دردشة بنات فلسطين, دردشة حوامل فلسطين, تجمع بنات فلسطين

[لولو الفلسطينية]

مسا الخير
احساس الله يكون معكم و يحميكم ان شاء الله
طمنينا شو بصير
دودو تقريبا انا و انتي نفس الفترة حملنا انا اليوم اخر يوم بالثاني يعني اليوم انا بالاسبوع التامن و اربع ايام ربنا يتمملنا يخير
غموض الله يطمن قلبك عليهم يا رب
كل لصبايا شو اخباركم يا حلوات ؟؟؟

[~{{ DoDo }}~]

صبايا غزة الله يحميكم جميعا انتوا وعائلاتكم يارب
ديروا بالكم على حالكم وما تطلعوا :( قلوبنا معكم الله يحميكم ويحمي اهلكم واهلنا كمان بغزة

لولو حبيبتي اهلا فيكي اه لاحظت انا وانتي تقريبا مع بعض انا مش عارفة احسب بالشهور يا دوب زابط معي احسب اسابيع ههههه
الله يثبت حملنا ويسهللنا يارب ويتمملنا على خير وعقبال الصبايا اللي عايزين يارب يرزقهم

طمنونا عنكم يا بنات غزة على طول

[جارة القمر]

حواء::
الحمد لله على سلامتها حجتكم..........ومبروكين الهدايااا

[بينك روز]

مسا الخير بنات
والله القصف عنا من كل فج وميل
والله بحكي معكم ودموعي بعيوني
مش قادرة استحمل الي بصير
خصوصا بعد ما غتالوا الجعبري
والله كان رجال ولا كل رجال الله يرحموا يارب
انا بعرفوا شخصيا كان صاحب مدير الشغل لما كنت اشغل
وكان يجي عنا على المكتب وكنت كل ما اشوفه اخاف يقصفوا المكتب الي احنا فيه منه
بس اليوم لما استشهد ماقدرت اتحمل وحسيت بحالي راح انفجر من لعياط
الله يرحموا يارب ويسكن جميع شهدائنا الجنة
بنات انا ساكنة بابراج الكرامة وقبال بيتنا بيارة زيتون المقاومين بطلعوا الصواريخ منها
وطبعا كل صاروخ بيطلع بترد الطيارة عليه على نفس المنطقة
والله حاسه حالي مش قادره من الخوف
رجليه واديه مربطين
وصوت القصف مرعب بجد
مره بالبيارة ومره بعنان ومره عند الخزندار ومره بالتوام
كل هدول حولينا
الله يستر يارب ويعدي هالليلة على خير

[حواء مثالية]

ولي على قلبي انا

وربي اني مقهورة على اللي بصير بغزة زوجي من العصر قاعد على الاخبار وكل شوي شي جديد الله يبعد عنكم شرهم هالخنازيررررررررر

[حيفا]

حبيبتي بينك الله يحميكي يارب ويحمي كل اهل غزة ، والله خوفتيني عليكي فيكي تروحي ع منطقة تانيه آمنة يعني ؟؟

[بينك روز]

حبيبتي حواء ما تقلقي مابسير الا الي كاتبه ربنا
الحمد لله على سلامتك حماتك ومبروك الهدايا ياروحي

[بينك روز]

ما تقلقي حيفا لو حسينا انه في خطر عليه بروح عند اهلي او على بيت حماي
ماتقلقي ياعسل

[حواء مثالية]

بينك الله يسعدك يا رب وان شاء الله بالسلامة يارب

[احساس أنثى]

يااسوم ماالنا غير الدعاء كلنا ع هالحال قولي يارب ارنا فيهم عجائب قدرتك شو يعملو يلي بيقصفو بيوتهم
ادعي وماتخافي ربنا معنا باذن الله

بنات الظاهر مش حنقدر نتواصل معكم مصادر اسرائيليه بتقول خلال الساعات القليله القادمه سيتم ضرب شركة الاتصالات يعني لانت ولا موبايلات بدهم يقطعونا عن الدنيا الله يقطعهم والله يستر مايضربو مولدات الكهربا يااااااارب انت القادر ع كل شي