تجمع حوامل ليبيا

[المتفاااائلــــه]

شنو وييينكم .. انوووض نررقد ماعادش في حد ؟؟؟؟؟؟؟

[ميمونة]

السلام عليكم ورحمة الله وبركاته

تبـــــــــــــــــــارك الرحمن عليكم وعلي الهدرزه شن هذا درتولي حتي رنه خشيت باهي ياايــــــــــــــه ياصديقتي العزيزه خيانه عيني عينك


ايــــــــــــــــــه//تبارك الرحمن علي اسوله ماشاءالله كبرت ربي يحفظها ليك هيا وخوها ايوب واكيد مانسوش الرياضي زوجك تاج راسك

عـــــــــــــــيون/كيف حالك وحال بنيتك سروره ووليدك انشاءالله تمام شن تعزمي في الخميس تفضلي مرحبتين بيك والله علي فكره سالتي علي نسرينا تكلم فيا الحق حالها باهي والحمد لله


متفائله//ربي يرزقك بالحمل يارب وديما ادعي //- "ربِّ لا تذرني فردًا وأنت خير الوارثين". علي فكره التحليل العادي كويس بس الافضل المزرعه

ام وسونه//توصلي بالسلامه لارض الوطن هانت اهو //الخميس عقبال ماتبشرينا بالحمل يارب يتبته وينبته غير كثري الدعاء والاستغفار


"اللهم إني أستودعك جنيني الذي في رحمي، أنت الذي لا تضيع ودائعك يا الله".

- "اللهم احفظ جنيني واحْمِه، وامسكه أن يسقط، وأتم حمله على خير".

- "اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خير".

- "اللهم صوِّره في أحسن صورة ونجِّه من كل تشويه ومرض".

- "اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه، متعاونًا مع إخوته، نافعًا لأمته، زخراً للإسلام والمسلمين".

[المتفاااائلــــه]

المشاركة الأصلية كتبت بواسطة ميمونة

السلام عليكم ورحمة الله وبركاته

متفائله//ربي يرزقك بالحمل يارب وديما ادعي //- "ربِّ لا تذرني فردًا وأنت خير الوارثين". علي فكره التحليل العادي كويس بس الافضل المزرعه

".

آآآمين يااارب
"رب لا تذرني فردا وأنت خير الوارثين "
" رب هب لي من لدنك ذرية طيبة إنك سميع الدعاء "

[المتفاااائلــــه]

" آية " كلمت مصحة الفردوس وقالولي ان الدكتور " عبدالحميد الصويعي " ماعادش يشتغل معاهم .. يشتغل في عيادة ثانية .. لكن قالولي انهم مايعرفوش وين يشتغل ... بالله كان عندكم رقمه وتقدروا تكلموه ... وسئلتهم على التحليل قالولي ايديروا فيه شني رايك زعمة تشجعيني انديروه عندهم ... زعمة قاعدين كويسين والا تغيروا حتى اللي يخدموا في المعمل ..

[ليبياقلبي]

تبارك الرحمن علا الهدرزة ياريتني معاكم هدا انا ياحنا كعدت نكتب وهو يقولي نبيك تعالي تكعكزي جنبي مشيت بنشوفه نوزة لقيتها تعيط نصبيته قالي نقولك مش مكتوبلي اليوم مرة تانية تو نحجز بكري ههههههههههه هو ركد وانا كعدت حاصلة في نوزة شكلها ودانها يجعوا فيها بعدان بدلتها وركدتها وركدت ختى انا لانا يومي شاق اليوم

[ليبياقلبي]

ونحكيلكم علا عرس صاحبيتي طبعا العرس كعاد مبديش يوم الاربعاء والخميس بس انا امس مشيت شوفتها لقيتها فرحانة 9سنين يبوا بعضهم مش مصدقة تخيلوا التاس كلا فرحانيللها من يوم عرفتها وهي يبوا بعض امس ياحنا ديرنا جو شورنا ودربوكة كان نقوللكم انا مهمومة من الاحدات حتى فرحة ابو شفشوفة خاطري نمشي لميدان الشهداء ميمشتش علشان الشيباني تخيلوا من جيابي هالهياجة محصليتها جو غناء وجو
واليوم فاتحتها بنمشي نلود علا وجهي وبنصبغ وبعدان بنمشيلها وغدوة بندير الحلوة بس الحنة منظنيش نحني قتلي ماما رزينة عيب

[ليبياقلبي]

ام وسونة ربي يتبتلك يارب العالمين
متفائلة ربي يرزقك يارب العالمين انت وميراس وتمورة الحبيبة

[المتفاااائلــــه]

المشاركة الأصلية كتبت بواسطة ليبياقلبي

ام وسونة ربي يتبتلك يارب العالمين
متفائلة ربي يرزقك يارب العالمين انت وميراس وتمورة الحبيبة

آآآآآآآآآآآآآمين يااارب ... والله شكرا هللبة ليييكم كلللكم وماتتخيلوش قداش انتوا رحمة ربي دلني عليكم والله نقصتوا عليا التخميم والهم هلباااا ... الحمد لله ان شااء الله ربي يحفظكم كلكم ويعطيكم ماتتمنوا يااااارب ... ومايحرمناش من بعضنا ..

