ديوانية البحرين - دردشة حوامل البحرين - البحرينيات

[الفتاة الذهبية]

فلونة
ان شاء تكون ولدت الله يسهل عليها يارب
حنين للماضي
هلا بأم علاااوي خلف جبدي
هذ احنا مع السهر تعودنا شنسوي
ولدت قبلش ها خخخ تاريخ 23/1

حبيبي
الله ينصرنا ان شاء الله

[حبيبي]

روز لا تخافين انا وانا حامل اجاني السكر وضليت على دايت ولا حتجت لابر انسولين
انتي خلك على دايت

[ام السادة]

هلا با الاخت السعوديه مشكوره حياتي تسلمين دعواتكم لينا محتاجين دعاكم

الفتاه شخبارش عيوني

روزة خلف جبدي بسم الله عليش تحملي بروحش عدل وتباعدي عن الحلويات والاشياء الي تخليه يزيد الله لا يقوله والدم ان شاء الله يزيد عليش بلخضروات وما تشوفين شر

[الفتاة الذهبية]

هلا ام الساده
تمام وانتين شخبارش؟

[حبيبي]

اهلين ام الساده والله ندعى لكم ونتابع اخباركم بلكامل وقلبنا معاكم
والله يفرج عنكم بحق محمد وآل محمد

[الفتاة الذهبية]

حبيبي
الله يسمع منش حبيبتي
في سعوديين واجد يبون يجون البحرين
بس ما يرضون يدخلونهم من الجسر يرجعونهم

[ام السادة]

هلا عيوني اني تمام اسال عنكم

وين باقي البنات مابينو اليوم

[أحلام أم]

سلاام عليكم حوامل وأمهات
قلت باطل عليكم أولادي مو مخليني أناام كله سهر وياهم أخاف أنام وهم صاحيين وهيكم من رسوم لرسوم ماخذين راحتهم أبوهم أخر ليل
شمس الصباح
ماعليها شر ملوكتنه الحلوه ويارب أبو صفار يروح بسرعه منها بس غريبة للحيين فيها ألحين كملتوون الأربعين يمكن راح وإنتين توسوسين وشوفي كل ماشربت حليب وماي واجد وبالت يروح الصفار منها لاتخافين حبيبتي وعن قصة شعرش عليش بالعافية حليو التغيير بس الله يهديهم هالريال يحبون الشعر الطويل ومايحبون تفرطين بخصله منه مثل زوجي بس أني من يطول شعري واايد يجيني وجع راس ماأرتاح إلا ليين قصيته وهو يرضى على مضض
أم السادة
أقول يمكن اليوم رحتين تولديين وإنتين بعدش بدبتش تحومين ،الله يسهل عليش وزين شفتين طفطف ودبتها ويتش تاخذ ديايتها عن لا تعرس على قولتها
حبيبي
ربي يسمع منش دعواتش وإحنه بحاجة لدعواتكم حبيبتي وإنتون أهلنه وإحنه أهلكم
أم آلاء
ربي يحفظ آلاء ونشوف طلاتش علينه كل يوم
روز
ياربي زاد خوفي إنتين طلع فيش سكر أني ويش أقول أمس الأحد موعدي أشوف نتيجة السكر ولارحت ناس قالوا لي مابيدامون العيادات في السلمانية ونمت وراح الموعد والأشعة ولا عرفت النتيجة الله يستر
توني موقفه أبر الكلاكسين اليومية مافيي شدة أبر أنسوليين الله يستر عليي ويطلع زين
عليش بالحمية صادني قبل وعطوني حمية ليين الولادة
ألحيين ناس واايد فيهم سكر نسيبتي توها أول حمل ومن أول شهر ليها سوو ليها تحاليل شاملة وعطوها شراب الجلكوز بعد مخرفيين هذيله توها مسكيينه تبشرنه بحملها إلا تقول قالوا فيها سكروعادوا ليها أبو أربع مرات دم وبعد طلع فيها وهي توها شهريين ليها مسكينه مهي عاارفة ويش تاكل واايد من وقت سوو ليها التحليل من أشوفها تعور إفادي كل شي ماتاكله
لاتخافيين روز عليش بالحمية حوامل واايد يصيدهم ويروح من بعد الولادة مباشرة والله يستر من نتيجتي أني بعد
تصبحوون على خير باقوم أحدهم ينامون لمته ليين تطلع الشمس قاعدين

[طفلي حياتي]

السلام عليكم
شخباركم وحدة وحده
اختتنا السعودي (حبيبي) ان شاء الله ببركة دعاكم ربي يفرجها علينا ان شاء الله وهلا وغلا بتواجدش في صفحتنا
ام السسسسسسساده دمعت عيوني من طلعت من باب بيتكم على الفرخه بروحها كسرت خاطري والحين ذكرتها وعورت افادي.. عادي تعيش بروحها؟؟ اذا مو عادي بصراحه برجعها لش ماقدر قلبي يعورني عليها .. او بشتري وياها وحده (مع العلم الغاليه ام الساده ماخذت فلوسها) بس ماني قادره اطالعها تعور لفاد بروحها :( يصير نوديها ويى دياي غير ؟؟ اليهال فرحانين بها يهتمون بها لكن تحس بالوحده مسكينه
وفلونتي ان شاء الله يارب تسهلت امورها وولدت يارب
وحنون غااااااااااااااااااليه وعلى راسي من فووووق دعائش ولوزين عاطتنش اسمي الحقيقي تدعين لي به لكن الاعمال بالنيات وان شاء الله ببركة دعاش ربي يسهل امري واولد بالسلامه فوقتي وطفلي سليم معافى
احلام ام الله يساعدش على هالالم اني اليوم ريايلي فنتينهم مو طبيعيين كللللللش الحركه متعبه جدا اليي ماقدر اقوم ولا اقعد ...وبالنسبه لاحيائنا مولد النبي الليله كان مقتصر على الولاده وادعيه وزيارات وقراءة اجزاء لارواح الشهداء والله يعودنا على حال احسن ان شاء الله.. سيدتنا شموس ماليها شر ان شاء الله ملوكه
فتوت وحبيبة وروزيتاتي فنتيناتكم وباقي البنات شخباركم عساكم طيبات؟
روز بنت بلادي لاتحاتين السكر ولا تهتمين بس رتبي اكلش واتركي الحلاوه وبتصيرين تمام وخليش صحيه في اكلش الدم بيرتفع والسكر بروح لاتخافين
بنوته يارب تتسهل امورش وتولدين بسرعه وتفكينه من حنتش من تدخل وحده منكم التاسع تبلشنه بلش تبغي تولد ومن تشوف نقطة دم تبريدت خخخ

[بنوتة حلوة]

مررحباااا .. شالاحوووال .. اليوم صدق جتني حالة نفسية وقمت اصيييح لأنها ضاااايقة بي الدنيا !! وقلت من القهر بطلع أمشي بروووحي من بيت أبوي لأسواق الجزيرة >> كلش قريب عشر دقايق عن حساب بمشي أحين

ورحت ورجعت .. ولا في فايدة ماجاني الطلق ولا شي :(