دردشة بنات الجنوب, دردشة حوامل الجنوب, تجمع بنات الجنوب

[احلى وردة]

شفوا حبيباتي
الاطفال يحتاج لهم صبر طولة بال
وانا ما عرفت هذه شي الا بعد ولدي ثاني
كنت اعصب على ولدي البكر فكان ياخذ نفس عصبيتي ويطبقها عليه
يرجع عليه بصياح
قالت لي امي يا بنتي اصبري عليه ربي اشغل بالله بالشقاوه
قلت طيب
وتحملته كنت احيان نفسي انتحر من شقاوة ربي يصلحه ويهديه
والله يا بنات اذا قام صباح كنت ابكي منه ههههههههههههه

مافيه له كان يقلب الدنيا قلب
جبت ولدي ثاني هو عمره سنه 11 شهر واو شفت الويل ودراسة وكليه وقرف .........
قلت جهادي حتى تقدرين هع
والحمدلله كنت اذا عصبني استغفر ربي كثير واطنشه ما ابغى ارجع عليه ضرب وصياح لانه طفل ما يدري مهما ساويت فيه يرجع يخرب من جديد
رحت مكتبه وشريت كتيب صغير والالوان خشبية واعطيته واجلس معاه لون هذه يا حمووودي ساوي كذا
احيان والله العب معاه كوره وانطط مثله اشوفه ينبسط ويهدي اشوي اشوي ما صار يعاندي
صرت اذا قلت حمووودي رجال انبسط ونفخ ريشه هههه
وكنت احيان اجبر ابوه ياخذه معاه غصب يختي ارتاح اقل حاجة ساعه منه
مرت سنوات ودخل حمووودي المدرسة قل نشاطه بالبيت صار يرجع قد فغر من الحصص
والحين الحمدلله ثالث متوسط وعاااااااقل وهادي ويا الله يتحرك من مكانه
وسنه الجاية ثانويه احيان نجلس نضحك على اللي كان يساويه ..

بصراحة يا بنات كنت صغيرة وقتها ادرس ثاني ثانوي يوم جبته
يعني اطفال سوا
لانه جيلنا مو مثل بنات اليوم متفتحات بزيادة اشوف بنتي وربي شيبت راسي بكلامها


ما نقول الا ربي يصلحهم ويهديهم

بعدين حاولوا قدر ما تقدرون صلاة المغرب افتحوا القران بالبيت لانه بسم الله نفرة الشياطين
وتروح تتمركز بالاماكن نجسة وخص نص حفايظ الاطفال فتاذيهم ...

وغير كذا حاولوا شكولاته تخففونها منهم لانها تعطيهم سعرات حرارية بزيادة وحنا مو ناقصين نشاط ههههههههههه
تفاح لا تعطينهم بعد المغرب او حوله لانه فيه نسبة كافين
يعني اعطيه بالصباح
وكثير له لبن عسى يهجد ههههههه
واصبروا باقي يطلعون المتوسط بطير عقلك تجلسين بقلق حتى يرجعون لك من مدرسة
حاولي تكوني قريبه منهم قدر ما تقدرين .. لا يخافون منك .. لانه مو زين يكبرون ولا يعلمونك بشي
اشوف اولادي يدخلون البيت بعد المدرسة يحطون راسي مرقه من هدرتهم
وعلى عقولهم يفكون رابط الكيس اسكت واذا خلصوا وهدروا ..
ساويت قهوة لنا العصر وجلست انصحهم بطريقة غير مباشرة عشان لا يحسون بشي
تشوفينهم الحمدلله يارب مو على سنهم
احاول قدر ما اقدر اقرب منهم عشان اعرف مشاكلهم وكيف طريقة تفكيرهم

ربك يعين على تربيتهم

ويهديهم يااااااارب العالمين

[MEH]

