ديوانية البحرين - دردشة حوامل البحرين - البحرينيات

[فلونة]

ما توقعتج اهني طفلو طلعتي من الفانووس ،، انا الله يسلمج ان قلت حق ريلي مابي انزل بيقول لي معليه وبيقعد ياكل واهو عافس ويهه وانتي تعرفين كل شي ولا اهلهم بس انا صج تعبت اليوم،، وبيت حماي بيرجعون من العمرة ورحت ويا خالتي ننظف شقتهم وزاد الطين بلة مكنستهم مكسورة ولازم اشيلها ما تنسحب ،،
يالبشة انا خلاص انا من باجر ما بانزل معاهم علا الغدى الجارج خلص واخاف ظهري يتعور لين ياني الطلق ،، باروح اصلي سنفوررة
ويا الباردة روحي بدلي الشفاطة قبل لا اطوف الايام وتصير الديرة عفيسة زود ما تقدرين تطلعين وتسندرينا تالي
بررب نمااز

[طفلي حياتي]

هههههههههه انتظر استشاراتش ياحبيبتي رحت الظهر ورجعت الشفاطه واخذت اغراض مال بيجون ياعلي قعدت اتشممهم وتخيلت راس نصرتي خنينه عدل احلى من ريحة بيبي جونسون بوايد.. اخذت مخده لنصرتي واخذت غطا مرضعه و3 شباحات بيضان عاديين ومناديل مال البيبي ابغي اخذ مقراض وهالسوالف ماشفت شي يدخل مخي مقراض وشكبره وفيه مكبره حسى بقلع صبعة نصره على هالحاله ابغي اخذ استشارة البنات اول..ولا شفت قطعة الخلق اللي يخلونها فوق المفرش مادري وش تقصدين في مهادات اللي يلفون بهم البيبي ماخذت منهم معنه خاطري فيهم لوزين خذت واحد ع الاقل

[فلونة]

اشلون تروحين ولا تاخذين اذن مني ها يا ام السنافر،، انا عجبوني الغطا مال المرضعة الي عليهم اشكال دبدوب وايد حلوين بس ماخذيت لانه ما خذيت الا مرضعة صغنونة حق المااي والقطع يمكن مو موجودة في كل الفرووع،، انزين حصلتي مجموعة بيجوون كامل انا بعد تميت افتحهم واشمهم ريحة الشور جل وايد حلوة،، انا خذيت طقم مقراض صغير وياه مقص ومبرد بدينار وشي ليش تستشيرين بعد ،،
وصج ماقلت لج عن طبختي صارت عجيبة ريلي استانس عليها ،، يلا طفلو قومي حركي دمج اختاري مواعين الغدى او اطوين الثياب او تكنسين شنو تبين :p

[طفلي حياتي]

اختار طراق على خنافرش
اني اخذت المجموعه اللي كل شي صغير بس ريحتهم روعه سيده تخيلت راس فرحتي حلووه باكل منها قطعه
وهالقطع سألت عنهم مافي والمقراض اللي تقولين به ماشفت الا مقراض بروحه بدينار وشوي حسيتها مصاخه سعره اذا شفت فمكان ثاني باخذ

[طفلي حياتي]

غطا المرضعه خذيت وردي وعليه دب .. على قولة بنوته كلما تشترين غرض تشتاقين اكثر لشوفة البيبي ..ياربي قومني بالسلامه ويى كل الحوامل واشوف جنيني سليم
فلونه ينتابني شعور ان احتمال مو بنت اللي فيني مادري ليش ومشترياتي معضمها بناتي بس فيها بعد محايد اشياء وايد

[شمس الصباح]

فلونة وطف طف اني ختمت القراءن على ملاك

اقول فلونة انتين تخافين من كل شي من الدواء والأسعاف وهذا وانتين ممرضة تخافين احنا ويش نقووووووووول

اليوم احلام ام ما ليها حس ولا ام خليل

[طفلي حياتي]

ودو قناة البحرين مخلين ميدان التحرير مالنا خخخخخخ
اي والله على ماقلتين مادري ويش صاير لا احلام ولا ام خليل عسى يارب المانع خير
تصدقين شموس كله افكر اقول فلونه تخاف من شكل البندول وتخاف من قوطية الدوا شلون بتشتغل ممرضه شكلها بتخرم العالم وهي مغمضه راحت الاوادم

[فلونة]

طفلوو مامنج فايدة امسوية روحج شاطرة وتشتغلين ما جفنا شي من هالشطارة شكلج اخيب من قملة بس تقصين علينا روحي مناك،، وانا المقراض خذيته من مذركير في حتى بثمان ربيات لا تاخذين اي شي حق بنتج خصوصا ادوات النزافة يا نزيفة انتي
خذيتي الشنطة الصغيرة ماتيزي شي يا الرزيلة جان خذيتي لج الكبار،، وبعدين اذا شاكة بسونار المركز روحي سوي لج في الأمل بعشرة دينار بس علشان تتأكدين من جنس البيبي ويعطونج صورة بعد

شمووس ،، ادعي لي سيدة اولد هاليومين تمللت ابي اجوف هالمنخش في دبتي،، وانا بطبيعتي خوافة وانتو يمكن قلوبكم اقوى مني لانه كل ما درسنا وعرفنا البلاوي زاد خوفنا

انا باخليكم باقوم اجوف شغلي جان افتك وسنفوورة عليج بالعافية الاغراض الي خذتيها

[شمس الصباح]

اي والله طف طف اني لازم اتعرف عليها علشان اذا رحت المستشفى وهي تشتغل هناك بقوووووووول ما ابغي فلونة خخخخخخخخخخخخخ

سكتي قناة البحرين تبط الجبد بس توفر الينا صور حيه

[فلونة]

انا من رجع ريلي واهو مستلم التلفزيون من قناة العالم الى الحرة والبحرين وانا راسي عورني من الاخبار خذ بريك صلى بس واحين الريموت في يده يفرفر،، وبعدين يا حظ المرضى الي يصيرون تحت يدي يستانسون لانه احاسب في كل شي ياعيوني عبالج نفسج خذوه فغلووه

انا شكلي ماباقوم كله اخاف اييني الطلق والشقة حالتها تفشل ،، يلا برررب شابات