تجمع حوامل ليبيا

[عيون زوجي]

ام وسونه ربي يثبتلك حملك ويعينك عالتسطيح لم ترقدي بكيفك جو مليح لكن كانك مجبورة تتعبي وتملي
بس العاقبه وليد اقنين زي مامته يستاهل التعب
هاتو كيف حال رتال والنونو
يقين ما تخافيش انا من مدة تاخرت اعليا 19 يوم وهادي اول مرة في حياتي كنت شبه متاكده من الحمل وما درتش شريط التست لا مشيت للعيادة درت تحليل دم وطلع سالب مافيش
ام قصي وينك نبوا منك صورة للقفطان وصورة للبيتزا وكيكة الشوكلاته زي ما وعدتينا

[يقين]

هاتو سلمك هادا من بعض ماعندكم اسكتي ماتنابشينيش راهو ننزلك صوراك

[hatoo]

قوليلي يليقين انتي حامل ولا شنو؟ امتي ماتبي كنتاكب قوليلي ندزه لكي علي طوووووول

[يقين]

عيون ماميييييييييييينتي سلمها طمنتيني ان شالله ربي يقوي سعدك

وبالنسبه لوليدك ابعتيهولي باش انردهولك بهالشكليه

[أم مُحمد]

هههههههههههههه يقين ماشالله ع رقيصك وحتى نا طلعت صقععععععععععععععععععععع عليك

[يقين]

هاتو خيرك ترعشي فيا اني فياالضغط علي قولت حاتم الكور لالا يا حنه مش حامل الدوره متاخره ونبيك تفيديني من تجربتك مع بنيتك كان رضعتيها طبيعي انتضمت عندك وانتكست لولالا جاوبيني ضروري وبالنسبه للكنتاكي ابعتيلي وابعتيلي معاه حكيكه شاني مستاحشتها ما فيش في مصر اممممممم وشن تاني وابعتيلي كاتشب كان عندك واقليلي بطاطه بس مانبيش انعبك هادا اللي نبيه هي نراجي فيك

[أم مُحمد]

عيوووووووون كيف حالك
هاتو شن اخر الاخبار عندك

[يقين]

ام محمد لالالالالالالا مافيش مقارنه شوفي جسمي كيف انييييييييييق وانتي معبيه شوي لالا رقيصي احلي وحتي انت حلو لكن ني احلي اي وه بلا احراجات خخخخخخخخخخخ

[hatoo]

هههههههههههههه, وبالنسبه للرضاعه ديري لخبطه في الهرمونات يعني الدوره مرات تتأخر مره انا تأخرت علي شهرين ونص ونسحاب روحي حامل وكل ماندير تحليل يطلع سلبي وبعدها نزلت بس لو انتي ترضعي وتوا قعدتي تخففي ومش دايره مانع ممكن يصير حمل زي ماصارلي

[أم مُحمد]

يقين انا صاحبتي دورتها هربت شهر كامل وبدن اعراض الوحم
دارت تحليل مطلعش حمل بس هرمون الحليب مرتفع بس هى ماترضعش فى وليدها