دردشة حوامل من الشهر السابع للتاسع ( جديد )

[رنيم1]

سماري توكلي على الله وي حظها الي لسا بكريه ماتدري وش السالفه
الخوف خليه لنا ربي ييسر لنا وللجميع يارب. .

[سماري ذابحهم]

نجود انا م اعرف
بس الدكتور يقول لي اهم شي عشر حركات ب اليوم تزيد م تنقص
وانت احسبي وان شاء الله م عليك شي

رنيم

لا والله احس البكريه خوفه اكثر من. الي خلفت عارفه وش الي الولاده مو انا م اسمع الا مرت وكلام مجانين
ربك يسهلهاً. من عنده

[حظنك يدفيني]

الله يبارك فيكم يارب وعقبالكم ان شاءالله بس بنات بجد اول مره اعرف ان فيه رحم سميك لان انا طولت لين ولدت والسبب رحمي سميك

[رنيم1]

حضنك يدفيني انتي بأي اسبوع ولدتي
وهل البنووته معاك طلعت ..

[يالله رضاك والجنه]

بنات ابغى شوركم موقفكم لو انحطيتو بمكاني

رحت المراجعه قالت الدكتوره اني اليوم مخلصه التاسع و كشفت قالت الرحم مقفل مرا لانها قبل سوت كشف مقفل

المهم قالت بعطيك اسبوع زياده فرحت ...

نزلت اسوي الاشعه والتخطيط عشان اذا كل شي تمام نأخذ اسبوع زياده
طلع وزن الجنين كبير ماشاء الله وقالت لي لازم اولدك ذا الاسبوع
لانه كل ماطول كل مازاد وزنه
طبعا انا وأمي انصدمنا قلت طيب الحل
قالت اذا تبغي طبيعي بكرا الي هوا اليوم الثلاثاء أعطيك طلق صناعي ويمكن يفتح الرحم ويمكن لا
والرأس احتمال يطلع واحتمال انتي بحكم انك بكريه ماتتحملي تتعبي معانا ونحولك عمليه ولا اذا حبيبتي تختصري عمليه تجي الاربعاء ولا الخميس
قلت باخذ الطلق مع ابره الظهر أمي مارضت حاولت فيها أبد ماتبيني أخذها تقولي مو مرتاحه لها
وانا أخاف اتوجع من الصناعي معروف اخس من الطبيعي ونهايتها عمليه

والدكتوره قالت أحاول طبيعي بس اذا ما مشي نحولك قيصري بس ماتجي تقولي ليه من البدايه ماقلتي ولا اي كلمه تعاتبي


محتاره بأمري قلت ناجل الطلق الصناعي قالت مستحيل الجنين حيزيد وزنه واحنا مانبغاه يزيد لو تفكري بالطبيعي

وزوجي يقولي أستني للخميس اذا ماجا طلق من ربك عمليه ولا انك تتعبين وانتي منتي ضامنه الطبيعي



ايش رأيكم

[ام ديووومه]

ي الله رضاك اممم ان شاء الله هاليومين ربي ييسرها لك من عنده
ماتحتاجين للطلق الصناعي

ااصبري شوي وادعي ربك وشوفي الله يكتب لك اللي فيه الخير

[ام ديووومه]

بالعكس يوم ببكري بنتي ماخفت ابد مدري ايشً بوااجه وسهلها ربي

هالمره خايفه ومتفائله ومتوكله ع ربي والمفروض ماانتظر لاخر شي ماني بكر ومافي اي بوادر بس اتوقع عشان المثبت ربي يعين وييسرها

[!اميرة الورد!]

شوفي اذا المستشفى خاص حطي كلامهم على جنب هذا اولا


انا اشور عليك تروحين لدكتورة تسويلك تحريض للرحم

وبعدها خلال هذا الاسبوع امشي مشي تعب تعرفين وش معنى تعب

يعني مثل يوم تكونيين بالسوق وبتلحقين محل بيقفل هههههههه فيه وصف احلا من كذا

واشربي زيت خروع وكلي انانس واشربي قرفه كل ليله خذيلك نوع من هالانواع

وشوفي عن نفسك واذا لاقدر الله وماجاتك ولادة اول شي اختاري الطلق الصناعي

اتركيك من كلام الناس قبل فتره ولدت وحدة من قريباتي بطلق صناعي قبل موعد ولادتها

بثلاث اسابيع عشان المويا قلت اما حكاية وزن الجنين والله كذب بنت عمي جابت اربع كيلوا

وطبيعي


والله يكتبلك اللي فيه الخير في كل الاحوال ويسهل عليك يارب


ولاتنسين الاستخارة والدعاء

[رنيم1]

انا بعد اقول اصبري الخميس
وتوكلي على الله وامشي زين
اما حكاية انها تعطيك طلق ويمكن بعدها عمليه فهذي جد متعبه حتى نفسياً. .
اذا ماجاء طلق للخميس فانصحك ب العمليه احتمال تاخذي طلق ومايفتح الرحم لاقدر الله

انتي ادعي ربي ان ييسر امرك واستخيري اولا وأخيراً. .
والله يختار لك مافيه الخير يارب. .

[يالله رضاك والجنه]

أميره سوت لي تحريض الدكتوره


وانا هاذا خوفي طلق صناعي واخرتها الرحم مقفل


المشكله ماراجعت بمستشفى حكومي ما ادري لو رحت يقبلوني ولا لا


بامشي واشرب الي تجيب الطلوق لا قدر ربي ما حسيت بشي بخليها الخميس وأولد قيصري