دردشة حوامل مملكة المغرب - تجمع بنات المغرب

[siham+]

lah y3wnik a doha m3a diafik lo sber a khtl

[oumdarda2]

السلام عليكم اخواتاتي هاني رجعت ليكم
سمحووووووووووليا بزاف شطنتكم عليا ولكن ماشي لخاطري
نعاود ليكم اش وقع لي البنات من ننهار الخميس تانحس براسي ماشي هي هاديك تانوقف وتانعاود نطيح فحال رجلي ماشي ديالي وراسي تقيييييييييل وفحال عندي شي سمطة كحلة على عينيا وقلبي تايضرب حتى كانسمعو فودنيا ورجلي والو واش تانقدر نوقف عليها والحريق ياربي لك الحمد شفت الموت قلت نصبر يمكن غير لي سامطوم ديال الحمل ولكن والو واش فاتني الحال تسنيت حتى الغد الجمعة قالي راجلي لا صافي هادشي ماشي طبيعي خاص نمشيو للطبيب *المهم مشينا شافوني بهاديك الحالو دوزوني مباشرة للمستعجلات عمروووووووووني لصاقات والسيروم نا تانحملوش لقاو الضغط نازل دقات القلبب مامنتظماش كيضرب قلبي فوق القياس وفقر الدم من خلال التحليلات اللي داروليا المهم شدوني من صباح الجمعة حتى لدابا يلاه جيت للدار هادي شي نص ساعة
دابا الحمد لله تانحس براسي حسن من قبل وعندي موعد نهار الاربعاء للمراجعة وباش ندير التست ديال الكليكوز
كانعتدر مرة اخرى ليكم البنات لاني خليتكم مقلقين عليا ولكن ربي اللي شاهد راكم فقلبي واخا كنت فالسبيطار
قريت الصفحات اللي فاتو ربي يخليكم بقا بالكم معايا
ختي سهام فرنسا ربي يحفظك وينجيك ويتمم حملك على خير
ختي سهام ايطالي الله يجازيك بخير وما تقلقيش على بنيتك وحرام عليك تقولي ما كاتبغيكش راها مسيكنة باقيا صغيرة وبالعكس حنان الام مكاينش فحالو وراهيا كاتعب مع البزولة غير لاحقاش واقيلا ما فيكش الحليب كافي هادشي اللي تايعصبها
ختي ام اية الله يتبث حملك ويرزقك الولد الصالح ان شاء الله ويشفي ليك بنيتك ويقومها بصحة وسلامة
ختي ضحى الله يشافيك اختي وتبرا ليك الفتحة ويشفي وليدك نجم الدين راه الوليدات كاع فاش تايزيدو تايكونو عندهم الغازات ماتخافي من والو وحاولي متبقايش تبدلي ليه الحليب بزاف وديري القياس نيشان متبقايش تقلي ليه الحليب على حساب باش متقبطش ليه كريشتو والله يخليه ليك حتى تشوفيه كيف كتمناي يارب والله يعوانك على ضيافك اختي وبالشوية عليك متنسايش الفتحة باقيا ما برات
ختي حنان الله يثبت حملك احبيبة وينجيك وتدوزي حمالتك ساااهلة مافيها عداب ويفكك ربي على خير وتفركسي ليا مع راسك وبصحتك التحميمة والله يوصل ناسك على خير
ختي شيماء الله يتمملك على خير وصبري اختي مع الحرقة راه من دابا بدا وقتها لان البيبي مواخد وضعية الكرسي وبارك على معدتك وتبقاي تعلي شوية المسند فاش تكوني ناعسة ومايكون غير الخير ولا شوفي الطبيبة تعطيليك شي دواء انا راه عطاتني *اوميبرازول*
سمراء واخا فيك كاتدخلي غير تطلي وتهربي يالالا خير ان شاء الله ومن تعودي دخلي نهزوك فوق الراس وماغاتبرزطينا والو ان شاء الله
ام السعد مسكينة حطمات ليا قلبي ولكن خاصها تصبر راه الله سبحانه وتعالى هو اللي عالم برزقنا كيف ما قلتليها تصبر وتحتسب لله وهو قااااااادر باش يرزقها ولكن الله مع الصابرين اذا صبرو نتمنى تعاود تراجع حساباتها وتحمد الله على وليدها راه كاين اللي مالقاهش او صابر ان شاء الله ترجعي لينا الحبيبة راه طلتك علينا غالية
البنات اللي مادكرتش راكم فالقلب او فالبال وعودو تدخلو وتطمنونا عليكم راه معزتكم واحدة وربي اللي شاهد على كلامي والله يرزق اللي كاتسنا ويفك اللي حاملة على خير
واخيرا والخبر اللي قريت وصدمني وهو ام مرام *ياختي حرام عليك تحرمينا منك حنا اخوات في الله علاش نتقلقو من بعضنا واخر مرة دخلتي قلتي راه غادي يكونو عندك الضياف وقلنا راه اول ما تكوني مسالية غادي تدخلي كيف العادة ياك اختي سخيتي بينا ايلا كان غير عليا انا الله اللي شاهد ورقيب على كلامي كل واحدة فيكم كنتسائل اش دارت وفاين وصلات وشنو جديدها
وانتي ياصاحبتي بغيتي تفرقينا استهدي بالله ولعني عليك الشيطان وقولي اعوذ بالله من الشيطان الرجيم
صحبتنا من وراء الشاشات ولكن تانحس فحالي تانعرفكم من شحال هادي وماديراش الحواجز او حدود لتعبيري معاكم لاني حاسباكم خواتاتي وصحباتي
وتانطلب الله يصلح بيناتنا ويجمعنا من جديد بيك يا ام الاميرة

