تجمع حوامل ليبيا

[ميرنا]

نكتة // وحدة تقول زوجها اذبح خروفين بمناسبة مرور 10 سنوات على زواجنا ،قاللها ويش ذنب الخروفين فى غلطة ارتكبتها

[ساجدة]

كيف حالكن يا خياتي والله رايفت عليكم وعلي المنتدي لكن الله غالب لاعندي جهاز ولا فضوه وانتن عارفات اني قاعدة في غربة وبروحي وزوجي عندي امتحانات الفترة هذي والجهاز مانقدرش نلمسه وبنتي عيااااااااااااااااااااااطه وااااااااااااجد وماتعطيش فيا فرصة حتي نمشط راسي

[ساجدة]

كيف حالك ياميرنا ربي ان شاء الله يرزقك بتوائم بناااااااااااااااااات وعسل وحانطات كيف امهم عشان انقولك حتي انا يأم البنات.....لكن ان شاء الله وراه وراه العيل نين انحصلوه باذن الله تعالي

[ساجدة]

[QUOTE=عيون زوجي;252177]
نبي نروح........ نبي نروح
نبي امي........ نبي امي
خايفه نجيب بروحي في الغربه بلا امي واهلي ومنو بيشد بنتي قعده صغيرة عمرها سنه وشهر بس [/QUOTEوالله ياعيون زوجها هلك ماشيه ليهم ماشية لكن الجيبه في المانيا مش ديما فا ريحي روحك وراجلك وحتي السفر مش كويس عشانك وانا زيك في الغربة لكن الحمد لله هنا في بريطانيا في ممرضة اتجيك كل يوم بعدالولادة لمدة اسبوعين وبعدها وحدة ثانية زائرة صحية تهتم بالبيبي وبيك يعني لا تدوري ام ولا اب واكيد حتي المانيا هكي .....ولو مصرة علي امك ابعثيلها دعوة اتجيك وتونسك وتمسكلك البنت

[hatoo]

هههههههههههههههههه مش غير ياميرنا انتي شنو اخبارك وان شاء الله هرمون الحليب ينزل ومعش يشيط الا لما تولدي وترضعي وليدك ولا بنيتك وان شاء الله نسمعوا اخبار كويسه الشهر الجاي وانتن يابنات شنو الاخبار

[smhaa]

شنو الجو عويلة

[ميمونة]

السلام عليكم ورحمة الله وبركاته

كيف حالكم كلكم إن شاء الله بخير

ليكم وحشة هلبا

أني خاشة مستعجلة شوية وعندي استفسار ياريت لو نلقى الاجابة عندكم

المفروض تنزل الدورة عليا يوم 7-7 نزلت قبل موعدها في يوم 29-6 وكان دم خفيف ولونه وردي غامق ومش دم الدورة الحقيقي وينزل على فترات على شكل قطرات

وقاعد مستمر معاي لتوا

مع العلم إني درت تحليل حمل طلع سالب وكان التحليل هذا قبل موعد الدورة الاصلي ب 10 ايام ومع العلم اني كنت ناخد في حبوب البروموليت ان حتى اينقصلي هرمون البرولاكتين لانه كان مرتفع

واني حاليا اموقفة العلاج هذا

ياريت وحدة من الحاضرات اتفيدني شن هوا هالدم

أنتظر ردودكم

[لولى2010]

ميرنا كيف حالك انا الحمد لله كويسه وبنتى كويسه عندك اخت فى المرج ما شاء الله
ان شاء الله الشهر الجاى تكونى حامل يارب
هاتو كيف حالك هاكملتى توتاى للبيبي
ميمونه انت ديري تحليل حمل تو اخرى وشوفى
ام اسيل مبروك ع اختك والعقبه للاخرات
ساجده كيف حالك وحال الغربه معاك
عيون بلادلع وتحملى وربي معاك
حبل الوصل وينك شن اخبارك
سمحه شن سالتى الدكتورة ع التلقيح الشهر هدا ولالا
كيف حال البنات كلهن وشن اخبارهن

[smhaa]

ميمونة ياريت تعاودي التحليل توا وهو اللي يطمنك بالظبط

لولي ايوة وهي قتلي تاني يوم الدورة تعالي بس اني بنقوللها تاجلها لبعد رمضان لان انتي تعرفي رمضان والطبخ والعويلة والماشي والجاي

[لولى2010]

وينكم مافيش حد