تجمع حوامل ليبيا

[يقين]

سلام ميمي وربي يعاونك نتلاقوا ان شالله

[ميراس]

اني في ورفلة والنت صعب شوية

[يقين]

ها مروسه وينك اني حرجت منك مش ماليه عينك ولا

[يقين]

امممممممم صار ورفله فيها نت با هي لحمد لله

[يقين]

هيا باي توا نتلاقوا العشيه

[عيون زوجي]

السلام عليكم
كيف حالكم اليوم
يقين وميمونه ماخلوا ما هدرزوا ماشاءالله
ميمونه انحسك ضاعفه 10كيلو في تعب هاليومين
يقين مبروك ما سمعنا وصحه حمام الزيت ومبروك ما ودعتي للمطار ومبروك ما جايك يوم الاتنين تتهني ان شاءالله
ميراس انا سئلت اعليك وهلبه بنات سئلوا شكلك خشيتي من غير ماتقري الصفحات يلي فاتوا

[عيون زوجي]

حاشاكم اليوم امريضة رقبتي مسكرة وراسي يزن
والحوش يبان انظيف لكن يبي التعزيل على قوله المصريين ليا هلبه ما برمتش برمتي وقلبت ونظفت الغبرة
اليوم ناويه انشد الهمه وجسمي تعبان
خلي انقعمز شوي وانوض على روحي يلي ماعندهاش خدامه تنوض تخدم بروحها
مرت خوي الفاحه تجيها كل اسبوع تونسيه تحك وتنظف كل شبر من الحوش تخليه يلمع لمع
تعالوا هدرزوا ولا نمشي والا تعالوا ضموا معاي ايديات هلبه نكملوا في سويعه وبعدها انديرلكم قهيوة وبشكتي
ماتقولوش طيبي مانبيش انمسخ الكوجينه من جديد

[عيون زوجي]

سلاااااااااااااااااااام ادعولي نكمل قبل الساعه 5

[ميمونة]

هلا ميراس وعيون شن حالكم

ميراس انا سئلت عليك وديما في بالي

عيون نجيك بس بشرط اتطيبنا عشاء

[ام وسونة]

ماشاءالله عالتهدريز يايقين وميمونة لاوفوق هذا كله شادينها قرمه

فيا توا كل وحدة فيكم تشد روحها اهي حبيبة قلبي جت ميراااااااس

مروسه والله سالت عليك واستغيبتك لكن مادامك في ورفله معناها امورك

تمام كيف حالك وحال عويلتك

وخيه عيون لاباس عليك وربي يعاونك يارب وخيركم اني جيت كلكم طلعتوا

هههههههههه