تجمع حوامل ليبيا

عيون زوجي · 07-03-2010, 11:26 AM

ميرنا .......غدوة خشي النت نبوا منك حاجتين
اطمنينا شن قالت الدكتورة
اوصفينا ام اسيل كيف شكلها حلوة ولا مش حلوة

حبل الوصل · 07-03-2010, 12:24 PM

اقتباس:

المشاركة الأصلية كتبت بواسطة ميرنا

حبل الوصل وينك لك وحاشة وين معش اتخشى تعالى نحكيلك اليوم ما شية الى بنغازى فى العشية علشن موعدى بكره مع الدكتورة التى حجزتلى عندها ام اسيل وان شالله بكره انتلقو انا وام اسيل ,تعرفى ياحبل الوصل انا فرحانة موش على شان ماشية لدكتورة فرحانة علشن انشوف ام اسيل ,ادعيلى ياحبل الوصل ان شالله ربى يجبر خاطرى انحصل حتى ابنية اترد بالها على لما نكبر

أنا موجودة كل يوم نخش نشوف فيكم ونطلع ماعنديش نت نخش من التليفون تعرفي ياأختى ميرنا والله لما قريت ردك قعدت نبكى وندعيلك ان ربي يجبر خاطرك ويعطيك كل ماتتمنى يارب ماتردى الاوانتى حامل ياااااااااااااااارب
سلمي على أم أسيل والله استاحشتها ياريتنى معاكم خاطرى نتلاقى انى وياكم

حبل الوصل · 07-03-2010, 12:28 PM

عيون الحمد لله ان تحاليلك طلعت كويسة وربي يسهل ولادتك وتردى لاهلك بالسلامة
وكل عام انتى بالف خير وكل عام وانتى نوارة بيتك ومونسة عويلتك يارب

حبل الوصل · 07-03-2010, 12:30 PM

لولى ماقلتيش شن سميتيها العروسة

ميرنا · 07-03-2010, 12:34 PM

نجك لى ياحبل الوصل ان شالله اتلقو فى بيت الله وربى جابرخواطرنا كلنه عزيزتى حبل الوصل انتى وين تسكنى فى سبها راجالى عنده اصدقاء واجد فى سبها وديمه يجونا ومنهم عيت بوشعيفة و عيت البوسيفى

حبل الوصل · 07-03-2010, 12:50 PM

إن شاءالله يااارب
انى مش من سبها بروحها منطقة جنبها لكن عرب الشرق والغرب يشملو فينا مع سبها انى من الشاطى تبعد عن سبها 1ساعة ونص مانعرفش بالكيلو قديش بس نعتبرو من سبها تعرفي الفواخر انتى

الهندية · 07-03-2010, 01:48 PM

ميرنا ربى يعقد عسلك وتتلاقى مع أم اسيل وام اسيل ربى ينوضك بالسلامة
لولى 1000 مبارك
عيون زوجى كل سنة وانتى طيبة
انا والله غاطسة مع اهل زوجى وتعبانة من كثرة الاحتكاك بيهم يدورلى فى غلطة عشان يسمعونى كلام لكن انا بديت انرد ومعاش نسكت تعبت من السكـــــــــــات ....
ليا عودة فى اقرب فرصة ونسمعوا الاخبار الكويسة

عيون زوجي · 07-03-2010, 03:10 PM

السلام عليكم
الجو عندنا في المانيا نو نو نو لين اخلاص كان نلقوا نطلعوا من جلودنا
ما تقولوا اعليهم بلاد الثلج والصقع
حبل الوصل حتى سلفتي اصلها من الشاطي بس عايشين في طرابلس من جدهم الاول ولكن بيض هلبه مش زي اهل سبها بكل
يا هلا بيك وباهل الشاطي انتي منورتهم
ومشكورة عالتهنئه الحلوة
هنديه وانتي بالف خير وخليك قويه وواتقه بنفسك

لولى2010 · 07-03-2010, 07:01 PM

خيرات بنيتى ربي يخليها ليا سميتها لينه بوها عاجبه الاسم والعقبالكم

ام روفيدة · 07-03-2010, 08:15 PM

اقتباس:

المشاركة الأصلية كتبت بواسطة لولى2010

خيرات بنيتى ربي يخليها ليا سميتها لينه بوها عاجبه الاسم والعقبالكم

السلام عليكم أختي لولي كيف حالك وكيف حال بنتك إن شاء الله بصحة وعافية والله حلو إسمها عجبني هلبة ربي يخليها ويحفضها لكم وتكون من الدرية الصالحة اللهم امين