والله انك صادقه احلى ورده وكلامك واضح انه طالع
من أم ناضجه فعلا قد عرفتي الطريقه الصحيحه للتربيه
احنا الجدد لأننا في البدايه نعاني كثير مع ذا الزمن الله يكفانا
ولا به لا صبر ولا طولة بال اعوذ بالله من الشيطان
فعلا اشوف زوجة اخوي عصبيييه وصارت بنتها مثلها حرقه مره
اعجبني قربك من عيالك ودي اصير كذا
بنت اخو زوجي بالمتوسط تحكي لي عن وحده من البنات في فصلها
الله يهديها يار ب..انا ماعرفت اخذ الموضوع بهدوووء
قلت حسبي الله عليها ليش كذا اعوذ بالله ومن ذا الكلام ههههه
اعرف انه غلط لأن لو هالاسلوب مع بنتي ماعاد بتقول لي شي
واشوف اختي اللي بالثانوي ماتحكي لي شي لأني اتنرفز واعصب
ما اعرف انصح بشويش

[يمكـ دروبي]

مساء الخيراااات ....
كيفكم؟؟
احلى ورده .. ماشاء الله عليك .. كلامك روووعه ..
ميمي .. والله انك صادقه .. ذا الجيل ماعاد يتحمل شيء ..
الله يعيني على تربية حمودي .. ويعينكم انتوا كمااان

[الديماس]

رسرس
احلى ورده
ميمي
ام رنيم
ريري
يمك
وكل الصبايا
اخباركم
ان شاء الله تمام

رسيس الله يعينك والله اوقات اقرا كلامكم وادعيلكم احس اني مو لوحدي بهالحال

احلى وردة
والله كلامك عين العقل الله يصلح ما عطى والله يا بنت الحلال اني احاول اهدى من ناحيته بس الله المستعان
اليوم الصباح ما قمت الا على حس عدولي وفي يده حاجة تلمع فكرتها لهايت عزوز ويوم اخذها الا هو كاس قد تسلق المطبخ وكسرة عالسيراميك وجابه في يده وانا قد قفلت المطبخ بالمفتاح بس ابوه دخل وتركة مفتوح وراح دوامه

والله تحمدت ربي انه ما قطعه ولا طاح يوم تسلق الدولاب
ورحت المستشفى طهرنا عزوز
ورجعت وانا تبانه من الغرز والشرخ والانتظار والا عدولي اشكال الازعاج ضربته ضرررررررب على ظهرة ثم ندمت بس لا تلوموني يا بنات وربي ولدي متعب تخيلوا اوقات لا جيت برضع عزوز اطلعه لعماته فوق او انزلة على جدته الحوش ما يجلس خمس دقايق الا قد رجعوه اقول خلوه معاكم شوي يقولون خلاص ما نتحمله اتعبنا مغير طالع نازل مع الدرج يخافون يطيح
يارب يارب بهالليله الفضيله تهديه وتهدي اولاد المسلمين يارب تنزل السكينه على قلبه وتنزل الصبر والحلم على قلبي

والله يا بنات انا ما ابالغ ولدي كلن يتضايق منه حتى اخواتي مجربات الامومه وعندهم عيال بس يرحموني منه ويرحمونه من نفسه ومن خاطره
تخيلوا لا بكى على شي وطنشته يبكي اللين ينزف انفه دم ....... اول مرة اشوف طفل كذا ولما سالت الطبيب خلانا نسوي له تحاليل وتخطيط وكل شي وبالاخير يارب لك الحمد طلع سليم بس على قولة الطبيب دا واد عصبي ومزاقي

معليش غثيتكم بالتشكي بس من حر ما فيني

[رسيس الهوى]

صباح الورد ...

بعد طولة باااااال نامت عيون مامتها الله يسعدها ويصبرنا جميعا

ميمي والله الشغالة موجودة بس فيه شغلات ما تسويها (( طبخ - ملابس زوجي غسيل بس والكوي عليها - غرفتي كبيرة ومستحيل تدخلها وفيها شغلات كثير - ولا تقرب لبنتي لو تموت تحاول وأنا رفضت )) الله يبعدني عن شرها ...

والله لو بيدي ما تجلس عندي دقيقة بس حي الله ما أنتهت وساعدتني بشغله ...

