احلى عراقيات حوامل ...... تفضلوا

[redrose82]

هلو بنات شلونكم. ....مشكورين على دعواتكم الحلوة. ..الله يخليكم الي. ..حتى خواتي ميدرون بية شوكت اروح للطبيب لو شنو يكلي. .
اخذت سونار وعندي بيضة حجمها ١٦ وكتبلي ابرة تفجير وانا ماقبلت اخذها صراحة ورجعتلة كلي جربيها كالة زوجي انا نسبتي ضعيفة ليش هي تاخذ ابرة كالة عسى ولعل وانت مو كلش نسبتك صفر عندك حيامن واحنا نريد واحد يلقح البيضة. .. توكلت على رب العالمين واخذتها بس سؤالي الجماع بعدها بكم ساعة هو كالي اليوم وباجر بس البنات بالمنتدى يحددولهم ساعة معينة. ...هو طبيب فاهم ومعروف وانا احترم رأية...بس يبقى كلشئ بيد رب العالمين...

[redrose82]

شلونج ام حسين. .. انشاء الله نفرح بيج هالشهر ....
ولا تنسينا من الدعاء من تزورين. ...

[حلمي بطفلي]

علايه حبيبتي الحمدلله والشكر بيضتج زينه بس لو مطيج منشط يعني 18 هيه التمام بس ميخالف هم ال16 زينه وبالنسبه للابرة التفجيريه عادي حبيبتي اخذيه هوايه يحملون عليها الجماع اتصور بعد 36 ساعه من ظرب الابره هيج سامعه بس اكو مواضيع بالمنتدى مكتوب هيج شي لمحت ذيج المره شوفيها او كتبي هسه موضوع هسه يجاوبوج عنه وانشاء الله هلشهر حامل يارل
ياسه تسلميلي حياتي فدوه الج انتي الاحلى

[عيون المهى]

هلو حبيبتي علا والله دائمن على بالي ومانسيتج من الدعاء انتي وكل البنات الي اعرفهن والحمدلله نتيجة جيدة عندج البيضة حجمة 16 انتي يايوم من الدورة والله اني هواي ضربة ابر تفجيرية وابد ماكان يمنعونة من الجماع

[redrose82]

حنونة حبيبتي هو كال اليوم وماحدد الساعة لان البيضة نازلة اصلا. ...كال شكد ماتكدرون خلي يصير تقارب هههههه
ام حسوني اليوم ١٣ وبالعادة انا ١٤ ابيض ههه بس ام السونار كالت بعدها والطبيب من شاف سمك البطانة والسائل كلي نازلة حتة سالني تحسين دائما محصورة اذا البويضة نازلة

[redrose82]

تدرون شنو راح اسوي خخخخخ يكولون تبرة التفجير من تحليلين منزلي يطلعلج خطين من تظربيها. ..راحاشتري تحاليل وسويها حتة اشوف الخطين. ..حتة لو مو حامل لان شكد ماشفت خط الواحد تعقدت. ..
راح اسوي وحتفظ بية للذكرى ههههههه
نبراس عندج العافية انشاء الله. ..وسيلا مبروك نجاح زوجج ولو متاخرة. ....انشاء الله نهنيج بالولادة

[عيون المهى]

تفائلو بالخير تجدوة حبيبتي علا ان شاءالله خير ومن هذا الشهر وتحبلين واشوفين الخطين بحق وحقيقة ويرحمة الله واسعة بجاة ابا عبدالله الحسين ان شاءالله مشوفية الابعد 9شهورررررر واني هم وياج يارب

[redrose82]

وانتي قبلي انشاء الله تجيبين زنوبة لو عبوسي لو رقاوي لو فطومة كيفج. ..انا احب الولد وزوجي يموووت عالبنات. .
بس صدالبنية غير شكل حبيبة وتداري امها وابوها وتحن عليهم. ...الله يرزق الجميع. .

[حلمي بطفلي]

هههه علايه لا يا عمري انشاء الله يطلعلج الخطين طول الشهر كله وما يختفي وتكونين حامل همه يكولون بعد 36 ساعه حتى تنفجر وتستقر ويحصروها بحيوانات منويه جديدة ونشطه متكون تعبانه هيج يعني بس انتي بكيفج ونزول البويضه تحسين الم باجوانبج وحده منهم هيج يعني وانتي يا يوم من الدورة هسه ؟؟

مهاوي تسلميلي حبيبتي علدعوة والج بالمثل يارب

[عيون المهى]

اي صحيح البنية اصير حنينة بس شنو يجي نعمة من رب العالمين ان احب اسم البنية زهراء