تجمع امهات التوام حياكم

[نـــــــارا]

ارضعهم اثنين في مرة
في صور وفيديوات تشرح طريقة رضاعة التوأم

وعادة كل ساعتين رضعة ومع الوقت ولما يبدأوا ياكلوا تخف الرضعات
حاليا عمرهم سنة
طوال النهار يرضعوا يمكن بس ثلاث مرات
بس بالليل يذبحوني يبون طول الليل مص وتلاقيني انبطح يمين ارضع وحدة وارد اقلب يسار ارضع الثانية كل تنتبه الاولى ان الصدر مو في فمها وتبكي وارد اقلب
صاروا مرتبطين بي بزيادة ويبون طول الليل مص في مص

بس هذا على التعويدة يعني انا ما كنت صارمة بهالموضوع ويعوروا قلبي اذا ما اعطيهم حليب انا صرت مدمنة رضاعتهم نفسهم واحيانا من غير ما يطلبوا انا بنفسي اعرض عليهم تبون حليب؟ ويجوني يركضوا فرحانين

يوم اللس اتعبهم زين يرقدون وما يقعدون الا مرة للرضاعة وبس لكن اغلب الايام مص في مص بالليل دلاعة بس لاني اتركهم الصباح واروح الشغل فيخافوا يناموا بدوني

[maha8181]

صباح الخير امهات شخباركم طولت عليكم بس اكيد عاذريني
احلى توينز و رضاك ربي الله يحفظهم ويخليهم تبارك الله يهبلون
ابشركم وليدي بسم الله عليه يسند رجوله ويقعد لحاله وطلع له سنين ويزحف على ورا
وبنيتي الحبوبه تقعد وتحبي بس السن لسه شكله من دلع البنات يازين البنات

وبديت اعطيهم صفار بيض ودجاج مع الخضار
الحمدالله

[نـــــــارا]

الف مبروك يا مها عقبال الحبي والمشي والله يعينك عليهم بعدين بناتي ما تم طاولة ولا درج الاوركبوا عليه

[الأميرة جوري]

السسسلام عليييييييييكم
شحاااااالكم؟
ناااارا
ماشاء الله علييييج مادخلتي الحليب الصناعي لبناتج أم صبورة ماشاء الله أنا بناتي كنت أعطيهم صناعي بسسس الحين أعطيهم صدري أكثر مع الوجبات وبعد مايكبرون ويصيروا ياكلوووون مايصيروا كل شوي يريدون الصدر وآخيرآ أرتحناااا.

مها
أحنا الحمدلله بخيييييير الحمدلله أنج تطمنينا علييييييج مونفس الاخوااات الي نسونا
مثل :الياه,طوق الياسمين,أم جمانة,هيونة,روعة ن,عذب,فوفو الامورة,سارة,فرحة جديدة,عذاري,أم سارة وسبلاء,ماء المسك,ماء زير,ديم الوفا,مايا2010,الفراشة الجميلة,الوان الحياه,محبة رسول الله,بنكي بنكي,مايهم,دموع الشوق,الامل,بروفكشن,أم القمرين,دانات,عشمانة في ربنا,أنت وأنا,مجرد انسانة,اول غرام,أم سولي وكثييييييييييييير
عسسسسى المانع خييير والله يحفظهم وين ماكانوا.

[نـــــــارا]

مع الاكل ما يشربوا حليب كثير عوديهم عالاشياء الصحية من الحين ولا تعلمينهم عالحلو

انا للحين ما ذاقوا الجوكليت ولا الحلاوة بانواعها اعطيهم التمر والزبيب حلاوتهم او بكسويت وكيك بس حلويات وسكريات او كاكاو لا

[نونة العسولة]

هلا امهات

انا ام ليان وجوان فتحت التجمع هذا وغبت عنكم فترة طويلة لضروف

والحين رجعتلكم وانا حامل بالغلط ماكنت مخططة لهالحمل بس صار لان زوجي كان مسافر فترة

ورد وصار الحمل والحمدلله على كل حال ..

المشكلة ان وحده من بناتي للحين ترضع مني لازقة بصدري طول الوقت مع انها تاكل مشالله عليها

بس متعلقة بصدري وحيل متضايقة منها وخايفه عليها لاني حامل ومو عارفة شسويلها

[درة البحر]

مرحبا ياأمهات شخباركم وشخبار تونزاتكم
بناتي الحين دخلوا الشهر الثالث بس مايرضعون مني يمكن لأنهم طولوا بالمستشفى والله قهر ورضاعتهم قليلة ودايما يرجعون الحين ابتدا نومهم يتعدل شوي وماشاءالله عليهم بدوا ينتبهون للأصوات حواليهم ومن أسبوع صار عندهم كحة وبلغم من البرد تعبت معاهم لكن الحين تحسنت صحتهم الحمدلله انتوا شخباركم مع التوينز والبرد

[نـــــــارا]

الله يخليهم لك يا نونة يمشون ولا لسة؟
حاولي تفطميها قللي عدد الرضعات بالتدريج لين تقطع بنفسها

درة البحر الله يخليهم وتشوفيهم يكبرون بس التعب ما بيخف بيزيد ابشري

[نونة العسولة]

نارا

امس عصبت عليها بالليل وطقيتها مسكينة بس صج اعصابي تعبانة

اي وحده منهم تمشي والثانية هم تمشي بس لازم امسك ايدها تخاف

[الأميرة جوري]

السسسلام علييييييييكم

البارحة بسسس لاحظت بناتي طالعة ليهم أسنان من تحت مبينة شوي

نارا
بالعكسسس لما يكبروا تخف المعناه
حسيت أرتحت من قلة نومهم وبكائهم الحمدلله
حتى اذا بكوا أعطيهم ألعاب يلعبون ومايسون صوت
نفس ولدي وبنتي لما صغار مزعجييين ولما يكملون 6 شهور يبدوا يعرفووون للعب وياكلون من دون تعب وينامون زين حتى التوأم عندي نفسسس الشي
بسس لما يمرضوا شوي أتعب معاهم>>>الله كريم



هلا نونة العسولة مبرووووووووووك الحمل والله يعينك ع بنوتك حاولي تسوي شي ع صدرج
علشششان تمنعيها عن الصدر مو زين حقها لانج حااااااامل


درة البحر
الحمدلله بخيييييير والبرد أحسسسن من الحر بسسس العيال شوي بالبرد يمرضون كل شوي
حاولي كل شوي ترضعيهم من صدرج لو رجعوا عادي
بسسس بعد ماترضعيهم جشعيهم يعني خليهم ع كتفج وطلعي الهوى بيرتاحوا
بعدين بياخذون صدرج وكل شي بيكون سهل ع ماتعوديهم