أحلى وردة ما شاء الله كلامك روعة وهذا صح التقرب بالشكل الصحيح وبود وأحترام يعزز الثقة ويخليهم يقرب منك أكثر

أسال الله أن يهدي جميع بناتنا وأولادنا ويقر أعيننا بطاعتهم وحسن أدبهم ودينهم يا رب يا كريم

الديماس الله يعينك حاولي تشغلي القرآن ببيتك وأقراي عليها دائما ... والله بنتي نفس الموال بس أدعي ربي بكل وقت إنه يعطيني صبر أيوب والله اليوم بالمطعم قبل اروح المستشفى ضربتها على يدها وندمت بس وربي ما خلتني أحط لقمة بفمي بألأخير اخذها أبوها وجلس يدلعها شوي حتى هديت ... بنتي دلووووووووووووعه بقوة أعطيتها وجه وإذا تنكدت تحوس بيدينها الطعمات بوجهها وأذانيها حتى تحمر هههههههههههههه

والله يا ميمي رحت لحسن بالألماني وأعطاني حبوب ثانية تنظم الدورة والحمل وقلت اهم شيء ما تأثر عالرضاعه قال لا ولما سالت ليه تجيني الدورة ويقولوا اللي ترضع ما تجيها قال مو كل النساء سوا تطمنت ... الله يفرجها ويخفف على الجميع يا رب

الباقيني كيفكم ووينكم يا عسولات

[MEH]

صباح الورد

يمك دروبي هلا والله منوره
اخبارك انتي والبيبي وكيف الصحه والنفسيه؟

الديماس قسما بالله انا معك قلبا وقالبا
وحاسه فيك بقوووه لأن احس ولدي يآخذ كثييير كثييير من ولدك
وترى بنت حماتي أخس وألعن من ولدك شي لا يطاااااااااااااااق عمرها4سنوات
باقي باللهايه والحفاضه الله يكرمكم محد يقدر عليها الا اللي خلقها

ولدي يمكن لأنه باقي سنه و7شهور ماشفت ابداعاته بالتسلق
هههههههههه ماأتخيله يتسلق لأنه قصير شويه فديته
بس يدخل يفتح الدواليب يطلع اللي فيها يحووووس
يعــــــــــــــــــــشق الشارع والسيارات الله يكفيه يارب
الديماس ولدك يتكلم؟ويفهم عليك اذا وجهّتيه او قلتي له شي؟
ولدي لسى واخاف اولد وهو باقي كذا

ع العموم الف مبروك صار عزوز رجّال هههه
فكه من الختان ذا المره حلق احسه اهون

رسيس الحمد لله انه طمنك ع الوضع
وان شاء الله ماتشوفين الا العافيه يارب

وصادقه الشغالات بلاء بس على قولتك تشيل عنك شوي
وانتبهي من الدلع الزايد بـيخررررررب بنتك عليك الله يخليها لك

[احلى وردة]

الديماس قلبي
الف الف مبروك ختان عزوز صار رجال انتظركم بالمهر وطقم رشرش لبنتي ههههه
وربي انك قطعتي قلبي
بحاول معاك حتى نوصل للحل
شفي حبيبتي المطبخ يتقفل وخبري ابوه تتطلع من المطبخ قفله على طوووول ..
بعدين انتي شوفي حاجة يحبها ولدك ومتعلق فيها بكثير اعطيه ينشغل فيها
اذا مافيه فايده اجبري ابوه ياخذا منك العصر غصب ..... بديت اطلع نخلة براسك

والله ولدي الكبير كان كذا اقولكم ابكي اذا شفته قام لدرجه انه وحده قالت لي (( ولدك خليه بيت ابوه لان كل نسوان يدعون عليه )) تخيلي الكلمة هذه قوووووية من يومك عيالي بالبيت ما اطلعهم عند احد وخلي الاولاد مع ابوهم في كل مكان ..
كنت كل مرة اطلع له عذر عشان لا يحس اني اتهرب منه .. كيد نسوان ههههه
يختي بعض الرجال يفقع القلب مستحيل ياخذ عياله معاه يعتبرها عيب ومن هذه الخرابيط وبصراحة كان زوجي كذا حتى تغير عن اول يمكن من عشرت العمر مع بعض صار يفهم اكثر ..
واحيان اقوله ولدك يمووووت فيه وااااااو شفه تقطع من البكاء يبغى يروح معاااااااك يا حليله خذه اشوي خله يتهوى برا

