دردشة حوامل اهل فلسطين الغاليات ^_^

[عسولة فلسطين]

مساؤكم معطر ان شاء الله
كيفك سما
ان شاء الله ربنا يتمملك ع خيردمعة انتي وكل البنات ياكريم
بشرب كاكاو سخن تفضلوا دفوا قلوبكم

[احساس أنثى]

صحتين وهنا على قلبك ياعسوووووووووولة

وصباح الفل على الناس الكلسلانة يلي لسى مش صاحية ههههههه

[حواء مثالية]

صباحكم خير وسعادة يارب
كيفكم شو اخباركم

دايما مشتاقلكم يا بنات

مبارح رحت على الدكتور الحمدلله كلشي تمام البيبي وانا بخير نشكر الله

حماتي مبارح زهقت الدكتور يا بنات بديش اخدها معي بعد المره

بتعرفوا الحامل بتاخد وزن وضغط قبل الفحص الممرضة وزنتني وحضرت جناب حماتي قالتلها بدي اتوزن بعدها على جهاز الضغط نفس الشي الممرضة تتطلع فيا وتضحك هلا المفاجئة عند الدكتور ههههههههههههه لا ما كانت بدها تنفحص حرام ههههههههههههههه

اول زيارة الي انا عنده بس بعرفني كنت اروح مع خواتي هلا بسالني اخر دورة الا هي تجاوب بتاريخ غلط ضحك الدكتور بقلي كيف اكلك بتقله ممتاز الا الدكتور بقلها هاد اول حمل الك متت انا والدكتور من الضحك قلها طولي بالك خليني اعرف احكي مع المخلوقة سكتت هلا اجا وقت الفحص الا هي بصوت عالي بتقول يالله بدي اشوف ابن ابني قلها الدكتور بعده صغير يادوب يعني بنااااااااااااات هي مخلفة سته سالته عن جهاز السونار شو هاد وعن الدواء الي كتبلي اياه ا(فولك اسد) ذا بنفع تاخده هي هههههههههههههههههههههه انسو من الاخر الله يعينها يارب

بس اهم شي الحمدلله انه البيبي بجنن وصحته تمام الله يحميلي اياه يارب

شو عملتوا مبارح او شو راح تعملوا اليوم المهم هاتو شي نحكي في

دمعة كيفك شو اخبارك

جارة وين غاطة ما بتبيني

سما وعسولة وكل الصبايا مشتاقلكم

[احساس أنثى]

هههههههههههههههه


ضحكتيني على حماتك ياحواااااء

الحمد لله ربي يتمملك لى خير يارب

انا كتبتلي الفولك اسد مرة باليوم صح ؟؟

وكتبتلي مثبت حمل اسمه duphaston

حواء انتي سرتي بالشهر التاني ؟؟؟؟؟؟

تفضلي معي على الفطور لبنة وكاسة حليييييييب ^_^

[حواء مثالية]

هلا ياقلبي انا بس اعطاني الفولك اسد مره باليوم بعد الفطور

اي احبيبتي انا هلا بنهاية الثاني بالاسبوع السابع شوفي الايام بسرعة سبحان الله ان شاء الله تكون الايام الجاية سهلة وربنا يسهلها

بعدين لي لهلا مو مفطرة انا من السبعة بفطر بتعرفي لازم تعودي معدتك على شي منتظم عشان وحامك بجي اخف مبارح الدكتور كثير انبسط مني حكيتله عن نظام اكلي والامور الي بعملها حكالي ما رح اتغلب معك ان شاء الله كلشي يكون تمام

بس يالله بفطر معاكي كمان مره انا هلا مخففة ليمون بمي وبشرب كل شوي بوء عشان اعرف اشتغل ولا كان حياتي صعبة ههههههههههه
الحمدلله الي في حل

يارب يتمملنا على خير يارب

[احساس أنثى]

والله انك شاطرة ياحواااااااااء

أان اصلا مابيجي عبالي الاكل بس افطرت عشان اخد الدوااااااا

يلا منكم نستفيد ... ماشاء الله عليكي ربي يتمملك على خير

انا لسى ماكملت الشهر هههههههه

[احساس أنثى]

