سيدات ليبيا الحبيبات ..تفضلووو

خوله 2014 · 03-27-2014, 01:52 AM

بالامس احبتي في الله رزقني الله باحلي ميدو ولله الحمد والشكر واسال الله العلي القدير ان يكون من حملة كتابه العزيز وان يكون من الدرية الصالحة والبار بوالدية يا رب وان شااااءالله ربي يرزق كل محروم يااارب درية صالحة
الولادة طبيعي والحمد لله لكن يا اخواتي بالله ان تدعو لولدي بالشفاء العاجل لما جبت القو الاكسجين مقطوع عليه وتوا هوا في المستشفي وما نقدرش ناخدة الا بعد اسبوع لان فيه بعض الكشوفات الي بيديروها عليه بالله اخواتي ادعو معاي ربي يسلملي ولدي وايرجعهولي صحيح معافاه يااااااااارب

هدية الخالق · 03-27-2014, 02:14 AM

بسم الله ماشاء الله ألف ألف مبروك ميدو يا خوله والحمد لله علي سلامتكم والحمد لله اللي جبتي طبيعي وارتحتي
وان شاء الله لاباس عالعزري ربي يشفيه ويحفظهلك اللهم أمين
احكيلنا كيف جبتي طبيعي كيف كانت ولادتك ؟
دارولك لف للبيبي والا هوا غير وضعيته بروحه وكيف حالك إنتي توا إن شاء الله ما تعبتيش

خوله 2014 · 03-27-2014, 03:26 AM

بارك الله فيك يا هدية يا اوخيتي علاهتمام
والله الحمد لله طبيعي لكن هيا الي لفاته وقصة صارت معاي طوييييله اني توا بنمشي نزور ولدي ونطمن عليه وبنشوف كان نقدر نرضعة او نخزنله حليب باش يعطوهاله وان شاءالله امتي يشرفني في الشقة نفضي ونحكيلكم بالتفصيل كيف صار معاي

جوهرة ليبيا · 03-27-2014, 03:59 AM

السلام عليكم ورحمة الله وبركاته

جوهرة ليبيا · 03-27-2014, 04:01 AM

خوله

الف الف الف مبرررووووووك الوليد

وان شاء الله من حملة كتاب الله

وربي يحفظه ويشفيه يااااااااااااااااااااارب

وينور شقتك وهو بكاامل صحته وتكتمل فرحتك

جوهرة ليبيا · 03-27-2014, 04:04 AM

هدهد هدهد

ياغاااليه ربي يهون عليك غربتك وتمشي الايام بسرعه وترجعوا

بالف خير بين اهلك وناسك

والف مبروك علي وخيتك وربي يتمم فرحها

ويسعدها وربي يباركلهم في حياتهم ويجتمعوا عالخير يااارب

جوهرة ليبيا · 03-27-2014, 04:10 AM

شموووووسه الغاليه

صدمه كبيرة لما قريت الخبر

ربي يصبرك ويهون عليك ضيقك ويفرج كبرك ياااااااارب العالمين

جوهرة ليبيا · 03-27-2014, 04:12 AM

ام وسونه

الف لابااااس عالحبوبه زهاء

ربي يشفيها ويعافيها وطمنينا بالله عليها

ويارب اتكوني انتي وكل العيله بخير

جوهرة ليبيا · 03-27-2014, 04:14 AM

ام فراس

وينك مختفيه ان شاء الله خير

جوهرة ليبيا · 03-27-2014, 04:18 AM

الحمد لله الحمد لله

حتي اني الاسبوع لي فات بنوتاتي

مرضي هللبه سلامتهم بذات الصغيره

زكمه حراره ترجييع حشاكم

والكحححححه قريب ماتت منها

لدرجة تالت يوم متحسنتش قلنا بنرفعوها لتونس

الصدر خطير لما يمرض بيه العيل الصغير

والحمد لله توا احسن بهلبه كله من فضل ورحمة ربي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليبيا ,, بلدي الحبيب,, بلد الطبيعة والتراث ,, ليبيا بلد الزهر والحنة..	sosolibya	المـنـتـدى الـعـام	15	02-15-2014 12:46 AM
تجمع سيدات ليبيا الغاليات..	sosolibya	ملتقى عضوات حوامل	993	02-11-2014 02:13 PM
حبيباتى سيدات ليبيا تفضلو لأعرف ما حالكم	sosolibya	ملتقى عضوات حوامل	8849	12-11-2013 08:25 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM