التجمع الجديد للمقبلات على الحقن المجهري أو أطفال الأنابيب

[نيهال]

المهم بعد ما قرر زوجي يتزوج كتير تعبت و اتصلت ب امي و قلت لها قصتي مع اني ما كنت اشكيلها عن معاناتي بس لما شفت انو كل الابواب تسكرت بوجي قلت رح احكي ل امي وهي بتلاقيلي حل طبعا امي كانت بسوريا وما كنت بقدر انزل لعندها بس هي حكتلي انها رايحة على الاردن و بدها مني اجي لعندها قلت لزوجي بس زوجي رفض بس امي اقنعتو بطريقتها حكتلو مشتاقة لكم كتير و بدي منك تجي انت و بنتي المهم زوجي قبل و جينا على الاردن وهلق انا بالاردن عرضتنا امي على دكتور وكانت الصاعقة الشي يلي ما كنا متوقعيه قال الدكتور انا ما فيني شي كلشي عندي طبيعي ...

[نيهال]

طلب الدكتور من زوجي تحليل و طلعت النتيجة زوجي عندو لزوجة و ضعف بالحيوانات المنوية و حكالنا الدكتور انو شبه مستحيل يتم الحمل بشكل طبيعي و حتى التلقيح الصناعي كتير صعب قال مافي قدامنا غير الانابيب طبعا انا وزوجي ما مصدقين يلي سمعناه و حكيت للدكتور اني حملت مرة قلي حتى لو رجعتي حملتي طبيعي رح يكون كمان ضعيف طلعنا من عند الدكتور وكان زوجي كتير مزعوج و عم يفكر شو بدو يقول ل اهلو قلت له لا تحكيلهم الحقيقة قول لهم زوجتي عندها مشاكل بس هو رفض و حكالهم لاهلو الحقيقة و رجعنا لعند الدكتور بعد ما قتنع زوجي بالعملية و اخدنا موعد وحط زوجي عينة وجمدوها و سافر هو على الكويت......

[نيهال]

انا اخدت اول ابرة منشطة امس و رح اخود ليوم الجمعة كل يوم و يوم السبت عندي موعد مراقبة للبويضة هي قصتي و عم انتظر منكم نصائح و رفع معنويات لان كتير خايفة دعواتكم

[راية]

وسط العين الله يوفقك في خطوتك القادمة ويرزقك الحمل السليم يارب
نيهال الله يوفقك ويرزقك يارب واقرأي الصفحات العشر الاخيرات تقريبا فيها نصائح ومعلومات خصوصا فترة الانتظار
ميمونة الله يبارك فيك حبيبتي انا في اكرانيا عندي اهلي مقيمين هنا والعملية كلفتنا تقريبا7000دينار
تواصيف طمنينا يارب يكون حملك بخير الله يثبت اجنتنا ويرزقنا الذرية الصالحة وكل من في هذا التجمع يارب
غلا وانثى الحرير يارب تجو بالبشارة اليوم

[دنيا الامل/]

بنات اليوم خلص تلات ايام بعد السحب ومخد اتصل عليا عشان الترجيع

بدات اقلق

متى المفروض يتصلو طمنوني ؟؟؟

[Ray00m]

دنيا الامل
اتصلي اتتي واطمني يمكن اتصلو عليك ما رديتي ..

[وطن.]

دنيا الامل
ترا بعضهم من ٣ ايام الى ٥ ايام
لكن اتصلي وتأكدي شو صار

وربي يطمن قلبك

[وسط العين]

اختي راية تسلميلي يا قلبي و الله يتمم لك الحمل على خير ان شاءالله وعقبال عنا

نيهال حبيبي انا متلك الي. 5 سنين والحمدلله متزوجة حملت فيهم مرتين ورا بعض وسقطت بدون سبب يذكر وكان من سنتين وماعاد حملت بعده بس بهال5 سنين كنا نعمل كل فترة و فترة تحاليل بس انتوا ليش مافكرتوا تعملوا تحاليل لما حسيتوا انكم تاخرتوا بالحبل؟
الله يوفقك ويسهلك يا قلبي

[وسط العين]

ماحدا من الرياض يا صبايا؟؟؟
بدي نصايح مشان الدكتور الله يوفقكم

[نيهال]

وسط العين الله يرزقك و يرزقني يا رب نحن حللنا الي و لزوجي و قالوا لنا زوجي مافيه شي عطوني الي منشطات بس مافي فايدة انا كان بدي اطلع برة الكويت من زمان لان حاسة انو في شي غلط بس زوجي و اهلو كانوا رافضين تماما