دردشة بنات مصر , دردشة حوامل مصر , تجمع بنات مصر

[اروى قلب ماما]

بصى حلوه اوى طريقة رنا دى
بصى ابشرى بصلتين كبار او3 الطريقه دى بتحب البصل وابشرى طماطم وملح وفلفل بس اعمليها دلوقت اتسلى يعنى وبكره ان شاء الله حطيها فى صينيه
طبعا بتكون مقطعه وبالعظم اى خدمه كمان مش هتخليها

[AyoyA]

ممكن يا دينا ليها اسماء تانيه عندك
خوشى على جوجل واكتبى مثلا القرفه والجنزبيل بلسعودى ايه

[دودى مجدى]

شكلى هعملها شاورمة وخلاص بقى يا سوووووووومة اعمل اية بس قرفت من ام عظم دى وعاوزة اعمل جمبها مكرونة اسباكتى نفسى فيها يالا امرى الى الله انا طلعتها فعلا من الفريزر وحاطة عليها مية عشان تفك

[اروى قلب ماما]

الاول غطيها بفويل او غطى ما يتحرقش وعلى نا ر هاديه فى الفرن يجى ساعه ولو النار عاليه خدى بالك كل شويه وبعد ما تستوى شيلى الفويل وافتحى الشوايه عشان تتحمر
ولو عندك بطاطس ده لو عندك يعنى حطى فى القعر بطاطس شرايح عشان لا قدر الله تضمنى انها متتلسعش منك

[دودى مجدى]

والله يا اية سالت فعلا على الاسامى بس هنا فى حاجات اصلا مش موجودة فى مصر يعنى ورق اللورى مثلا فية مشكلة دة
دة بقى مش موجود هنا نهائى مفيش غير ورق الغار ودة حاجة تانية خالص فقرفت بقى الصراحة بقيت اجيب الحاجات المهمة وبس ملح فلفل كمون شطة كسبرة واى حاجة تانية بستغنى عنها وخلاص

[اروى قلب ماما]

على فكره الطريقه دى حلوه اوى هى حماتك قاعده معاكى

[دودى مجدى]

يا معفنة يا سما هو انا شحاتة يا بت ولا اية اة والله عندى بطاطس انما الحاجات بتاعة مصر الجميلة دى هى اللى مش عندى
اة حماتى عندى من اول رمضان وقاعدة للحج

[اروى قلب ماما]

يا هبله هو هواه ورق الغار ورق الورى بس فى السعوديه اخضر لانه مزروع هناك لكن احنا فى مصر بنستورده جاف
يا بنتى اتصرفى وجربى الحاجه حتى لو مش عارفاها

[اروى قلب ماما]

الله يعينك قعدت الحماوات مع الواحده بتشوك بتراقب كل تصرف بتعمليه

[دودى مجدى]

انا لقيت ورق الغار دة غريب وشكلو مش عاطفى كدة خوفت اجيبو ويطلع وحش ماستخدموش ساعتها جوزى يموتنى