[siham+]

3la slamtik a leila welah ila kan bali m3ak hsitik mkhbya shi haja hadshi kolo kan waki3 lik o sakta 3la rasik lah yj3lha mghfirat donob ana aslan kont mstghrba 3lash m3tawksh acid folic o fer min debut de grossesse dialik rah obligé takhdihom sois fik anemi aw la 3la slamtik mera khra tkaysi 3la rasik o shihtik o thlay bf bnita lala jana bosa lik hamdolah li rj3ti bkhir o 3la khir

[oumdarda2]

المشاركة الأصلية كتبت بواسطة siham+

3la slamtik a leila welah ila kan bali m3ak hsitik mkhbya shi haja hadshi kolo kan waki3 lik o sakta 3la rasik lah yj3lha mghfirat donob ana aslan kont mstghrba 3lash m3tawksh acid folic o fer min debut de grossesse dialik rah obligé takhdihom sois fik anemi aw la 3la slamtik mera khra tkaysi 3la rasik o shihtik o thlay bf bnita lala jana bosa lik hamdolah li rj3ti bkhir o 3la khir

الله يجازيك بخير اختي سناء ويسلمك وينجيك حتى تدوزي حمالتك وتوضعي جنينك على خير
اش غاندير اختي الصبر كيف ما قلتي ما عطاوني وااااااااااااااااااالو من حملت ما عمرني خديت شي دواء من غير دواء الحرقة كانحمد الله اللي ما قع والو لبنتي ولا كنت غادي نحماق ولا توقع فيا شي حاجة يا ختي
دابا كيف ما قلتليك راهم عطاوني الفيتامينات ونهار الاربعاء عندي كنترول وغادي يديروليا التست ديال الكليكوز اللي كانت كاتسولنا عليه بشرى قالولي خاصني نجي مع 8دالصباح مافاطراش وغادي نبقى عندهم ساعتين
الله يدير الخير ويوقف مع كل حامل ويفكها على خير ويفرحنا اجمعين برؤية اطفالنا سالمين
والبنات اللي ولدو الله يقويهم على تربية ابنائهم ويعاونهم حتى يشوفوهم كيف تمناو

[oumdarda2]

ياختي سهام ما كنتش متوقعة يوقع فالتجمع هادشي انا كنت تاضن بانه حنا خواتات وشي ما يغضب علي شي وشي ما يتحاسب مع شي ولكن الله المستعان
الله يدير اللي فيها الخير

[siham+]

dakshi a leila lah yfrhik biha inchlah hta tshofihaa bin yedik o tkber o twili 3rosa rah hada howa prb mtnbkawe ga3 khayfin 3la rasna tnkhafo ri 3lihom homa lah ykmil lina li bka 3la khir o 3lash radi ydiro lik thlila d sokar lkawh talu3 f dem ola ri hkdak bash ytm2ino
ewa a khti leila ana welah mtnbri shi whda tklik mini ola nklik shi whda ntmina oum maram mtbkash mklika 3lina o trji"3 inchlah

[وئااام]

salam alikom albnat kidayrin labas 3lik ach t3awdo kib9iti la layla chwia olah i7fad lik bntak mn kol makrouh yarbi
siham kif rak labas 3lik achno kat3awdi twa7chtkom olah ana mafrasi ach w9a3 l oum maram allah yahdi jami3 lmslmin yarbii

[siham+]

khti wiam ana labs hamdolah ki rak nti labas 3lik ki bkiti m3a shi khifa ana rani zayda f agadir o kbert temak rani bnt blad lol

[siham+]

bnat nkhlikom daba jani n3as leila 3la slamtik mera khra a hbiba

[oumdarda2]

المشاركة الأصلية كتبت بواسطة siham+

dakshi a leila lah yfrhik biha inchlah hta tshofihaa bin yedik o tkber o twili 3rosa rah hada howa prb mtnbkawe ga3 khayfin 3la rasna tnkhafo ri 3lihom homa lah ykmil lina li bka 3la khir o 3lash radi ydiro lik thlila d sokar lkawh talu3 f dem ola ri hkdak bash ytm2ino
ewa a khti leila ana welah mtnbri shi whda tklik mini ola nklik shi whda ntmina oum maram mtbkash mklika 3lina o trji"3 inchlah

المشاركة الأصلية كتبت بواسطة وئااام

salam alikom albnat kidayrin labas 3lik ach t3awdo kib9iti la layla chwia olah i7fad lik bntak mn kol makrouh yarbi
siham kif rak labas 3lik achno kat3awdi twa7chtkom olah ana mafrasi ach w9a3 l oum maram allah yahdi jami3 lmslmin yarbii

اللهم امين ويفرح الجميع اختي سهام التحليلة ديال السكر باش يطمئنو وصافي هادشي اللي قالو والله يدير الخير
ختي وئام الله يجازيك بخير احبيبة ويفرحك حتى نتي بما في بطنك سليم معافى يارب
البنات سمحو ليا غير نحط لراجلي الفطور ونرجع من بعد ان شاء الله باذن الله