تجمع الحوامل اللي موعد ولادتهم بإذن الله شوال 1434هجري

ام لتين1430 · 06-25-2013, 05:57 AM

صباح الخير بنات... من زمان عن التجمع دخلت مره وخرجت لانه ماكان فيه بنات ... الحين رجعت لانه احس لازم نتشارك هم الثقل والمقاضي والنفاس والخ .. بالنسبه لي ولادتي حتكون باذن الله 23\10 \1434هـ .. وقبل كذا عندنا مناسبه زواج اختي 6\10\1434هـ وانا ام كرش ... عاد النفسيه من الحين زفت مالي نفس في الزواج وللفستان واقضي لبنتي عمرها الحين 4 سنوات .. استنى الايام علشان افتك من الهم ... الله يعين ويساعد ويفرجهااا للكل .. لنا لقاء

ام لتين1430 · 06-25-2013, 05:59 AM

اه نسيت اسال اذ تعرفون محلات لفساتين الحمل بجده قولولي لي....

~قموووره~ · 06-25-2013, 10:25 AM

صباح الخير حبوبات
كيفكم وكيف نوناتكم
الحرقان ذبحني وصحاني من النوم آآآه الله يهونها علينا

زهره ياقلبي انتي استخيري
والله يسهلك اللي فيه الخير سواء طبيعي او قيصري

رونق الكالسيوم الدكتوره خلتني اوقفه من اول السابع
وعادي اعوضها بالحليب ومشتقاته
وهو صحيح يقسي راس البيبي وللحين مداومه على حبوب الحديد

حلاها ثقل وسوق الله يسهلك ويقويكي
انا اللحين خطوتين ويله اقدر اتحمل
وباقيلي شوية اغراض وشايله همها
نفسي احد يقضي عني وارتاح

اهلين ام تولين منوره ياقمر
اممم انا احب اشتري فساتين من الاندلس اكتر شي
شوفي ممكن تلاقي شي مناسب للحمل
ومبرووووك لاختك الله يتمملها زواجها على خير

وباقي الكروشات كيفكم :)

اليقين · 06-25-2013, 10:57 AM

صباح الشوق يا احلى كروشات..
انا بخير وعافية..والحمد لله تمت السيطرة على سكر الحمل..

رونق انا عندي ولد باذنه تعالى ..

اخباركم يا حلوات؟

رونق الصبآ · 06-25-2013, 02:46 PM

السلااام عليككم .. كككييفكم اليوووم حبيبااتي ؟

الله يبلغنا رمضان غير فاقدين ولا مفقودين ... ونحن بأتم الصحة والعافية وربي يعيننا على قيآمه وصيآمه ويكتب لنا الأجر يارب ..

بالنسبة للكالسيوم قررت ما اوقفه .. حماتي تقول استخدمته في حملها ببنتها ليين التاسع ولا صار لها شي الحمدلله ..
لآني انا والحليب ومشتقاته اعداء منذ الازل .. عشان كذا خايفة اني اوقفه واتعب .. لانه مافي بديل ..

اليقين .. الله يكوون في عونك وربي يشفيييك من سكر الحمل .. انا كنت متخووفة منه .. لآن عندنا السكر في العائلة وراثة .. بس الحمدلله ماطلع عندي أي شي ..

حلااهاا .. الله يعيييييييييييينككك .. ششدي حيلك هذي الايام قبل دخول رمضان وقضي لعيالك ولنفسك .. وحتى للبيبي كمااان .. لآن رمضان وسووووق .. مرررررة موووو حلووو .. زززحمممة تقول يبيعون ببلاش
اناا صحيح خرجت السوق اخر السادس وقضيت للبيبي ولي .. بس الحين في نواقص وشااايلة هم المشي والتعب .. ربك يعييييين

أم لتيين .. ياهلا ونورتي التجمع مرة ثانية =))
زواج وشهر تاسع مرررة مايجي .. عااد انتي اخت العرووسة لآزم تكوني بأحلى كشخة انتي وكروشتك خخخخ
ربي يتمم لكم على خخخير حبيبتي ..

غربة أعياد .. حبيبتي امشي انتي على حساب دورتك .. السونار يبين عمر الجنين على حسب جسمه .. يعني لو كان البيبي صغير يعطيك عمر الحمل اصغر من موعد الدورة .. ولو كان كبير يكبر عن عمر الدورة ..
انا عن نفسي ما أثق بحساب السونار .. لآني في كل مرة يطلع لي عمر للحمل بكيفه .. وسبب لي أزمة نفسية خخخخخخ

يابنات اللي ماردوا بخصوص الجدول بحطهم باللون الحيادي .. خلاص طفششت وانا مستنية .. :p

شجرة زيتون · 06-25-2013, 02:58 PM

هلا اخباركم
اخبار الحمل معكم واخبار نونوات
انا الحمد الله بخير
رونق انا لسى متشككه حطيني في لون حيادي

ام لتين1430 · 06-25-2013, 06:12 PM

مساءكم فل وخفه ؛؛ قموره مشكوره حبيبتي والله يبارك فيك وفي من تحبين ،
رونق هههههههههه الله يسعد قليبك ضحكتيني وين احلى طله ويتمملك افراحك على احسن حال ،،،

زهره فواحة · 06-25-2013, 10:04 PM

اقتباس:

المشاركة الأصلية كتبت بواسطة رونق الصبآ

يا حلوات اللي عندها خبرة ... متى لآزم اوقف الكالسيوووم ؟؟؟

لآن الحين قدني بنص الثامن .. ويقولوا ان طولت فيه يقسى راس البيبي .. صدق هالكلام والا خراطيش حريم ؟؟؟؟

نسيت اسأل الدكتورة عن هذا الشي لما رحت خخخخخخ

انا غريبة اكون مجهزة لسستة اسئلة اول ما ادخل للدكتورة انسى كل اللي قلت بسألها عليه هع هع ابدن ما اتوقع احد زيي خخخخخخ

هلا رونق
انا وقفته من نفسي بعد السابع مع ان الدكتوره قالتلي تاخذيه وانا مثلك سمعت انه يقسي راس الجنين بس انا رجعت استخدمه لأني حسيت بألم في عظامي ووحده قالت لي انها سألت الدكتوره انها بتوقف الكالسيو لانها سمعت مثل ماسمعنا فقالت لها الدكتوره بعدين تعالي قولي معي هشاشة عظام

احنا حبيبتي الجنين يسحب من عظامنا اذا احتاج واحنا نروح فيها

زهره فواحة · 06-25-2013, 10:11 PM

ياربي ضايق صدري اليوم وحاسه ودي اصرخ وابكي��

ام .ادم · 06-25-2013, 10:30 PM

اهلين كروشات زهره فواحه مالك ليه ضايق صدرك الله ييسرها عليكى وعلينا
رونق انا البيبى ولد
وبالنسبه للكالسيوم يابنات انا االدكتور قالى امنعيه بعد السابع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللي موعد ولادتهم شهر شعبان 1434هجري	لون المطرر	إستفسارات مرحلة الولادة	2784	07-10-2013 10:53 AM
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM