابر طمنووني
وع فكره انا كل خميس اخذ الابرة عادي انتو استمريتو عليها مثلي.،؟