افتحي القران حلوووو بالقران يهديك ويهدي ولدك

شفي اذا نفع معاك هذه الحل ولا ندور لك حل ثاني
واصبري مالك الا صبر
لانه ولدك جالس يقتبس شخصيتك بالعصبية وانتي مو حاسة وصار ما ياخذ شي حتى يعصب ....

اهم حاجة اشغليه باي شي يحبه لانه بيشغلك

شفي اذا عندك خيمة الكور لكن انصحي اشتري فقط الخيمة لان الكور تبهذل الوحده بالبيت
خليه يلعب فيهااااا

بعدين بالنسبة للغرز روحي مستشفى لاتكون ملتهبه او فيها شي
روحي عند دكتورة شاطرة
عندك حسن البار
و داوني
و مستشفى الرحمه فيه دكتورة اسمها هدي كلهم يمدحونها

ياااااارب ان يهديه لك

اخواتي الغاليات
اشكركم على تواصل معنا
وان شاء الله نشوف حل لولدها
غصب يهدي ههههههههه

meh
حبيبتي
والله العيال يحتاج لهم صبر
لانه جيلهم غيرنا بكثير
كل شي يربهم
النت
التلفزيون
جوالات
المدارس
كل هذه عوامل مربيه لهم
ولكن المرجع الرئيسي هو البيت
لو صبرتي عليهم وخليتهم يتكلمون من دون ردة فعل
صدقيني راح يرتاحون لك ويتكلمون وتعرفين ايش هم عليه من خميرة
عندي اثنين في سن خطير مراهقه
واحد اول متوسط
وثاني ثالث متوسط
والله اني اسمع منهم شي يشيب راس يتكلمون عن الاولاد عندهم بالمدرسة .. شي يخوووف ما كنا نسمعه بجيلنا
كنت اسكت ابغاهم يتكملون عشان اعرف كل شي عنهم من دون ما ادور ورائهم
بنتي بالرابع الحين
تعلمني باعجاب البنات وحب وخرابيط
تخيلي بالابتدائي وعندهم هذه الاشياء
ما بقوا شي للمتوسط
لكني اعزز عندهم الوازع ديني لانه مهم
واذكرهم بعقاب ربي
انصحهم بشكل غير مستمر عشان لا يطفشون مني
تعرفين جيلهم غيرنا بكثير
شفيهم كلهم معاهم بلاك بير
كثير نطو فيني ليه تشترينه لهم ووووو
لكن لو ما جبته لهم راح يدورن ايش سبب
وبيشوفنه عند ازملائهم
لكني والله يا بنات كنت خايفه منه
قلت اوعدوني وعد رجال ابغى انفخ رؤوسهم
ما يدخل شي بجوالكم يخل بالاداب
ما قلت لا اشووف الاغاني لا اشوف الصور مقاطع فديو وووو
مستحيل يسمعون لي
طلبت منهم وعد
والحمدلله رب العالمين
دائما اذا جلسوا معي يقروني دائما رسائلهم مع ازملائهم احيان يقرونها لنا ويضحكون ..

