【ツ】أحلى تجمع لأحلى حوامل التوائم 【ツ】 ‏الجزء الثالث

[غربة مشاعر2011]

صباح الورد للكروشات

مبروك سديم ورنين وضوئ السحر يتربون بعزكم يارب

ريماااس يبالنا سمكره يوم كامل حد يخربط فينا بس اهم شي نشوف البيبيز بخير ان شاء الله

[غربة مشاعر2011]

اماني خخخخخ ضحكتيني صدقج بتكفرج وبتعبرج مرتده الله يعين والله ناس مرض

الله يفرحنا فيج ولازم تبعثين لي رقمج ان شاء الله اطمن عليج شخصيا بالتليفون من تربين بسلامه وريماس واسماء وكل البنات يشرفني اتصل فيكم وحده وحده اطمن ابعثولي اراقام جولاتكم لاهنتو

[بنت مصريه]

السلام عليكم ورحمه الله وبركاته
كيفكم جميع البنات ....يارب تكونوا في اتم صحه وعافيه ....
مبررررررررررررررررررررررررك اختي سديم ورنين ,واختي ضوء السحر
ربي يتم نفاسكم علي خير .....والفال لنا ان شاء الله نتم التاسع ونولد بالسلامه الذريه السليمه المعافاه....
اماني ال ظاهر ....ربي يقويقي اختي ويحفظك انت واجنتك...ما شاء الله انت تقرأين سوره البقره يوميا ربي يعينك....انا بفضل الله اقرأها مره في الاسبوع لان عندي ورد قران اقرأه يوميا.....ربي يتقبل مني ومنك ومن الجميع صالح الاعمال....

[الخمائل]

اهلين صديقاتي الكروشات
الحمدلله خفت عندي نفسية الوحام ..بس باقي استفراغ الصبح وبطني فاضي اهم شي مارجع اكل
امس واليوم معي احتقان بالحلق وجالسه ع مغلي الليمون بالنعناع ريحني شوي بس ماعلي سخونه ولا رشح
انا علمت امي واختي وابوي بس وبقية اخواني شباب متزوجين ماخبرتهم علشان حريمهم والله كل وحده من عايله ونقل اخباى ومحد متحمل التعب معي بس بيحطوني تحت المجهر
للحين ماطلعت من بيتي ولا قابلت احد ..اهل زوجي بس عندي بجده واهلي بالرياض
وعلاقتي رسميه مع اهل زوجي تجنبا للمشاكل ..لان حريم عيالهم دايم من مشكله بمشكله
زوجي قالي زوريهم بالمناسبات واحسن لك مابينك وبينهم صلة رحم
يوم 16-6موعدي بالحكومي اول زياره بمستشفى الجامعي ..ولا عمري دخلنه معرف طريقتهم ونظامهم
دايم اقضي ملابس الحمل من الرياض واولد عندهم ..بس هالحمل مقدر لانهم توأم ..وللحين معرف وين اروح علشان ادور شي البسه
اللي معنا وبجده لاتبخل علي باسماء محلات تبيع تنانير حمل مقاسات كبيره استعداد للكرشه
وبجايم بيت قطن ومريحه
معليش طولت عليكم ...
بنات حبيت اقول شي بس يارب تفهمون علي
اختنا يارحيم ارحمني ..الحين لو بكتب لك واناديك فيها خطاب لله سبحانه لان اسم يارحيم من اسماء الله الحسنى
فلو ناديتك بيارحيم ارحمني ..
انا مابي الفتن والله بس لو تغيرين معرفك باسم غيره وتحطين يارحيم بالتوقيع حقك افضل وسد لباب الذرائع
لان ممكن يجي بعدنا جيل فهمهم للدين يسير ويسلكون طريقك ..وانتي ماقصدك الا الدعاء ..
فالعذر منك لاتزعلين بس والله كلمة حق ولازم اقولها علشان ضميري يرتاح
واعرف ان قلبك ابيض ونيتك طيبه

استودعتكم الله جميعا

[الخمائل]

انا معكم بقراءه سورة البقره كل يوم بحول الله وقوته
بديت فيها من قبل لا احمل بثلاثة اشهر الحمدلله
كنت اقراء عشر صفحات وانفث وامسح ع راسي
وعشر صفحات وانفث وامسح ع صدري
وعشر صفحات انفث وامسح ع رحمي
واختمها بالمعوذات
والله يكتب اللي فيه الخير

[أماني آل ظاهر]

المشاركة الأصلية كتبت بواسطة أحلى أيام العمر

أماني كيفك حبوبه الله يفرحك بشوفة توينزك سليمين ويعينك ويقويك ع تربيتهم بس انا عندي ملاحظه ارجو انك تتقبليها هيا انو امك ماتدري انو عندك توأم ؟بصراحه قويه اذا ماقلت لامي لمين اقول اسمحيلي بس لو كنت قلتيلها كان ع الاقل قرت ظروفك ووقفت معاك في الفتره الصعبه ذي موفقه حبيبتي

هلا غلاتي ، الحمد لله أنا بخير والحمد لله مو تاعبني الا موضوع الثقل وان شاء الله ايام وتعدي بس لا تنسينا من دعواتج الحلوة
حبيبتي ملاحظتج على راسي وعيني ، وأمي حقها تعرف أول وحدة إني حامل بتوأم ، بس انتي لو تعرفين أمي رح تعذريني ، أمي وايد حساسة وأقل شي فعيالها تتعب على طول ، ولو درت أمي بموضوع التوأم رح تقعد تحاتيني 30 ساعة في اليوم !!! وهي صحتها ما تسعفها ، تخيلي أمي اذا شوي سمعت صوتي متغير بالتلفون ما ترقد لين ما تييني بروحها أو تحلفني وتحلف زوجي إني بخير ، وانا وايد تخاف علي لأني أبعد بناتها عنها ، تخيلي مرة سافر زوجي أسبوع شغل ورحت بيت أهلي ، تخيلي على اليوم الثاني سوتلي قضية لأنها سمعت انيني بالليل بسبب التشنج واليبوسة ف ريولي ، والله ما حسيت انا اني كنت ائئن لأني من التعب نمت من الخاطر بس هي انتبهت ، وطبعا الصبح سوتلي تحقيق وقعدت تبجي ، وقالت لرفيجتي عشان تيي معي وقالت لها اني تعبانة وما أرقد الليل وعشت ف يوم صعب لين ما قنعتها انها حالة عادية وكل الحوامل يمرون فيها ، صدقيني أمي لو درت عن السكري وكل التعب اللي لاقيته ف حملي رح تتعب أو رح تجبرني أسكن معهم لين ما أخلص حملي .


بس أمي شاكة إني حامل بتوأم قاللي زوجي إنها دقت عليه وسألته كذا مرة بس ما قدر يقولها وتعب من كثر اللف والدوران

أمي ما شاء الله عليها تحس وتعرف باللي يصيب عيالها ولو كانوا بكوكب ثاني ، بس مثل ما قلتلج ، مقدر أقولها لني أخاف عليها وان شاء الله باجي شهر وكلهم بعرفون .

[عاشقة الغروب]

السلام عليكم كيفكم ياصبايا احبيت ادخل وياكم انا حامل بأول السابع بتوأم الله يتمملي ع خير

[عاشقة الغروب]

بنات ولي سلمكم حبيت اسأل عن ابرة الرئه متى اخذها

[أحلى أيام العمر]

فديتك اماني الله يفرح قلبك وقلب امك
عاشقة الغروب الف مبروك التوينز الله يتمم لك بالخير

[عاشقة الغروب]

الله يبارك فيك احلى ايام العمر🌹🌹