تجمع حوامل ليبيا

[hatoo]

مدام لولب ان شاء الله مفيش حمل ممكن من الرضاعه ومرات حمل الله اعلم

[يقين]

توا نستاذنكم بعلي قريب من العماره قريب يوصل ان شالله خلي نوض نوتي الصفره

[يقين]

ان شالله ياهاتو ان شالله ربي يسمع منك

[ام وسونة]

تعرفي ياعيون اني المطبخ كل يوم نلمع فيه باش

لقطة الدهون مانشوفهاش بكل والله مانحكيلك اني

راجلي مسميني الموسوسة صح اني مش فالحة في

هلبا حاجات الا النظافة الزايدة تخايلي مصروفنا كله

في مواد التنظيف لين مرات نتعارك اني وراجلي بسبب

تزرزيق المية والتلميع هههههههه باهي كيف ندير اني هكي

من ايام حوش بوي وخاصة المطبخ نحب تلميعه ولازم الوركينة

علي مدار اليوم تفحفح منه هههههههههه

تعرفي لاتوا في تونس مكمله 4 شيش 5 ليترا وركينة

قالي خيرك تشربي فيها وعيي يلعلع قالي تنضفي

في حوش الناس مش حوشك حتي من الورغانات

والشراشيف والمخاد كلهم غسلتهم بالوركينة هذا من اول

يوم رغم انهم حاطينهم جدد ماعنديش ثقة وبخيت الحوش

كله بالفليت ولمعت الحوش كله بالديتول والمطبخ غسلتله ماعينه

كلهم رغم انه نضيف لكن زدته باش نحس روحي في حوشي

قالتلي بنت اختي يابختهم الناس اللي بيسكنوا بعدنا حاكمه

عليها كل يوم تسيق الحوش بالوركينة هههههه مسكينة من

قاللها تجي معاي هههههه

[ام وسونة]

وخيه ام محمد التلقيح درته يوم الجمعة والالم تقصدي بيه

اتناء التلقيح ولاتوا

[hatoo]

اذنك معاك ياحبيبتي , وربي يعطيك الصحه ياام وسونه بس توا تريحي عشان البيبي

[ام وسونة]

وين وخياتنا زيتونة وميراس وأية وام سعد

[أم مُحمد]

شكرا هاتو
انا خاطرى فى ماكدونلز يمى يمى

[ام وسونة]

تسلمي حبيبتي والله هذا اللي مدايراته توا

راقدة والوقت كله ندعي لربي يتبتلي حملي ياااااارب

[أم مُحمد]

ام وسونه نقصد وقت التلقيح وبعده
وانا نستادن توا مع انه القعده حلوه بس نمشى نحط العشا وبعدها نمشى الحماتى راجلها روح بسلامه