تجمع اللي بيولدوا في شهر ربيع الثاني 1434

[وفقني يارب]

يابنات احس بمغص ببطني الله يكرمكم مع اهال كنه مويه افه يابنات على الرف الي اكتبه لكم بس ابي اوصف لكم يمكن تعطوني حل الممغص احسه الم مع شد عضلي ببطني اول ماصحيت ماكنت اقدر اثني ظهري يعني زي الركوع ابد وسويت لي نسكافه حار وثقيل وتدفيت خف اشوي بس رجع مثل اول ورجع الاسهال وش اسوي يابنات بيروتي ستتر التجمع وينك

[ρυяỉтч •]

اكيد داخلك برد ميه بالميه ، شوفي اول شي دفي نفسك
طفي التكييف والبسي شي دافي ، ثاني شي سويلك شي ساخن يدفي جسمك
بقولك شي لما اولادي يجيهم اسهال اسوي قهوه عاديه بس بدون هيل واصباهم بالفنجال واعصر عليه ليمون ويوقفه ب اذن الله
سويلك ترمس قهوه بدون هيل واعصري ليمون بالفنجال واشربي بفترات
كثري من الموز والزبادي واي شي يمسك البطن ،
غير كذا لازم سوائل .. عوضي الناقص منك كله .. الاسهال خطر جدا جدا لا تتهاونين فيه ممكن يدخل عنايات يكفينا شره
فيه بالصيدليه املاح بكيس صغير تجي ، تحطين الكيس بعلبه المويه الكبيره 3 لتر وتشربينه ، طبعا مده العلبه 24 ساعه وتوقفينه
هذي فايدتها تعوض الاملاح اللي نزلت من جسمك وقت الاسهال
برضو شاي اسود بدون سكر صبيلك ف كوب بيوقف الاسهال طوالي
انا عن نفسي اذا جاني اسهال اول شي اسويه ادفي نفسي واشرب قهوه عاديه حتا لو بدون ليمون توقف سبحان الله
بس انتي انا متاكده انه برد داخلك وانتي مو دريانه بحالك

[وفقني يارب]

ابشلاي قلبي هدووي << قوليلي مل فور يو فديت من نطق اسمي ههههه بس والله وانا ارد على مشاركتكم احس الالم صار محتمل مع اني اول والله اني مقدر اتنفس من الالم بس احس اني برجع

[4يو]

ي حبييي لكم حبايب قلبي سواليفكم تشرح الصدر
الف سلامه وفقني وسوي زي ماقالت هدى

[ρυяỉтч •]

^ يازين من نطق اسمي ♡

[وفقني يارب]

يابنات ابي اسالكم التاشيره هي نفسها الفيزا؟ولا فيه فرق؟؟؟

[وفقني يارب]

ان شاء الله فور يو والله يمكن شوفه الاحبه مثل مايقولون دواء سبحان الله كيف كنت وكيف صررت الحين

وامي ناشبه فيني اروح المستشفى مدري شسوي

[ρυяỉтч •]

وفقني يا اني ضحكت ع الارنب الجائع وكودو ، تدرين كرهتهم من القريات .. ولا عاد اطلب منهم ابدا لو تقطعوني ..
وياويل احد يجيب سيرتهم لاني قرفتهم صراحه ..
شوفي يا حلوه انا يا كثر الكريمات اللي استخدمت خصوصا زبده الكاكاو بس والله احط والا ماحط هارشه هارشه مارتحت معه ابدا
وجربت زيت الزيتون بس يسمر مشكلته ، واشيا واجد
بس افالون ذا عجيب .. صراحه قمه روعه .. وللعلم حسيت بطني فتح ومافيه حكه ابدا
مجرد مابدا اهرش طيران احط يرطب بطنك ويبرده بعد ، ومفعوله يطول يعني ، وذي صورته

بالنسبه للخلطه استني ارجع البيت واعطيك اياها ، صراحه روعه شوي عليها ، ومايحتاج تحطيها وتجلسين
ابدا قبل الشاور حطي ع كل جسمك واتسبحي مباشره ،
تعالي الحين المسي جسمي نعومه والله ، البنات فتحتهم وصفت وجيهم والله طلعن يجننون
انا صفتلي الوجه ، وعندك الصدر كان فيه حب شباب شالته ماقول كله بس بدا يخف خصوصا توني بديت استخدمها ، بس انا استخدم بعد معها صابونه الببايا بس الصابوونه تنشف واحط كريم افالون ف الحمدلله مافي جفاف ابدا
*
بالنسبه للمويه ايام حملي بشهد الكبيره كنت عند اهل زوجي ف انا طبع اول ماصحا اشرب مويه عشان انا اصلا مريضه غدد
المهم عمتي كانت تقولي انتي تعرفين بنتك راح تجي صحتها ممتازه ووجهها مليان ؟ استغربت
فقالت عند البدو اول الحامل اللي اول ماتصحا تشربلكم مويه يجي ولدها وكذا
وفعلا جت بنتي قمرايا الله يحفظها مع اني كنت بزر وماخذتها عاده مو سنع
بالنسبه لحجم الطفل ، انتي قيصري ايش يضرك لو وصل جنينك ل 4 كيلو ؟ هو معروف الوزن الزايد خطر اوكي
بس ثلاث ونص او اربع ممتاز جدا ولا يعتبر وزن زايد .. والمولود خلال بدايه ولادته بينزل وزنه اول الايام
بس كل وحده تحاول ترضع ولدها اول ب اول لان فتره الاربعين اهم فتره ، لو طفلك طلع منها صغير انسي يكبر خلاص
راح تطفشين معه ومع شهيته
بس اذا وزنه حلو ب الاربعين وحافظتي ع وزنه ماراح مستقبلا تتعبين لان تكون شهيته ممتازه ويتقبل الرضاعه والاكل
وعلى قوله امي لا يعيل البزر بس
//
هدوووي < يالبببا من قال بس ♡♡♡ < لييين بيتك يختي
وبعدين بس انا عرفتن اسمي ورا ماتشرف ب اسمائكن < محد قالك تقولين خخخخخ
رفع ضغطي التحميل عشان انا من الفون يعل التسبد ، برفع صوره الكريم بس ارجع

[ρυяỉтч •]

ايه نفسها تإشيره الشغاله هي الفيزا ب الفين ريال
وفقني اذا لسا فيه اسهال روحي ، اذا وقف او خف او بدا يتماسك خلاص امورك طيبه ليش تروحين

[8α£ß 6ƒǿǾǿ£ΐ]

مسسسسااااء النوووووووووور والسرووووور
وفقني الف سلاااااااامه عليك اكلي زززبادي واشربي سفن وكمان عصير تفاااح ينفع للاسهال

ايه دا الحين عرفت اسم وفقني
وبيورتي ونااااااسسه
طيب دام الدعووه تسسذا
أنا اسمممي سـاره

قطعة سكر سيم سيم بس دهني عمررك بذا الزبده ماينفع غيره انا احب زبدة بودي شوووب ي لبييه
بيورتي الله وش ذا الخلطه الزينه ياا بجهز ورقتي وقلمي لارجعتي
والله اني خايفه يطلع ف بطني تششققات يممممممممما