تجمع حوامل ليبيا

يقين · 11-20-2011, 02:41 PM

حي شوفتوا الاخبار القاهره مقلوبه يستر الله كان ما يولي فيلم زمان وتنقلب ونروحوا بعدين معاش تحز

عيون زوجي · 11-20-2011, 02:46 PM

صباح الخير كيف حالك يا ميمونه ويا يقين ان شاءالله كويسات واموركم تمام
البارح سجلانكم غياااااااااااب
ميمونه بنجوك الخميس نتغدوا عندك كل بنات القروب انتي شاقيه شاقيه بالمرة كل وحدة معاها صغارها وماتنسيش تخلي لرجالتنا كل واحد بروحه يلي تروح تاخد حصة راجلها
يقين ماعادش جيتك لاني هدرزت مع سلفتك وقالتلي هلبه كلام ماتوقعتاش منك بكل بكل بس دسيتها في قلبي
ليبيا صباح البريوش السخون الحلو زيك

عيون زوجي · 11-20-2011, 02:49 PM

تسكني بعيدة على ميدان التحرير ولا قريبه
قصدي الدوشة والمشاكل تأثر في حركتم وشارعكم ولا لا

ام وسونة · 11-20-2011, 02:53 PM

صباح الخذرات رالليرات

علي احلي بنات ليبيا كيف حالكم وشن احوالكم

وخيه يقين كيف حال والله البارح فتاتك تهدريزا مش عادية

هههههههه

وخيه ميمونة تسلميلي يارب علي هالكلام الحلو وربي

يعطيك علي قيس نيتك

وخيه متفائلة توكلي علي الله وديروا تحليل تاني بالك

ربي يغير الاحوال راهو كله بيد ربي وبالنسبة للمصاريف

التلقيح والعلاج 3 تونسي يعني قريب 4 ليبيات لانا صرفنا

100 ب87 تونسي لكن توا قالوا ااجني بجنيه لكن المصاريف

من الشهر 10 لاتوا 12 الالف لان المرات الاولي سكنا في فندق

بس توا في شقة والله الجيه هادي بس اخدت مننا 8 الالف ويارب

يجيب نتيجة ياااااااااااارب ويسخرلك حتي انتي

وخيه ام ناريز كيف حالك ولاباس علي نوزة لكن ماعندكش حق

راجلك مسكين قعد بروحه ولين ينادي عليك المفروض مافتحتيش

الكمبيوتر اصلا ومشيتي رقدتي بنيتك وفضيتيله توا هكي تبي

عقاب توا نقول لميراس هههههههههه

ام وسونة · 11-20-2011, 02:56 PM

صبااااااااح الخير لاحلي وخيه عيون

كيف حالك بعد السهرية البارح هههههههه

عيون زوجي · 11-20-2011, 03:29 PM

صباح السرور والنور مع انه قايله عندنا
تصدقي يا ام وسن البارح قعدت للساعه 4 امفنصه بروحي
واليوم خدتني نومه والصغار ما ناضوش بكل للساعه 12 انخلعت لما شفت الساعه نضت جري ونوضتهم بعدها ب 10 دقايق اتصل زوجي وسئلني امتى نوضتي قتله بكري بكري ههههههههههه
الحمدلله الحوش الصغير مرات نعمه فيسع كملت قضيتي وفطرت صغاري وقعمزت
مدايرة بريوشه فيها (جبنه وزيتون) وتفاحه هدا فطور وغداء 2 في 1
والصغار بعد شوي انوض اديرلهم دحي مقلي كوجبه غداء بعد ساعه من توا لانهم شبعانين

عيون زوجي · 11-20-2011, 03:32 PM

سبحان الله يعز من يشاء ويدل من يشاء

ام وسونة · 11-20-2011, 03:46 PM

ههههههه ضحكتيني ياعيون اني البارح ارقدت قريب الواحد

فقت حشاك علي عراك ولاد ليبيين وبنات توانسة في الشقة

اللي فوقنا من الساعة4 واني نفنص لساعة6 هذا علاش فقت

متاخر اليوم شن فكرتي اديري الغدي ولامازال

عيون زوجي · 11-20-2011, 03:47 PM

صورة سارة بحجابها ماشاءالله ابنيتي من صغرها ملتزمه

عيون زوجي · 11-20-2011, 03:51 PM

مش مدايرة راجلي متغدي برا وصغاري فطروا اماخر اريحلي من حوسه الكوجينه واللماعين
وانتي شنو غداك اكيد جاهز لان الحركة مش لازمه ليك