تجمع حوامل ليبيا

ميمونة · 11-23-2011, 02:16 AM

[[/IMG]

مقادير التارت : بيضتان وملعقة خميرة ونصف كورب زبدة سايحة ونصف كوب حليب وذرة ملح و3 اكواب دقيق ويعجنو ويفردو بعصاة الفرد العجين وينحط العجين في الطاجين التارت .

الحشو : 2 بصلات مفورمات ولحم مفروم مش كمية كبيرة وسلك مفروم ( اني السلك نفرمه ونحطه في الفريز واليوم استخدمته على طول ، طلعته من الفريزم وخليته فتر وخلطته مع اللحم ) درتله دبايره ملح وفلفل زينة وشوية قرفة وخديت 2 جزرات كبار بشرتهم وحطيتهم علي الحشو وحكة فقاع . بعد ماطابو خليت الحشو لين برد شوية وخلطة عليه بيضة وصبيتها علي التارت وبشرت عليها جبنة حمراء وفي الكوشة علي درجة حرارة 180 وامممممممممممم صحتين وعافية يارب

hatoo · 11-23-2011, 02:22 AM

شكرآ ياميمونه , واهلين ام محمد

hatoo · 11-23-2011, 02:25 AM

شكلهم يسهفوا ان شاء الله حنجربهم

ميراس · 11-23-2011, 02:27 AM

عيون ادا كنتي موجوده الان خشي على الرسايل بعتتلك رساله خاصه وردي عليا ضروري

ميمونة · 11-23-2011, 02:34 AM

[IMG][/IMG]

عصبانا تاني يوم يكون مصقع و نرصوه و نضغطوه كويس باش مايطلعش الحشو لما تقليه ...لاحضوه كيف لين مكرمش ياناري هههه .

[IMG][/IMG]
ستة بيضات + كوب دقيق + ملح و فلفل اسود و رشة قرفة + ملعقتين و لا ثلاثة مية دافية ...,خلاص كملو علي خاطري عارفه درهتلكم كبدكم بس حلو كملو ياحوامل

[IMG][/IMG]

وهذا اثناء القلي يافالحات ركزي يقين شويا هههههههههههههه

[IMG][/IMG]

وهذا مقطع من الداخل

وهذا الشكل النهائي صحتين عصــــــــــــــــــــبان مقلي

ميمونة · 11-23-2011, 02:43 AM

[IMG][/IMG]

كيكة التمر ... بطريقتي الخاصة مع اقتباسات

بيضات -1كوب سكر - كوب الا ربع زيت- كوب زبادي النسيم- نص كوب ماء - فانيليا ( استعملت السائلة الفستق ) - بايكنج باودر- و بعدين تعطع التمر و ترشي عليه شوية دقيق ( ما يغطيه شوية) و تحطيه بالشوية بعد ما تصبي خليط الكيكة في الطاجين

ام وسونة · 11-23-2011, 02:46 AM

ميرااااااااس اين انتي كيف حالك وشن اخبارك والله ليك

وحشه علي قد ماتصلت بيك ماباش يشدلي الخط ان شاءالله توا كويسة

ميمونة تسلم ايديك غير نروح لما نبي طريقة اي حاجة نكلمك دغري

ههههههههههههههه

ميمونة · 11-23-2011, 02:47 AM

توا انا بنرقد نتلاقوا غدوه وقلولي راااااااااااااااااااااااايكم مش تقري هكي وتمشو علي حالكم معاش ننزلكم وصفات انا قلتلكم نبي تفاعل من الجمهور ههههههههه

علي فكـــــــــــــــــــــــــره غدوه عندي نوضه بكـــــــــــــــــــري مع يقونه تبي ادير التحليل وتبني نكون معاها في الصبح ونستقبل فرحتها يارب مايحرم اي امراه من الحمل يارب وعقبال ام وسونه وتموره وميراس وام اجنادين ومتفائله ومن كل من يتمني الحمل يارب

تصبــــــــــــــــــــــــــحون علي خير

hatoo · 11-23-2011, 02:48 AM

عصبان مقلي اول مره نسمع بيه بس شكله حلو

ام وسونة · 11-23-2011, 02:59 AM

يارب ياميمونة ربي يبعتلك صاحب النصيب اللي يستاهلك

ويقدرك والله انتي وحدة مافيش منك هلبا ادب اخلاق بنت عيلة

عاقلة وفالحة هذا كله بشهادتي ان شاءالله ربي يفرح قلبك ويسعدك

ياااااااااااارب يعطيك علي قيس نيتك الحلوة