تجمع حوامل العراق واتمنى اكو احد موجود

[زينب السعدي]

هلوووووووووووووووو بنااااااااات مشتاقتلكم مووووووووووووووت
طبعا هسه يله فرغت للنت وهسه اني يم اهلي صارلي 30 يوم مسويه كرتاج
بس قصتي طويله ومختصرها من اجيت للعراق وره اسبوع مات الطفل من كيفه ببطني ووراها راسا دخلوني صاله عمليات وسوولي كرتاج وهسه انتظر الدورة تشرف

[زينب السعدي]

بنااااااات شلونكم انتو وشخباركم جميعا
طبعا دعيتلكم كلكم وصليتلج رحوبه بالحسين وبالعباس بس اللامير والكاظم لسه مرحتلهم
امونه شخبارج حبلتيلو لسه ؟بشريني
سولفولي منو جابت من الحوامل حبابين تره اني ماادري والنت هنا ثكيل ومااكدر اتصفح هواي

[*ام هيمن*]

المشاركة الأصلية كتبت بواسطة توتايه

لا حبيبتي نورس بس لان جنت ارضع ولان ارضع متجيني وحاطه لولب بس طبعا ميرضع هوايه يمكن مره باليوم بس ما اعرف شسوي

اخاف لان متاخرة عليج هيج صار
لان اني من جانت تتاخر عندي هم جان ينزل قطع صغيرونة كلش
انشاءالله ماكو شي عيوني

[عذراء الجابري]

تحياتي الج زنوبة والكل الوجودين
ويارب يتحقق ماتتمنين

[*ام هيمن*]

المشاركة الأصلية كتبت بواسطة زينب السعدي

هلوووووووووووووووو بنااااااااات مشتاقتلكم مووووووووووووووت
طبعا هسه يله فرغت للنت وهسه اني يم اهلي صارلي 30 يوم مسويه كرتاج
بس قصتي طويله ومختصرها من اجيت للعراق وره اسبوع مات الطفل من كيفه ببطني ووراها راسا دخلوني صاله عمليات وسوولي كرتاج وهسه انتظر الدورة تشرف

يؤيؤيؤيؤ
حمدالله على سلامتج
ويارب يعوضج خير ويرزقج الذرية الصالحة

[زينب السعدي]

شكرا حبيبتي عذراء واهلا وسهلا بيج
هاي صورة بنتج الي حاطتها؟؟ ماشالله عليها تجنن

[حبيبي]

اهلين زينب الحمد الله على سلامتج
والله طار قلبي من شفتج
وينج ما طمنتينا خليتي بالنا يمج

الله يعوضج يارب والله مو كاتبه الج ان شاء الله شفيع بلجنه لج ولابوه


وحبيبتي شكرااا على الزياره اردها لج يارب بلفراح واعظم فرحه حملج من جديد يااارب

[حبيبي]

طبعا امونه محملت الله يرزقها معاج يارب
حملت دلوعه زوجي
وباغي البنات نفس مهما يربون جهال ههههه وسهر وماكو نوم
ونضل نسئل عنج ومشتاقين لج موووووووووت

[مجنونة بحبها]

واااااااااااااااخيررررررررررررر نورت زنوبه حبيبتي بالي يمج وافكر بيج واليوم احجي ويه روحي واكول شبيه مااخذت رقم تلفونج حتى اطمن عليج حمدلله على سلامتج وتعالي احجي القصه من الالف للياء
وانا ياحبيبتي على حطه ايدج لاحمل ولاشي وهذا الشهر اذا اجتني الدوره الدكتوره سجلتلي اشعه ملونه وخايفه منها مووووووووووووت رغم ان البنات طمنوني بس الخوف موجود انتي اخبارج وشلون اهلج

وام شوق جابت حمودي والباقي باقيات على الشحن ننتظر ولادتهم بفارغ الصبر

[زينب السعدي]

يسلمو انت روحي ربي يسددلج خطاج
لج هلو رحوبه والله مشتاقتلكم... اسم الله ع قلبج حبي
الحمد لله الي الله خلاه يموت من وحده احسن مما اني اسوي اسقاط متعمد واتحمل اثمه
والحمد لله هم راسا سوولي كرتاج ببنج عام ومحست باي شي وكانت الامور زينه ولحد هسه دااتابع فحوصاتي وكلها زينه الحمد لله
بس الطامه الكبرى انه طلع مو طفل مشوه ؟طلع حمل عنقودي جزئي يعني اكو مشيمه واكو طفل بس المشيمه تنمو اسرع من الطفل ويصير حجمها فوق الطبيعي والطفل يكوم يصغروبعدين يموتوطبعا هالحمل ناتج عن خلل بالتلقيح يعني المفروض البويضه الوحدة يلقحها حيمن واحد بس بهذا الحمل البويضه يلقحها حيمنين.. وطبعا هذا الي صار ويايه والحمد لله