[ليبياقلبي]

هي صباح الفل علا الحلوات

[يقين]

السلام عليكم كيف حاااااااااااالكم استااااااااااااااحشتكم كلكم مبروك علي الانتصارواعتقال سيف الاحلام العقبه للزمره الهاربه سبحان الله لاحضتوا حاجه يابنات معمر شن دار في الشعب حبس وقتل وشرد ناس وخلاهم يهربوا للخارج شوفوا ردهوله ربي كله وضوق مراته زي ما ضاقوا المهات المسكينات ضاقت موتهم وحبسهم وتشردهم اللهم لا شماته
ميمونه كيفك حبوبه وربي يعاونك ويرجع بوك وامك بالف خير وبعدهم بشهرين نفرحوا بيك انتي ويقسملك ربي بنصيب حلال علي قيس هالنيه الطيبه يارب اللهم امين
عيون كيف حالك و حال صغيويرتك تي وين علاش معاد جيتيني قبل كنتي مدايره عليا طريق خيرك العفو باك سامعه شي قولي تربحي
ام نوزه كيف حالك وحال شيابينك وبنوتك وراجلك وين ما فيش اخبار جديده علي شيبانيك
ام وسونه كيفك انت وبنيتك اسمعي جيبيلي معاك من تونس شويه مقروض وبلغه تونسيه باهي خاطرني فيهم راهو اسمعي ياام وسونه اشريهولي ودهميهم عليا في مصر وبعين روحي لليبيا
مرووووووووووووووووسه كيف حالك وحال صغارك خوفتيني بعد قتيلي سلفتي حتعاود الكلام تعرفي يا ميراس ما فيهن خير غير مرات نحس في روحي بننفجر نحكي لاين حد وعيبي اني نوثق في الشخص علي طول ومانشكش في حد الله غالب وبالنسبه لسلفي والله مع اني مضايقه من الوضع والتقييييييييد لكن حراااااااااااااام مانبيله في حاجه وزمان ماما تقول مايدغر في داره كان الكلب حشاكم فاني مش من النوع اللي يبين زعله لضيف وبالنسبه لخدمتي ليه والله نخدم فيه بعيوني تحديد وغسل وتطبيق دبش ربي عالم اني اللي مزعلني التقيد والحبس ربي يعاوني وخلاص
تموره كيفك وكيف راجلك ان شالله تمام اليوم قرضت ربطين بطل ضبحت عليك لين عيت ما بيتيش تطلعي من الرباطي مانبيش نقرضك لكن انت عبس مابيتيش تردي خلك تو راني قرضتك هههههههههه
متفائله كيفك حبيبتي وكيف النفسيه نبوها كويسه عاده مانبوش انهيار ولا نكد خليك عاديه ماشي وبالنسبه للكلمه اللي قلتها متاع معاش نبي صغار حاضر معاش نعاودها واني اسفه وانت تامري امر وكلامك علي راسي من فوق
ايه كيف حالك وربي يحفضلك بنوتك وتربي في عزكم وتشبحيها عريس
ام اجنادين كيف حالك ومبروك حصلتي من يحنيك ان شالله تطلع حلللللللللللللوه وتهبل اسمعي ام اجنادين خليني نمكيجك كان عندك عرس راهو اني نعرف نكيج مكياجي اللي نمكيج فيه زي خبيرات التجميا بالزّزززززززبط ما فيش فرق بكل الا اني نديرلك الروج فوق العيون والضلال علي الفم هههههههه ما تخافيش نبصر معاك
ام محمد كييييييييييييييييييييييييييييييف حالك وحال النونو وشن الجو عندكم بالنسبه للوحم يتم في الرابع وتفتكي بس في الخامس او السادس بتبدا الحموضه ووووووووووووووووو ارف ههههه نبشر فيك بس يمكن ماتجيكش اني جتني وشردتني بكل
هاتو كيف حالك وحال بنيتك ووليدك ان شالله بخير