تجمع الحوامل اللي ولادتهم في صفر 1434هِ

[مهرة]

اليوم رحت السوق اخذت ملابس حمل ههههه بشوف في النت ولو حصلت نفسها راح انزلها وتشوفها وتعطوني رائكم

[اروي يقيني]

زين والله

انا بروح بس لين صارت كرشه كبيره برووح ان شاءلله

احلى شي ملابس الحمل حق الطلعه مريحين

[@ام عبدالله]

حلوين الغراض
وعليكي بالعافيه بس تصدقين هليومين قلت شهيتي وصرت ماكل واجد ولا في شي نفسي فيه
لاتشترين اغراض بنوته الحين اشتري اشياء تصلح للبنت وللولد لين تدخلين السادس وتسوين سونار وتتاكدي انها بنت عشان تالي ماتتورطين ان اذا سويت سونار مارح اشتري اغراض
لجنس معين لين اسوي ثاني سونار واتأكد

[اروي يقيني]

هلا ام عبودي

حبيبتي لا ماراح اشتري الحين اذا بشتري نهاية الثامن

تعقدت من اللي صار

اي الافضل يكون الاغراض محايده للولد والبنت
ربي يقومان بالسلامه

بس ليش ماتاكلي مؤ زين
المفروض من هالشهر الوزن لازم يزيد

انا عكسج صايره دائماً احس بالجوع

غصبي روحج وكلي عشان البيبي

[مهرة]

اروي ماشاءالله اغراضك حلوه رربي يعوضك ان شاءالله لو محلك اتصدق فيها ومولدي الجديد اشتري جديد الله يعين

[اروي يقيني]

مهره وديتهم عطيتهم بنت خالتي قلت لها اخذيهم كلهم مارضيت

خذت بس الحليب والحفاظات والماء مرقدوش اطفال وهالسوالف

والباقي حلفت تقول مأخذهم تقول لي خليهم عندج بتحملين ان شاءلله وبس خليتهم

والله لو في احد يبيهم جان عطيتهم

صديقتي بعد مارضت تاخذ الا جم قطعه

يالله الحمدلله على كل حال

الحين عندي فراشات والحافات بعد بس كلهم ولادي

[ياهم ربي كبير]

اروي، ما شاء الله الاغراض مررة حلوييين ، نفسي يمر الوقت بسرعة عشان ابدا اشتري كمان ههههههه


مهرة ، انا عادة البس تنانير طويلة بس الحين بطلت اخذ تنانير ومن هالكلام لان البطن صارت ماتطيق يكون ماسكها شيء هههههههه

فبدأت أخذ فساتين ماكسي دريس للطلعة مثل هذول مريحة وماتزعج البطن
والبس تحته بادي استرتش ابو اكمام، واخذ قياس اكبر من قياسي عشان ارتاح اكثر هههههههه

[ياهم ربي كبير]

الجنين قاعد يرفس يا اخواتي ههههههههه
شعووور جميل ، خاصة اني بكرية هههههههههههه

[اروي يقيني]

هلا زنوب

ههههههههههههههههه عليج بالعافيه بالترفس

انا بعد احب هالفساتين بحمل او بدون حمل دائماً اشتري منهم لان للطلعه افضل

والله زين اليوم سهرانين البنات


ياليت كل يوم والله عشان يضيع الوقت

[ياهم ربي كبير]

هههههههههههههههههه
لا انا قبل كنت البس تنانير او بناطيل جينز مع قمصان طويل
بس الحين غيرت استايلي خخخخخخخخ
يارب عقبالكم الترفيس من جد شعور جميل .. سوا 4 ترفيسات ورا بعض كأنه يسوي تمارين خخخخخخخخ
الله يحفظهم لنا يارب
فعلا اليوم في نشاط ، بس في بنات غايبات ما يبينو هالأيام
يارب يكونو كويسين ..