دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

اهلين ام روفيدة الف لاباس عليك طهور ان شاءالله انا زيرو خبره في الرضاعه وسورينام كفت ووفت

ام معاد المصفف زي هذا و100%
مجفف شعر - استشوار

[ام روفيدة]

المشاركة الأصلية كتبت بواسطة سورينام

حبيبتي أ م روفيدة .. ألف لا باس عليك يا غالية اني من تجربتي صارتلي مرة وتحجر الحليب في صدري لما فطمت فراس ونفس الشي الدكتوره ما عندهاش حل .. قعدت ماشية عالميه السخونه وحاجة تانية قالتلي عليها عزوزتي .. ماتضحكوش راهو بجد قاتلي خوذي المشط (الخلاص متاع الشعر) وخلصي بيه الثدي وكانك تخلصي في شعرك بالذات كان الحليب مداير كتل صغيره والله نفعت معاي الطريقة هاذي ومع الكمادات والشفاطة وانعدام الرضاعة قعد الحليب كل يوم ينقص والحمد لله وان شاءالله انكون أفدتك وطهور ان شاءالله يا غزيله

أختي سورينام الله ايبارك فيك يا غالية ويجعل إجابتك في ميزان حسناتك وبالنسبة لطريقة المشط حتى أني قالت لي عليها دكتورة حزومي أول ما جبته الحليب دار لي نفس الشيء تحجر وتعبني فقالت لي خودي المشط ومشطي بيه صدرك ايساعد في تطليع الحليب من الصدر سبحان الله ما شاء الله تبارك الله عليها عزوزتك دكتورة من غير قراية هههههههه ربي يحفظها .

[ام روفيدة]

المشاركة الأصلية كتبت بواسطة عيون زوجي

اهلين ام روفيدة الف لاباس عليك طهور ان شاءالله انا زيرو خبره في الرضاعه وسورينام كفت ووفت

ام معاد المصفف زي هذا و100%
مجفف شعر - استشوار

عيون يا غالية بارك الله فيك حتى ردك هدا كويس الله يجزاك كل خير أهم شيء عبرتيني ورديتي عليا يا غالية كيف حالك وحال السنافر سامحيني من كثر ما تاعبة خشيت كتبت طول نسئل على الحل لمشكلتي ونسيت نسئل على الغوالي

[سورينام]

أوووووووووووووووو ...يا مرحبا بخفاشة الليل أم نوزة .. إزيك يا عسل .. كيف حال العويله ؟؟

[عيون زوجي]

ام روفيده ما كنتش نحسابك قعده اترضعي في العزري لتوا ان شاءالله بالصحه اعليه الفطام يارب

[عيون زوجي]

من حقك تسئلي وتستفيدي وانتي ديمه اتفيدي فينا بارك الله فيك
ساره اليوم طيحوها صغار عمتها من فوق المنادير خشمها ايصب في الدم من داخل وامخبش كله من برا

[ام روفيدة]

المشاركة الأصلية كتبت بواسطة عيون زوجي

ام روفيده ما كنتش نحسابك قعده اترضعي في العزري لتوا ان شاءالله بالصحه اعليه الفطام يارب

ههههههههههههههههه قاعد يرضع إلى توا كيف فطمته ليه يومين ورضعته سنة و8 شهور ما شاء الله تبارك الله كنت نبي انسكر العامين لكن حملت ما عاش فيها كيف

[ام معاد]

لاباس عليها سارة اني مانحبش الصغار لما يتلاقوا مايديروش خيرفي بعضهم

[ام روفيدة]

المشاركة الأصلية كتبت بواسطة عيون زوجي

من حقك تسئلي وتستفيدي وانتي ديمه اتفيدي فينا بارك الله فيك
ساره اليوم طيحوها صغار عمتها من فوق المنادير خشمها ايصب في الدم من داخل وامخبش كله من برا

لا حول ولا قوة إلا بالله ألف الحمد لله على سلامتها وطهورا إن شاء الله وردي بالك عليها إنحس فيها هادية وعلى حالها صح ؟

[عيون زوجي]

ربي يحفظه حسيته مش معتمد عالرضاعه هلبه لانه ديمه يطلع مع بوه بسلامته ومش لاصق ونابت فيك زي صغار اختي