تجمع حوامل ليبيا

[المتفاااائلــــه]

المشاركة الأصلية كتبت بواسطة عيون زوجي

ماشريت شي امقوم كله لزوم الثلاجة والغدائية
بيجوني صاحباتي بيتغدوا عندي الاسبوع الجاي اقترحوا اعليا شني اندير
هم صاحبات الدراسه وحدة جايتني من صبراته والاخرى ورشفانية من المايه
شنو انطيب وشنو انقدم للقهوة والشاهي والحلووووو

علي حسب جوهم كان يحبوا ويقتنعوا الا بالحاجات الغليظة ديريلهم كسكسي ومعاه امبطن وسليطة...
والا ديريلهم رز خلوط وطاجين لحم محمر وامبطن وسلاطة مشوية وسلاطة طماطم وكان تقدري معاهم ضولمة " يابراك "والا كاليلوني نحبها التركيبة هادي ...
والا كان نوعهم يحبوا الماكلة الجديدة ديريلهم لازانيا وديري معاها شريبة وشكلي سلطة مايونيز ومعاها سليطة والا اثنين ثانيات ..وكان عندك ورق بوريك الورقة ديري بوريك بالجبنة والسلك ..

ياحنا ديريلهم كابتشينو ومعاه شوكلت كيك هذا في العشية .. وبعد الغدي على طول طويسة شاهي خضرا بالنعناع وكعيكات ومكسرات ... طبعا وكان عند فاكهة قبل الشاهي ...

وصحتين عليكم مسبقا ..

[ام وسونة]

غير جاوبيني علي اسالتي خيرك كنسلتيني

هههههه وبعدين نعطيك رأيي في عزومتك

[ام قصى محمد]

المشاركة الأصلية كتبت بواسطة يقين

ام قصي حي يا حشمتي الناس برانيه استني خلي نستشور شعري شويه بس ولما تجي قدام عمارتنا بيبي ما تخافيش مش حنعطلكم بيبي تو ننقز من البالاكونه

لا ياحنه لا تنطى ولا حاجه
نقعد بدل ما نمشى لسلفتى نرفعك للمستشفى

[ام وسونة]

ماشاءالله متفائلة كفت ووفت

[المتفاااائلــــه]

المشاركة الأصلية كتبت بواسطة ام قصى محمد

لا ياحنه لا تنطى ولا حاجه
نقعد بدل ما نمشى لسلفتى نرفعك للمستشفى

الحمد لله على سلامتكم ان شاءالله اسمعتعتوا ..

قوليلنا أم قصي شني جو طلعتكم اليوم وشني حطولكم ... وكيف حطانهم وسفيراتهم نازكات ومتكمات والا عادي ... وانتوا شنو رفعتولها ... شني رايك في التحقيق ... هه

[المتفاااائلــــه]

المشاركة الأصلية كتبت بواسطة ام وسونة

ماشاءالله متفائلة كفت ووفت

شني رايك في التركيبات هادي .. عطينا افكار من عندك نستفيدوا بيها .. كان جت عزومة على غفلة ..

[المتفاااائلــــه]

ويييينكم .. شكلي بنوض نررقد ....

[ღॐ آية ღॐ]

السلام عليكم كيفكم يا سموحات يا منورات يا سهرنات
الف مبروك علينا شدو المجرم عبد الشيطان البسبوسي الله ينتقم منه اللهم امين
ام وسونه ربي يتبتلك الحمل يارب ومتفائله ربي يسخرلك الحمل في القريب العاجل
اللهم امين ام قصي كيف احوالك وشن مدايرة
عيون الحمد لله على السلامه
ومشاء الله على العسوله سرورة تبارك الرحمن عليها ربي يحفضها ويحميها
نبو صورة حمودي ^_* والمهاري شن اخباره توة انامشيتله قبل رمضان حاله يبكي والله
توة شن اوضاعه ؟؟؟فيه بضاعه ولا منفض وشن اخبار قسم الملابس النسائيه متع الحوش * ^ كانو يجيبو في حاجات خطيرة ونحب نشري منه حاجاته راقيه"
وبنسبه لي عزومة صاحباتك متفائله كفت ووفت "
ليبيا قلبي مبروك على صاحبتك وعقبال كل وحده مخطوبه
يقين ربي يحفضكم ويهني مصر قولو امين "

[ღॐ آية ღॐ]

بنسئلكم بنات على سوق المهاري شن اخبار الدور متع الماعين
فتح ولا قعد مسكر ....عنده حاجات للكوجينه حلوة هلبا ؟؟؟؟؟

[المتفاااائلــــه]

المشاركة الأصلية كتبت بواسطة ღॐ آية ღॐ

السلام عليكم كيفكم يا سموحات يا منورات يا سهرنات
الف مبروك علينا شدو المجرم عبد الشيطان البسبوسي الله ينتقم منه اللهم امين
ام وسونه ربي يتبتلك الحمل يارب ومتفائله ربي يسخرلك الحمل في القريب العاجل
اللهم امين ام قصي كيف احوالك وشن مدايرة
عيون الحمد لله على السلامه
ومشاء الله على العسوله سرورة تبارك الرحمن عليها ربي يحفضها ويحميها
نبو صورة حمودي ^_* والمهاري شن اخباره توة انامشيتله قبل رمضان حاله يبكي والله
توة شن اوضاعه ؟؟؟فيه بضاعه ولا منفض وشن اخبار قسم الملابس النسائيه متع الحوش * ^ كانو يجيبو في حاجات خطيرة ونحب نشري منه حاجاته راقيه"
وبنسبه لي عزومة صاحباتك متفائله كفت ووفت "
ليبيا قلبي مبروك على صاحبتك وعقبال كل وحده مخطوبه
يقين ربي يحفضكم ويهني مصر قولو امين "

أيووته حبيبتي أهلا وسهلا باهي جيتي نستنا فيك... كيف حالك اليوم ... ؟ قلتلك كلمت اليوم مصحة الفردوس وقالولي ان الدكتور ماعادش يخدم معاهم .. ماعندكمش رقم الدكتور نفسه ..