بس والله روحي طالعة ومتدايقة

الفلوزة دبحتني وهلأ مابقدر اخد اي ادوية

وحماتي تقلي لاتشربي ساخن بهاذي الفترة اشربي دافي

وطول مبارح مانمت ساعة على بعضها مخنوقة من الزكام

وحاسة ببرد مش طبيعي اطراف اصابعي لونها ازرق ههههههه

[جارة القمر]

يسعدلي صباحكم يااااااااااااارب يا حوامل
وربي يرزق عسولتنا الحمل القريب


دمعة ..........حبيبتي لوحام بعد الشهر ونص وحسب الجسم مو شرط تتوحم الحامل

والصبغة ريحتها ما بتاثر بالشهر الاول سبحان الله يقال انه الجنين ما بيتغذى من امه اول شهر الله اعلم
ما حد خبص قدي لاني ما كنت اعرف اني حامل ..........
اما المثبت اللي كتبتلك يا كتير خوامل بستخدمو



حواء ......هههههههههههههههههه قاعده بالمكتب وبضحك باعلى صوتي

على حماتك والله كانك بتحكي عن حماتي ههههههههههه

صيادية السمك رووووووعه .............

والله اني متمنيه طفل سليم معافى .اكيد وكمان
حابة تكون بنت بنسبة 99% لانه ابني بضل يحكي انه اختي اسمها دانا
والكل حاب الاسم ...........
لكن وحامي على الحااااااااااااااااامض وانتو بتقولوا انه للولد
بحب اطبخ الطبخات اللي بعصر عليهم حامض اليوم خليت امي تتطبخلي ملفوف
لانه ما عندي وقت اعمله


سما ........انا اولدت بالهلال ابني الاول .........ههههههههههههه وخالي المدير الاداري فيها
واخدت غرفه برايفت الخدمة روووووووووعة لكن المره هاي بدي اولد ب تشعار صدك ان شالله



دمعة هلا انتبهت مبررروك الاشراف يابنت

[احساس أنثى]

منورة ياجارة القمر وين هالغيبة ربي يطمنك يارب

على الاخبار الحلوة انه الصبغة ماتأثر

والي من ربنا كويس المهم يجي بصحة جيدة ان شاء الله

والله يبارك فيكي عقبالك الاشراف هههه

[حواء مثالية]

شوفي دمعة انا بحاول اعمل كلشي مطلوب مني باي شي فتخيلي لما الاشي يخص شي منك بكون الاشي مضاعف انتبوا للصوبات وللسخونة كثير مو منيحه مع اني بحب الدفا كثير بس بضل محافظة على مسافة منيحه بيني وبينها صاحبة الي هلا بالسادس عندها حرام كهرباء كاينة تشغله وتنام ساعتين وبعدين تطفي السخونة الزايدة بتعمل ولادة مبكرة نازل عليها دم ومعها توسعات 2 سم تخيلوا وهي بالسادس انجنيت عليها

وصدقوا تعب الوحدة مش قليل والحمل معاناة الحمدلله على كل حال لهيك لازم ننتبه ما حد بنفعنا ولا حد باخد وجع عننا مزبوط وانا ما بجي على بالي الاكل يا دمعة بس بغصب حالي اشتري بسكوت مملح واكلي الصبح مع كاسة حليب طول النهار معدتك بتحسيها اريح واخف وكل ما حسيتي بلوعة اعملي عصير برتقال او ليمون وان شاء الله كل وحدة بتلاقي طريقة تخفف من معاناتها تحكي هون عشان الكل يستفيد ... انا الحمدلله بالاسبوع السابع حكالي الدكتور ما توقعت الاقي الوضع هيك عشان وجهي كان تعبان قلتله جايتك من الشغل عشان هيك كلشي ممتاز وخصوصا بوضع الحامل الوقاية خير من قنطار علاج الله ما يحيجنا لاي نوع علاج يارب


جارة منورة يا بعد عمري كيفك شو اخبارك انتي الاقدم هلا اخر موعد لولادتك متى ودمعة كمان متى حكتلك الدكتورة انا اخر شهر 7 حكالي الزيارة الجاي بالضبط بحددلك اليوم ان شاء الله على الارجح 21/7 ل 26/7