ودائما ادعي ربي يهديهم
ويبعد ما بينهم وبين عيال الحرام ..
حاولي قدر ما تقدرين اذا احد
خبرك بشي لا تنطين فيه اسكتي حتى يكمل سالفته
عشان يرتاح لك
بعدين وضحي سلبياته وايجابيات الموضوع

والله يا بنات
رحت بالاجازة الرياض
وتركت الاولاد عند جدانهم رفضوا يرحون معنا
اخذت البنات معي

يتصلون عليه
متى ترجعين
يقولون والله يا امي اننا فقدنا اغلى صديقه عندنا
يقولن ما قدرنا نسولف مع اعمامي ولا عماتي ولا جداني
رحمتهم

ما نقول الا الله يهديهم
ويعطينا طووولة البال والصبر
معليش طولت بالهدرة عليكم

[MEH]

الله يحييك يا احلى ورده يختي عادي اهدري
خذي راحتك يازينها الهدره اللي تنفعنا ههههه

ماشاء الله عليك ألعن شي البلاك بيري
خصوصا في هالسن بس انتي واثقه بتربيتهم وبزملائهم
انهم مو راعين خرابيط الله يهدي الجميع

اما بخصوص الديماس فـ والله ما الومها اتذكر نفسيتي بالنفاس
كانت عدم كنت استنى كلمه بس عشان اسوي مشكله
اعوذ بالله..خمية الكور ولدي طفش منها وولد الديماس زي ولدي
في الطبع هههه بس فعلا خلي ابوه ينزله تويز ار اص ويختار اللعبه بنفسه
يمكن اذا اختارها يتعلق فيها..شوفي انا رح اولد عند اهلي بإذن الله يعني
ولدي بينشغل بأخواتي لكن مايمنع ان ابوه يآخذه يمشيه ساعه ساعتين يريحنا منه
رغم اني اخااااااااااف عليه من الشارع الله يكفينا

احلى ورده ماشاء الله حلوه المسافه بين عيالك..الله يحفظهم
انتي حامل الحين؟

[يمكـ دروبي]

صباح الخير ..
كيفكم ؟؟

الديماس : الله يعينك ياقلبي وربي حسيت فيك ..
بعض العيال فيهم شقااووووه الله يهديهم ..
انتي حاولي تهدين شوي عشانه وعشانك ..
ماشاء الله عليك طهرت ولدك ..
باقي ما طهرنا حمودي وربي خايفه

[احلى وردة]

meh هلاا حبيبتي
ايه حامل بكرة اكمل الخامس وادخل السادس وربك يعين والله خايفة من الولادة هههههه
زوجي يقول مو اول واحد تجيبنه قلت انه الموووت لاني اعرف الالم لكن البكر جبته على البركه ما ادري ايش طبخه ...
وتصدقين احسن شي الوحده تولد عند اهلها اذا فيه مين يساعدها لكن انا بولد ببتي كل اخواتي متزوجات ولا احد مع امي يساعدها ..

شفي حبيبتي حاولوا تهدون مع عيالكم خذوا نصحية من مجربه اشوف ولدي الكبير كنت اعصب منه واحيان ودي اعلقه برقبته لكن امي الله يخليها لي تكلمت عليه قالت يا بنتي اهدي لازم الصبر ... وفكرت بكلمها وكنت اطنش .. الحين عيالي كلهم ما خذيني طبعي بالهدووووء طولة البال وخاصة صغيرة هاااااااااااادية لدرجه اني ارحمها مالها حس بالبيت انسى منها هههههه لاني جبتها وانا اصل هادية بتربيتها ..عمرها الحين ثلاث سنوات بولد وبيكون عمرها ثلاث سنوات وسبع شهووور ...
واحب اوضح لكم اكثر تربية الاطفال تختلف من واحد للثاني على حسب البئية اللي عاش فيها
يعني اذا انتي عصبية اقتبس شخصيتك والعكس ...

واكرر لازم زوجك يساعدك فيه غصب ههههههههههه
بساوي حملة نسوان على الازواج هع ....
لانه بعض الاطفال فيهم طاقة زائده ويحطونها بالبيت من تخريب وتكسير ونفش والى اخره ..
مالنا يختي الا صبر عليهم وندعوا ربي يهديهم ..
وصدقيني بتجيه فترة ويهجد اسالي مجرب ولا تسالين طبيب ....
حاولي تمدحيه كثير لانه يعزز الثقه بالنفسه ... وان شاء الله يهدى ...

الله يهديهم ويصلحهم ....