دردشة بنات العراق, دردشة حوامل العراق , تجمع بنات العراق

[المغتربه المتفائله]

هلو مساء الخير

شلونكم

حبي ام هيمو منورره شلونج وايهومي الحلو شلونه يارب بخير

ميوش شلوونج حبي مشتاقتلج شخبارج وابرار الحلوه شلونه

مراوي اليوم ماكو ان شاء الله تكون ولدت الله يكومه بالسلامه

سلامي للماموجودين والموجودين توته وسرى

[بشارة]

هلو بنات شونكم حبيباتي ...

اني تعباااااانه كلش و بعدني انتظر رحمة رب العالمين

ادعولي بارك الله بيكم

سلامي لكم جميعا

[شعور الامومة]

صباح الخير عليكم شلونكم بنات شخباركم

[شعور الامومة]

سارة شلونج مشتاقين شلونهة ملوكة فدوة لقلبها مكبرت ونشنشت شوية
سرى غايبة يارب تكوني بخير
تارة ميوش ام مهدي سمر ام قبس ام جمانة
مراوي يارب تولدين بالسلامة وتكون ساعة سهلة عليج كولي ياالله واقري ادعية لتسهيل الولادة انشاء الله
ام ايهومي الف عافية وتسلمين ياورد

[المغتربه المتفائله]

هلووو صباح الخيررر

شلونكم بنات


رورو حبي الحمد لله زينه اني وملوكه
بعده وزنه قليل حته الدكتوره كالت رضعيه زياده
مديزيد وزنه هواي اني ارضعه وانطيه مميه

انتي شلونج قلبي اخبارج مشششتاقتلج

[المغتربه المتفائله]

مراوووي حبي الله يعينج
صح تعب هاي الفتره وخاصتا انتضار الولاده
واني وصلت لمرحله اليأس بس انتي خليج
تفكرين راح تشوفين الننوشه وحاولي ترتاحين
تنامين لان بعد ما تولدين بالسلامه مراح تنامين
ابد هههههههههههه ننوشتج تخلصه سهر
ان شاء الله تكومين بالسلامه انتي نوره
وتجين تبشرينه بولادتج

[المغتربه المتفائله]

رورو حبي شفت بالصفحات انتي كاتبه على حجم البويضه
شوفي قلبي هاي ابد ماتعتبر مشكله وحجم البويضه 16 جدا طبيعيه
وانتي رحتي بيوم 14 من الدوره يعني بعد كدامه تكبر
اني جنت كل شهر اروح اسوي فحص تطلع 18 ومرات اكبر
والله ما يريد يصير حمل وما يصير بيه حمل وكلش هواي
اخذت ابر التفجيريه وما فاد ولو تصدكين اني الشهر الحملت بي
رحت سويت سونار وطلعت 14 حجمه وكلت هاذا الشهر مراح يصير حمل
ونسيت الموضوع وفاتت الدوره يومين وطلع حامل
انتي حاليا ابد لاتاخذين منشطات ولا شي من يصير الكم
سنه كامله متزوجين وما صار لاسامح الله تروحين تفحصين
هاي مو مني الكلام هاذا علميا الدكتوره تكول هيجي وهسه
ابحثي بالكوكل وتلكين هاذا الكلام
وبالنسبه للمنشطات اسأليني عليه متت منه اربع سنوات
من كثر ما اخذته كام البويضه تكبر وتصير وما تنفجر
حته لو اخذ ابره التفجيريه واقوى شي
انتي توكلي على الله وانسي الموضوع
ولاتدخلين وي زوجج بنقاش على الحمل
شفتي شلون سويتي مشكله بينج وبينه
من كلتي على حجم البويضه صغيره
وكلج السبب منج وتبقون واحد يجرح بالاخ بالكلام

الله شاهد عليه اعتبرج مثل اختي
واريدج تاخذين بنصيحتي اني تبهذلت بالعلاجات
وكل يوم رايحه لمستشفى شكل وبدون نتيجه
شكد زوجي جان مساندني وما يكول لا على اي شي اريده
بس تصدكين اخر فتره كمت اروح وحدي للمستشفى على السونار
والتحاليل حته مترجمه ما اخذ وياي من اكوله اريد اروح للمستشفى
يكول عليمن رايحه بدون نتيجه ويكولي المترجمه مشغوله وي الزبائن
يعني ملخص الكلام الرياجيل شكد مايبقه وياج ويساعدج هم يمل
انتي لاتعبين نفسج وتعبي من هسه بالدكتوره خلي تمشي الايام طبيعي

كل العلاجات والمراجعات مفادتني بس الاستغفار وقرائه سوره البقره لمده شهرين
من بديت بيهم صار عندي حمل

حجيت هوووواي بس والله لان قلبي عليج وشايله همج واحس بيج شلون شاغلج الموضوع
الله يرزقج الحمل بالقريب العاجل يارررررررررب

[شعور الامومة]

بعد عمري سارة الله يخليج اليه اني هم اعتبركم صديقاتي وخواتي
اني ماأخذ اي علاج ولااريد اي علاج بس اريد دكتورة دكولي شنو الفحوصات الي اسويهة حتى اتاكد ماكو شي والباقي مسألة وقت الحمد لله اني مقتنعة وراضية
الله يحفظلج ملوكة ويرزقج بعبوسي ويحفظلج ابو الجهال

[المغتربه المتفائله]

اييي عفيه حبي لاتاخذين علاج
وكتلج حته الفحوصات لازم بعد مايمر سنه
تحتاجين تسويه والدكتوره تحدد شنو لازم تسوين
واكثر الازواج بعد ست اشهر يصير حمل
واكو بعد سنه يصير هاذا طبيعي
لان جسمج وهرموناتج بعده مامستقره
مشكوره حبي على دعائج الحلو
الله يرزقج بالذريه الصالحه ويحفضلج زوجج

[شعور الامومة]

هلا بسارة وينج موجودة