دردشة بنات فلسطين, دردشة حوامل فلسطين, تجمع بنات فلسطين

احساس أنثى · 05-18-2012, 10:21 PM

كيفكم صبايا

حواء اسألي دكتورتك عن الانتفاخ اول ماتصحي من النوم وعن الترجيع ...!!

جارة حرام لاتبقي جوعانه في شخص بصوصو جوع معاكي حرام ^_^ كلي بس على فترات عشان الاستفراغ

عاملة فيها دكتورة وبعطي نصائح ههههههههههههههه

يعني حتولدي معي لما يخلص رمضان بس اذا مابتكملي التاسع حتولدي مع حواء

حواء مثالية · 05-19-2012, 08:32 AM

صباحكم عسل يا بنات كبفكم ان شاء الله تمام

ولكو سما ولدت واختفت بالكم يصير معنا هيك بكرا ههههههههههههه شكله البوبو مغلبها

شكلها لولو حمادة سافرت كمان زمان ما طلت

جارة القمر · 05-19-2012, 10:20 AM

صباح الخير

احساس لا انا بولد قبل رمضان
يعني 29-6-2012 موعد ولادتي

حواء فعلا اشتقنى لست سما ................ ولولو ............ مشغولين باولادهم ............

بنات بليز ساعدوني باسماء اولاد غريبه والله احترنا .............

لولو حمادة · 05-19-2012, 11:57 AM

مرحبا كيفكم صبايا

ربنا يتمم حملكم وولادتكم على خير

كيفك حواء انا لسا ما سافرت
زوجي بدو ييجي وياخدني في نص شهر ستة

لولو حمادة · 05-19-2012, 12:06 PM

كيفك جارة اسم ايهم حلو وكمان يامن و كمان يعلى و اسر و رواد
فعلا مشغولين باولادنا
انا شوي وحطق جننوني عشان وراء بعض وابنى الكبير مش متكيف مع جو غزة كل يوم مريض غلبوني كثير

بنت الضفتين · 05-19-2012, 12:08 PM

كيفك لولو
ماحكتيلنا قصة ولادتك كيف كانت؟

حواء مثالية · 05-19-2012, 12:32 PM

هلا لولو الله يكون بعونك يا رب والحمدلله انك بخير

بدي اروح اعمل فطور ملوكي لبنتي مبارح ما نمت بالليل وهلا لصحيت بتكون صوصت من الجوووووووووووووع برجعلكم

لولو حمادة · 05-19-2012, 01:13 PM

انا ولادتي الاولى صعبة كثير بس الحمد لله الثانية سهلة كثير ان شاء الله تكون ولاداتكم سهلة مثلي
قصة ولادتي انا اول مابعرف موعد الولادة متى لاني احملت بعد اجهاض خمس شهور من الحمل
حددولي موعد ولادة حسب السونار
المهم اتاخرت عن الموعد يومين ورحت على االدكتورة وفحصتني داخلي وقالتلي موسعة من 3 الى 4 سم كانت بدها تعمل تحريض بس مارضيت ماكنت مستعدة وطلبت مني اعمل تخطيط للجنين في العيادة قريبة من عيادتها فرحت مشي ورجعت لعندها مشي وطول الطريق احس ثقل لاسفل وبوقف عن المشي من الضغط
شافت التخطيط وحكت كل شي ممتاز وبترجعي كمان 3 ايام ادا ماولدتي حتي اعملك تحريض للولادة وروحت البيت نص الطريق مشي
بعد ساعة حكيت مع زوجي على النت وانا بحكي معو صار مغص قوي كل عشر دقائق كانت الساعة 7 وربع مساء حكيتلو حولد الحين لان الطلق اجا حامي كثير
جهزت حالي واغراض البيبي واخدت دش ورحت المستشفى وبطريق وقفت السيارة خلص البنزين ومافي سيارات بسبب ازمة الوقود وقعدو يعبو بنزين والمهم بالعافية اوصلت المشفى
دخلوني غرفة الفحص حكولي موسعة 9 ولادة دخلوني غرفة الولادة بسرعة و ممرضات وحدة بتركب محلول وحدة بطحت بالابرة وحدة بتولد فية خزقو ايدي مش عرفين يركبو علشان بضغط عشان اولد وولدت وجبت محمد ربنا سهل الولادة مع اني تعدبت في الحمل كنت انزف وفي غربة لوحدي
على طول يعني ماشاء الله كلها ساعتين
بس بعد الولادة صار معي نزيف وحرارة كل اللي ولدن معي روحن انا خلوني في كشك الولادة وكل شوي يعصروني وينضفوا الرحم موتوني قعدت بعد الولادة اسبوعين بطني بتتمزع ومابقدر اتحرك من كتر ماعصروني وهاي قصتي

عسولة فلسطين · 05-19-2012, 01:38 PM

يسعد مساكم ربي
كيفكم
يللا صحة وهنا يا حواء حرام عليكي برلنت
ههههههه شكله انا رجعلي الوحام من جديد الله يكون بعوني
اهليييييييييييييين لولو والله الك وحشة انتي وسما عنجد
ان شاء الله بتربوا بعزكم وبترجعي بيتك بالسلامة يارب
باي مستشفى ولدتي؟

بينك روز · 05-19-2012, 02:26 PM

الحمد لله على سلامتك لولو
اكيد ولدتي بمستشفى الشفا
الله يكون بعونا والله انا مو حابه اولد هناك
خايفه بجد
وكل يوم عن يوم بحس موعد الولاده بقرب مع اني لسه بالشهر السابع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM