تجمع الحوامل اللاتي سيلدن بشهر محرم 1432

[زهرة البنفسج]

هلا فيك رماد حياك معانا ..
الله يسهل علينا يارب ونقو بالسلامه..
بس ماتدرين متى تنتهي التخفيضات لاني قلت ان شاء الله بجهز نهاية الشهر السابع ومدري ابدأ الحين ولا انتظر

[ثلجه فوشيه]

زهرة البنفسج اذا عرفتي جنس الجنين ومتأكده منوو ابدأي لانو والله التجهيزات تتعب
وحيكون صعب عليكي تنزلي وانتي ثقيله الله يعين يااارب ..

الكروشه انتي من مكه ياسسسسسسسلام مبسووطه :)
حبيبتي مدامك خبره أجل بستلمك اسأله ..
من فين تآخذي ارواب النفاس حقتك ؟؟
اممم كمان ابغى اسأل عن السرير حق البيبي من فين اشتريتيه ؟؟
وفين حتوولدي ؟؟ اي دكتوره ؟؟ واي مستشفى ؟؟

[▂▃ سوسو القمر ▃▂]

كروووووشااات هو البيبي يحس بامه اذا كانت متضاااايقه؟؟؟

[رماد الشوق]

قلب نوافي

أيوة أختي أكيد الجنين يحس بأي شيء يصير للأم
سواء مضايقه ولا سعيدة وترى كثر الحزن و الزعل يأثر على نمو الجنين ،، ،، ،،

بالأخـــر أختي ماافي شيء في هالدنياا يستااهل الزعل ،، ،،

دمتي بخير

[آلاء]

شكرا يا قلب نوافي ويا كار باردة
يعني لازم افتح ملف
بس المشكلة اني لسة مو عارفة وين بدي اولد
انا بالمدينة المنورة
في حدا منكم يا كروشات بالمدينة؟.

[رماد الشوق]

السلام عليكم ورحمة الله وبركاته

زهرة البنفسج

بس ماتدرين متى تنتهي التخفيضات لاني قلت ان شاء الله بجهز نهاية الشهر السابع ومدري ابدأ الحين ولا انتظر

التخفيضات بدأت من أسبوع و راح تستمر من أسبوعين إلى 3 أسابيع وطبعاً كلهاا على البضائع الصيفية ،، إذا راح تجهزي هالأسبوع أحتمال تلاقين شيء لكن إذا راح تأجلي ما أعتقد بتلاقي شيء بالسوق ،، لأنه كل شي رااح يخلص ..

دمتي بخير

[دلوعة بالحيل]

كيفكم كروشات وكيف البيبهات يارب كلكم بخير

[مزgggن الشرق]

* هذا جدول كروشات شهر محرم 1432 هـ *

الحبوبه - 15 / 3
لسعة شقاوه & حجازيه - 18 / 3
الكروشه & قلب نوافي - 23 / 3
آلاء - 27 / 3
دلوعة خالد - 28 / 3
عاشقة الجنه & ماء زير & النار البارده & رماد الشوق - 1 / 4
احلى عبوره - 4 / 4
نواعم النعومه 5 / 4
دلوعه بالحيل 6 / 4
ام سعود 2007 & منتظره - 7 / 4
الحق المبين - 12 / 4
ام فهيد & ام الخلفاء - 13 / 4
إيمان & لعيونه أحيا & زهرة البنفسج - 14 / 4
نبض قلب حمني - 16 / 4
ذكريات الماضي - 18 / 4
محجبه & جوري الدمام - 21 / 4
ثلجه فوشيه - 24 / 4
روحي فدآآآهـ - 25 / 4
مزgggن الشرق - 26 / 4

تم إضافة ( رماد الشوق )



اللي حابه تنظم معانا , تكتب تاريخ آخر دوره هنا ,,,

اللهم زد وباركـ , وهون علينا يارب ياكريم

[مزgggن الشرق]

Ϡ₡Ξ_‗كيف تبدئين تجهيزاتك بطريقة ذكية... ‗_ΞϠ₡

بما اننا كلنا ان شاء الله على وش ولاده .. حبيت اني افيدكم خواتي في موضوع التجهيزات ..



كيف نجهز ومتى نبدا .. و شو الطريقة .. تفضلوا معايه في هالموضوع
الشامل..





بعض الحوامل يكونون متلهفين على التجهيزات .. فيحبون يبدون يشترون أول ما يعرفون إنهم حوامل.. والبعض الآخر ما يتنشط الا يوم يعرف جنس المولود .. وعاد في منهم باردين الفواد اللي ما يتذكرون المشاري لين الشهور الاخيره ههههههه هاذيل حالتهم صعبه يبالهم موضوع بروحهم..




أول خطوة اختي الحامل.. انج تعرفين شهر ولادتج المتوقع ..






مثل ما انتوا شايفين في هالصورة .. قسمنا السنه حسب الفصول..
يعني مثلا .. يوم بتكون بنتي من عمر 0 إلى 3 شهور .. بيكون صيف لأنه شهر 6 و 7 و 8 .. فبالتالي اللبس اللي بشتريه من 0-3 لازم يكون يراعي هالشي .. وما يكون شتوي .. الأفضل اني البسها فانيله داخليه و فوقها فانيله ثانية علشان أتحكم بمدى احساسها بالبرودة والحرارة بس مب اني اشتريلها شتوي .. (})



فياليت كل وحده تسوي نفس المخطط هذا بورقة وقلم على اساس تعرف مشترياتها لكل عمر كيف بتكون .. شتوية .. خفيفه .. أو وسط ... وبيساعدكم وايد فالمشتريات ..






الخطوة الثانية اختي الحامل.. هو انج تعرفين نوعية مشترياتج .. بغض النظر عن جنس البيبي .. يعني البنت والولد بيحتاجون نفس الاشياء الاساسية .. بس فاللبس تفرق لو كان اللون وردي وأزرق .. أما بقية الاشياء الاساسية فعادي تناسب الجنسين..


وطبعا في وايد قوائم لمشتريات الحامل .. مافي مانع تطلعين عليهم كلهم علشان تستفيدين ..




أنا بحط لستة مشتريات مسوتنها الاخت أم خلفان و شفتها في كذا موضوع ..









متى نبدأ التجهيزات..

من رايي و تجربتي الشخصية .. انه التجهيزات المفروض تبدا من الشهر الرابع .. سواء عرفتي جنس الجنين ولا لا.. لأنه لازم تكونين مخلصه كل شي قبل الشهر التاسع .. بما معناه انه عندج تقريبا 4 شهور تقسمين فيها تجهيزاتج ..




مثل ما انتوا شايفين في اللسته اللي فوق.. انه التوزيعات تنقسم الى هالفئات:


- تجهيزات البيبي ( لبس و اغراض مثل عدة الاستحمام والسرير وغيرها)


- تجهيزات الأم ( لبس و سوالف استقبال من ترتيبات اكل وتوزيعات)


ولكن الاسعار تقص الظهر مثل ما انتوا عارفين .. فاللي يحاتي ميزانية البيت المفروض يقسم الاشياء الغالية و يوزعها على الشهور الاربعه ..





والاشياء الغالية من تجربتي هي: طقم سرير البيبي - الترولي أو عربانة البيبي - لبس الاستقبال


أما الاشياء الثانية فنقدر ناخذ شوية منها كل شهر .. لحد ما نخلص الكمية اللي محتاجينها..











بعض النصائح العامة



- خلج على اطلاع دائم بمواسم التنزيلات .. مثل تنزيلات رمضان .. مهرجان التسوق .. مهرجان الصيف وغيره .. لأنه في هالاوقات تلاقين الاشيا نص السعر أو اقل أحيانا.. ما تتخيلين شكثر بتوفرين على نفسج بهالطريقة .. انا افتكيت من الشهر الرابع والخامس خذت ثلاثة ارباع اللبس من التنزيلات وكله بنص السعر او اقل.. الحمدلله





- ضروري جدا تسئلين خواتج أو معارفج من ذوي الخبرة عن أفضل ماركات الاشياء الخاصه بالبيبي.. يعني مثلا اسئلي شو احسن ماركة حق ترولي.. وهم من خبرتهم بيرشحون لج شي .. بدال لا تجربين في نفسج ..





- الاطفال (z)(x) (z)(x) في الشهور الاولى يتضايقون من الفوانيل الداخليه اللي تنلبس من فوق .. وخاصة اللي يكون فتحة الراس فيها صغيره .. فالافضل انج تاخذين اللي ينلبس ويتسكر عالبيبي مثل الروب .. أو انج تاخذين النوعية اللي فتحة الراس فيها واسعة ..





- لبس الاطفال ينغسل واااااااايد ماشالله .. فلازم تاخذين ماركة تكون تتحمل الغسيل وما تنكمش او تتمزع من الغسيل .. مثل ماركة نكست و مذركير و كارتر.. (y)





- لبس الاطفال بعمر نيو بورن .. ما ينلبس الا اسبوعين أو اقل على حسب البيبي .. وعقبها الطبيعي انه البيبي بيحتاج يلبس 0-3 شهور .. و اكثر عمر بيستهلكه البيبي هو عمر 3-6 .. (i)


و الافضل انج ما تعورين راسج بلبس 6-9 شهور من قبل لا تربين .. أولا لأنه على الاغلب الناس بييبونلج هدايا كثيرة بهالسن .. وثانيا انج لاحقه على هالعمر عقب بتقدرين تاخذين اشيا يديده .. وفري ميزانيتج على اللي محتاجتنه أول .. :ss:





- الاطفال من عمر 0-3 شهور .. وحتى لين عمر 5 شهور يكونون ما ييلسون فما ينفع تكثرين لهم من الفساتين وهالسوالف المب مريحة للبيبي الصغير اللي يقضي وقته كله طايح.. لأنه البيبي يتضايق.. اللبس المفضل بيكون الاوفرول او السبوحه .. سواء كان للبيت أو للطلعات .. الموديلات والالوان تختلف وبتلاقين منها اشيا حلوة ..











- الطفل (z) فالشهور الاولى دايما بيكون محتاج يغطي راسه سواء شتاء او صيف .. علشان التكييف وايد يكون خطر عليه .. بس طبعا غطا الراس او القحفيه لازم فالصيف تكون خفيفه فراعي هالشي حسب موعد ولادتج في أي فصل من السنه.. لقيت في Gap قحافي خفااف و قطن حلوات .. صح شوي غاليات بس سعرهم فيهم (y)



- لازم تسوين جدول بالاحتياجات .. و تقسمينه حسب السن بالشهور .. وكل ما تشترين شي عدلي على الملف و ضيفي الكمية اليديدة .. علشان ما تكررين الاشياء بدون حاجة أو تنسين تشترين شي معين وتتأزمين بعدين ..





- كميات الاشياء ترجع لج .. بس تقدرين تقولين في حد أدنى لكل غرض .. مثلا القماطات وايد تخيس ووايد تستخدم اول كمن شهر .. وهي تقريبا رخيصه .. فلازم يكون عندج عالاقل 8 قماطات .. وعلى الغالب عقب ما تربين وتبدين تطلعين للسوق بتشترين زيادة بس اتركي هالموضوع للوقت و خذي الحد الادنى .. ويمكن يوصلج بعد فالهدايا .. الفوانيل الداخليه من سن نيوبورن عالاقل يكون عندج 6 .. و 0-3 عالاقل 10 .. 3-6 عالاقل 15 (f)







- البنات ممكن يلبسون كل الالوان .. حتى الازرق الغامق لو كان الديزاين حلو وبنوتي .. فمب شرط تخلين كل شي وردي علشاان هي بنت .. بالعكس الالوان الفرايحيه تطلع احلى عاليهال .. فممكن تاخذين:


للبنت: اصفر - بيج - اخضر - بطيخي - احمر ..
للولد: اصفر - بيج - اخضر - برتقالي - احمر ..



بس اللي يفرق هو الديزاين .. ولا الالوان حلوة عالكل





- بالنسبة لأغراض الحمام ضروري جدا يكون عندج مقياس الحرارة مال الماي علشان البيبي (i) .. وهالشي بيوفر عليج وقت وبيحفظ البيبي بعد .. و بالنسبة لحوض الاستحمام الافضل انج تشترين النوعية اللي يكون فيها صمام علشان مجرد ما تفتحينه يتسرب منه الماي وتقدرين تردين تصبين فيه بدون ما تنقلين البيبي...


وبعد لا تنسين تاخذين النوعية اللي يكون فيها ستاند ملبس باسفنجة ناعمه علشان يطيح عليها البيبي بدال لا اتمين مساندتنه براسه .. انا لقيت هالنوع في مذركير .. واايد عملي







- اول ما تدخلين التاسع المفروض تكونين مخلصه كل التجهيزات لأنه في أمهات ممكن يربون من الاسبوع ال36 وهالشي طبيعي .. وعلى الاغلب انه بتكونين ثقيله ومالج خاطر تلفين فالاسواق فبتاخذين اي شي تشوفينه جدامج بدون ما تفكرين فيه حلو ولا مفيد .. (n)





تقدرين تخلين موضوع الكريمات والشامبو والصابون والبامبرز وهالسوالف حق التاسع .. لأنه هذي بروحها بعد لها سعرها .. بس عالاقل تكون اشيا يديده ومب انه تامه عندج فالكبت من شهور.. انا عن نفسي باخذ اغراضي من موستيلا.. نقلا عن اختي الله يخليها ..






- بالنسبة للتوزيعات (*) .. لازم تفكرين في شي مفيد .. اللي بيي يزورج بيستخدمه .. أو مثلا شي ينأكل.. محد يقول لا حق الكاكاو هههههه .. بس ابتعدي عن التوزيعات اللي فيها مجسم ورده (f) و هالسوالف اللي الناس بصراحة ما تستخدمها .. بس تخسرين عليها فلوس عالفاضي..




ومن رايي بعد ابتعدي عن العطور كفكرة توزيعات لأنه الناس اذواق وصعب تلاقين شخصين يتفقون على ريحة معينه يقولون لج حلوة .. أما عن الكمية فهي على حسب زواركم ..




اسئلي اختج اذا ربت قبلج أو اذا كنتي اكبر بنت اسئلي مثلا بنت خالج او عمج .. وشوفي معارفج انتي اذا كان عندج وايد معارف وزوار حطي عالاقل 70 حبه .. واذا اكثر زيدي .. وعالعموم هالشي اذا زاد ما بينفر .. لأنه حتى اللي بيزورونج فالبيت تقدرين تعطينهم لين تخلص الكمية ..









- حطي في بالج انه بتييج (g) هدايا (g) مختلفه .. بعضها بيكون اوريدي عندج .. وشارتنه وللأسف بتخلينه وممكن تهدينه حد ثاني عقب او تعطينه محتاج .. وبعضها بيكون حلو وبتستفيدين منه ..


الافضل انه المقربين منج واللي تدرين انهم جذي ولا جذي بياخذون لج هديه مثل اخوانج وخواتج .. تتفقين وياهم على شو يشترون علشان تشطبينه انتي من لستتج .. وخذيها من باب السوالف او يمكن هم يفتحون وياج هالموضوع ولا تستحين تقولين لهم علشان تسهلين الامور عليج وعليهم .. ممكن ياخذون لج السرير أو الكبت أو الترولي .. يعني بيوفرون عليج عالاقل ألف أو الفين ريال..









- في اشياء تستخدم واااااااايد فضروري تكون بجودة عالية حتى لو خسرتي عليها اكثر (y) .. بس المهم تكون جودتها عالية .. مثل سرير البيبي لأنه بيرقد عليها حوالي ال 3 سنين (z) .. فمب خساره تاخذين له شي جودته عاليه ينفعه ويكون أمان عليه ما تخافين ينكسر منه شي ويكون خطر .. وراعي بعد انج تسئلين المحل اذا كان عليه ضمان ولا لا.. والغالب انه هالسوالف عليها ضمان .. (y)





اتمنى انه تكونون استفدتوا من الموضوع .. صح تعبت على نقله لكم بس المهم انه حد منكم يستفيد ويدعيلي ان ربي يقر عيني في طفلي واولد بالسلامة ومشكورييييييين ...
يهون علي دراستي ,,, اللهم آمين

[منتظره]

ماشاء الله موضوع مفيد الصراحه ومتكامل

الله يعطيكي الف عافيه ماقصرتي

الله يهون عليج ويوفج في دراستج

ويسهل علينا يارب