دردشة بنات العراق, دردشة حوامل العراق , تجمع بنات العراق

[ام مرتضى الساعدي]

روح ملائكيه سلامتج حبي بيا ولا بيج
رويدة تسلمين حبيبتي اكول منين هاي الملابس مال بنوته اريد اجهزلبنتي عفية دليني اموت على الاطفال وخصوصن اذا كانت بنية

[مجنونة بحبها]

هباوي حبيبتي اذا تحبين نصيحتي
فهي اولا ارتاحي ولا تشغتلين ولا تتحركين ابد حتى الصلاه وانتي كاعده
وثانيا سوي تحاليل مات داء القطط والجرثومه والفايروس وكل مسببات الاسقاط حتى اذا موجوده لاسمح الله تعالجيها بسرررعه
ثالثا لاتروحين للطبيب ابد الا بعد شهرين لان مادامه اسبوعين النبض ميبين الا سبع اسابيع وتعبين من الدكاتره
رابعا اخذي فولك اسيد واسبرين اطفال
وان شاء الله تبشرينه بالحمل الثابت
وصحيح شلون رحتي لدكتور انا اموووت من المستحه اذا دكتوره شلون اذا دكتور
وطمنينه عنج حبي
وصحيح لاتنسين اهم شي الدعاء والاستغفار وقراءه القران

ويارب يارب بحق محمد وال محمد يثبت حملج ياهبه

[مجنونة بحبها]

ام مرتظى منوره ويارب يرزقج ربي الولد الصالح

انا ايمان عمري 27 سنه ومتزوجه من 5 سنين وعندي
بنوته و3 اسقاطات وانتظر رحمه ربي يرزقني ولد صالح
وانا من بغداد واي سؤال حاضره

يله اريد اعرف سيرتج الذاتيه

[مجنونة بحبها]

نجوله شلونج حبي وشلون ايهومي حبيب قلبي

مهاوي حب شلونج وسلامه اسنانج انا تعبت منهم
وشلون حمودي واخواته


رحوبه حبيبتي ان شاء الله امج تروح وترجع بالسلامه
بس طمنينه عنج

ام الق شلونج وشلون الوقه


نورس ان شاء الله جابت وخلصت


بعد منووووووووووووووو

نوره وحوراء طالت غيبتهم

ويسرى بعد مبينت ان شاء الله المانع خيرررر


اذا نسيت وحده اعذروني

[مجنونة بحبها]

هلا ام سما انا ام بنونه او ايمان وبكيفج

هلا وحمدلله على السلامه

[مجنونة بحبها]

انا اروح وان شاء الله ارجع بالليل اذا صارلي مجال

[اللهم يسر امري]

السلام عليكم بنات شلونكم وشلونهم العصافير ان شاءالله بخير
اعرفكم بنفسى انى عراقيه من السويد و اول مره اشترك بهذا التجمع
متزوجه وعندى 5 اطفال ولد و4 بنات الله يخليهم ويخلى اولادكم
وقبل كم يوم حللت وعرفت نفسى حامل بصراحه بالبدايه ضجت وبجيت وبس بعدين كلت الحمدلله على نعمه رب العالمين
اتمنا من الله يكون ولد حتى بعد اسوى عقد رحم واخلص لان والله تعبت وانهد حيلى
والمشكله الناس و زوجى واهله ما مخلينى بحالى كل شوى يسمعونى حجايه
عبالك انى بيدى خلفه الولد لو البنت استغفر الله
المهم اسفه دوختكم وياى بس والله مخنوكه حيل وخايفه
من يوم اللى عرفت حامل وانى عايشه حاله رعب
يارب يرزقنى ويرزق كل وحده شما تتمنى ويفرحنا جميعا باولادنا
يلخ اخليكم على خير

[قمر بغداد]

هلوووووو بنات تسلميلي ام الق وام ايهم وامونة الورد
واللة امونة ردت طبيب مضبوط وهو مافحصني بس سونر سوالي لان ميصير لان حامل واني هم استحي من الفحص الداخلي
واللة هسة بيت اهلي كلي بعد اسبوعين اذا مامتكون كيس جنين وضعيف تجهضين لان المفروض هسة اني 5 اسابيع بس كلي احتمال متلقحة بنهاية الشهر وعمرة مبين اسبوعين واني وكع علية دم فاتح ولون جوزي ديوكع فكالي الدكتور ناخذ مهلة ونشوف بلكت اللة يثبت
واللة خايفة ومرعوبة بنات ادعولي
يارب بجاه نبيك وال بيتك الطاهرين يوفق كل وحدة يرزق كل البنات ومايحرم احد امين........

[قمر بغداد]

هلووووووو ام سما
ام مرتضى اهلابيج ومنورة
يسر امري اهلابيج ويانة وربي يدوم هالتجمع بس شنو اسمج؟؟؟؟؟

[اللهم يسر امري]

هلو قمر
حبيبتي اني ام حسن
واسمي فاطمه