دردشة بنات فلسطين, دردشة حوامل فلسطين, تجمع بنات فلسطين

[بينك روز]

ان شاء الله يارب
عزيزتي ام عزمي خبرينا انتي من وين وكل معك اولاد ولا هاد حملك الاول

[سهى2012]

المشاركة الأصلية كتبت بواسطة عيـ‘ـون المهـ‘ـا

ســـــsuhaــــهى
كلنا عم ندعيلك و دائما الخيره فيما اختاره الله --- ان شاء الله الاسابيع
تمر بسرعه بس انتي ما شاء الله اعتقد بالاسبوع ال31 اذا مو غلطانه
يعني اخر السابع ربي يتمم الك يعني لو خلصتي الاسبوع ال35 ما في خوف
ان شاء الله على جنى
بالنسبه لوزن جنى لو تكتب الك الدكتوره على حليب خاص ما بعرف
اذا بتسمعي فيه مدعم بالفيتامينات كتير ممتاز للجنين
و اذا سمعانه بالحلبه اشربي حلبه+حليب بتزيد وزن الجنين
و الحلبه ممتازه للسكري و بنفس الوقت بتزيد الحجم بس ما تكتري
منها

ليله هاديه و سعيده الك و لكل العيله

عيون المها

تسلمي حبيبتي والله باخد بنصائحك كلها وبعمل فيها واكيد فادتني بالفترة هي وان شاء الله جنة تيجي بسلامة وبتكون بخير وصحة وسلامة صرت خايفه افقدها باي لحظة صحيح ربنا رزقني بأولاد قبلها بس سبحان الله بعد عشر سنين وكانها لس أولا أولادي وخايفة كتير عليها والله قلق والخوف والمرض ذبحني بالفترة هي وكل يومين صرت بشوفها على جهاز تصوير عشان اتابع وزنها ونموها وكمان عشان مية سكري حواليها دعواتكي اختي الغالية لها ويارب انتي تكون بالف بالف بالف خير وتحضني صغارك بحنانك وعطفك ياغاليتي

[بينك روز]

هلا سهى منوره
والله دايما بدعيلك تقومي بالسلامة
يارب ان شاء الله
وتشوفي جنى وتنبسطي فيها كتير
اساسا انا بستنى فيها اكتر منك
لانه هتسير عندي بنت خال جديده
ياسلام والله شعور حلو
هههههههههههه
الله يقومك بالسلامة يارب

[احساس أنثى]

صباااااااااااااااااااااااااح الخييييييييييييييييييييير

[عسولة فلسطين]

يسعد صباحكم يارب
والله ياجارة امبارح الله يعزكم فتت الحمام من كتر ما بشرب مي عشان الالتهابات غط ع قلبي ورحت استفرغت وانا بستفرغ حسيت اشي بده ينزل مني كأنه كورة وصار ينزل دم
اتصلت بالدكتور قال ع المستشفى
رحت وصوروني والحمدلله هما بخير
بيقولولي من الالتهابات أول مرة اعرف انه هيك الالتهابات بتعمل ولهلأ بينزل دم الله يتمملهم على خير يارب
بالنسبة ليزن بس تقومي بالسلامة ان شاء الله جيبيله هدايا او اي شي بحبه وقوليله خد ياماما هاي من اخوك وهو بحبك بيصير يحبه ومايغار منه


عيون المها >>> الحمدلله انا بخير ،، بحس ذاكرتي ضعفت مع الحمل ههههه
والله هيني تقل وحالتي حالة وانا نفسك بس انام ع اليمين بحس ترفيس وع الشمال نفس الاشي وبس يرفسوا بغير نومتي بحسهم متضايقين برفسوا في عشان ما اضايقهم ههههههه باقول لزوجي بناتك جننوني وأحلى شي لاحظت عليهم بيتحركوا أكتر بس يسمعوا صوت ابوهم هههههه
يييييييييييييييي انا كلهم بستنوا اولد لأني تعبت بحملي بالذات آخر فترة هلأ،،، ماما بتقولي ما بتولدي من هون الا وانتي مسببالي مرض اعصاب ( بعيد الشر عنها) عشان ياحرام ع اعصابها هههههههه
اه الحمدلله خلصت امتحانات وبستنى بالنتائج



غموض يسعدك يارب
وانتي بتطلي صبحي او مسي علينا لنضل متطمنين عنك


بينك روز ... الله يجيبلك رهف بخير وسلامة يارب ههههه ضحكتيني ع زوجك الله يتمم فرحتكم فيها على خير يارب

وين حواء اليوم مش مبينة؟؟
سلامي للجميع

[عسولة فلسطين]

صباح الفل يا احسااااااااس

[بينك روز]

تسلمي عزيزتي عسولة
ما تقلقي بالنسبة لدم انا كان معي متلك هيك
بس في بداية حملي كان معي التهابات بالبول الله يعزك
وكانت شديده كان ينزل مني دم احمر وبني وزهر
يالله شو تعزبت ايامها واتصلت على دكتورتي اعطتني حبوب زينات وتحميلة اسمها اندوليم
والحمد لله انقطع الدم وتحسنت حالتي وانا هلا بالشهر السابع والحمد لله ما شوفت ولا نقطة دمد
بس انتي ابتعدي عن الاملاح الفتره هاي


هلا احساس صباح النور ياعسل

[أم عزمي]

أنا من غزة
هذا حملي التاني
بس ما عندي أطفال
لأني ولدت ولادة مبكرة و توفى ابني

[بينك روز]

اها الله يرحموا يارب وتلاقيه عصفور من عصافير الجنة
وان شاء الله يتمم حملك هاد وتفرحي فيه يارب

[سهى2012]

بنك روز تسلمي حبيبتي وأكيد هي راح تحب بنوتك ** اسراء ** جارة القمر ** غموض أنثى ** عيون المها ** احساس أنثى ** حواء مثالية **مايا ** لولو** عسولة فلسطين ** مسك سنين **اسماء ** ام يامن**بنت الضفتين ** كل الصبايا

وان شاء الله ما اكون نسيت حدى يسعد صباحكم ويومك ومساكم

اتمنالكم كل خير وسعادة يارب والفرحة دائما بقلوبكم وبيوتكم

سلامي للجميع