تجمع اللي بيولدوا في شهر ربيع الثاني 1434

[أم جنى فديتها]

اللي تعرف تسوي توقيع أحلآ تسويه هع

[غـلا ..~]

أم جنى أيش هالإبـــدآآع
تسسلم يــدك مرررا حلووو
أنا فاشله بالتصميم بس لو وحده تقدر تكبره يطلع توب الـتوب

[وتين الحب]

صباح الخير كيفكم كروشات الله يسعدكم اللي ولادتها 6/4او موعد قريب من هدا تقولي متى اخر دوره لها لاني ماني فاكره اخر دوره بس هدا التاريخ بالتصوير وشكرا

[نسمة المساء]

صباح الفل للجميع ... الظاهر كل كروشات تجمعنا خفافيش يصحون بالليل وينامون بالنهار ... كيفكم يا عسولات سليتوني وأنا أقرأ إلي كتبتوه الله يسعدكم ...

بنات كل وحدة تقلنا هي من وين؟ ووين ساكنة؟

وأنا أول وحدة بعرفكم بحالي :
أردنية
ساكنة بجدة
عندي طفل واحد
عطالة بطالة جالسة بالبيت بدون شغل هههه مع إني دارسة جامعة ترى ههه احلفي يا شيخة


يالله يا حلوين ننتظركم وبتركلكم المايك

[أحساس طفلهـ]

غلاوي

انا ادرس في ثانوي
هذا انا شايله هم الدراسه شلون ادرس وانا حامل
شكلي بأجل الدراسه للسنه الجايه
اما بالنسبه حق اللبس انتي مسكينه مافيه تنانير حق حوامل >> أبد ماتتشمت
اما انا عادي اقدر اضيق المريوول واوسعه على كيفي


ام جودي 3

هههه والله انك فلله
اجل انتي مثلي مرجوجه توني اليوم جالسه فوق طاولة مكتب ابو الشباب
واسولف عادي الا رن التيلفون وانقز نقزه موو بصاحيه
تالي ابو الشباب هزاني وعطاني نصاايح شطولها
>> هع هعع ولا نصيحه سمعتها كاان بالي بعييد


لا ماطلعت لي كرييشه !!! يمكن انتي فيك من قبل
الله ونااااسه تخيلي تطلعين حامل بتوأم
تصيرين مثلي >> تقنعك بالتوام

هههههه
ان شاء الله يطلعون يشبهون بعض
انا ودي ببنتين او ولديين


غلاووي

اييه افا عليك انا قدها وقدود
>> تبين الصراحه كله افكر شلوون اقوم بهم لحالي
وانا بيصير ماعندي خدامه واهلي مو موجودين
شكلي بسوي نفس محبوبه في ذاك المسلسل
بربطهم فيني وبقعد احووس بهم هع هعع


ابتسامة الحياه

ياهلا والله تو مانور التجمع
بشريينا عنك شخبارك وشخبار الحمل معاك



ام جنوو

تسسلم دياتك العسسل
التووقيع رووعه ماشاء الله

نسمة المساء ياهلا

اممممم
انا من الاحساء
هذا اول حمله لي بكرييه
ادرس في ثانوي للحين ماخلصت دراسه



بنووووووتتتتتات
شرايكم امركم بسيارتي هذي

ونروح نتسووق ونحوس ونمتر السوق تمتير
>> عاد اول وحده بتركب ام جودي مسكيينه محبووسه ماتطلع

لالاتتهاوشون كلكم بتركبون
ادري ادري ان سيارتي حلووه وكشخه واخر مودييل

[غـلا ..~]

إحسآآآسوو > ماتعرف تدلع
ياقلبي على بنت الثانوي > مسويه كبيره هههههه
على كيفك مافي تنانير حمل ههههه بالجامعه كثير حوامل كروشتهم ياكبرها
شكلي بأوقف وحده منهم وأسألها مافي حل غير كذا
لأني شفت بناطيل وتنانير بس قصيره بالله مين الحامل الفاضيه تكشخ بتنوره قصيره هي وكرشتها هههه
نصيحتي لاتأجلي لو قدرتي كملي أنا بأضغط على نفسي وأكممل
لأني راح أطفشش بالبيت > دافورهـ الأخت
الله يعينك ياقلبي على التوائم شكلك بتعلقين واحد برقبتك والثاني على ظهرك

نسمة المساء
أنا من المديـنه فديتها , خلصت أول سنه بالجامعه .. وهذا أول حمل لي

أم رتيل ياهلا وغلا وحشتينا

كروشات أنا مع الغثيان والوحام مالي خلق أطبخ ولا أنظف ولا أسوي شي
كل يوم أكل من براااا طفشت بس مو بيدي

[أم جنى فديتها]

مممممماشششاءءء الله عليك أحساس طفله هههههههههههههههههههههههه
طلعتي حرتك في الهذره
يﻵ نركب السياره كلشششش وﻵ السوق أفآ عليش
من ناحية التوقيع»»»الله ييسسلمک لووول

غﻵ..~ الله يسسلمك ماسوينا شي تستاهلون ياكراريشنا

بحكي لكم عن نفسي
أنا من اﻷحساء الشرقيه
مادرس وﻵشي فاضيه والفضاوه ماكلتني هههههههههععععععع
عندي 3 أوﻵد «««««بنزوجهم بنات أم جودي الثﻵث هههههههههه
وعقبال ماجيب حبيبة قلبي البنوته يارب تطلع بنت يارب

[ام جودي3]

مرحبا كروشات كيفكم ان شاء الله بخير
احساس يالمرجوجه خفي من رجتك شوي تراني خفيت هههههه
والسياره كان تكفي لنا كلنا قدام الله وناسه اول مااركب بقول اقرب سوق على يمين ههههههه
ام جنى تسلمين اوي اوي على التوقيع بس فعلا لو يكبر شوي طيب وش رايك نعطيه حليب عشان يكبر خخخخ ظريفه

بنات ابشركم بروح السوق بعد شوي بصراحه احساس لا يوصف بعد جلسه في البيت
يومين ونص

بالنسبه لمعلوماتي انا ساكنه في الرياض
عندي 3 بنات الله يخليهم لي ويخليهم لعيال ام جنى في المستقبل خخخ
وجالسه بالبيت لا شغله ولا مشغله تسدح وتبطح لا غير
اما الشهاده امممممممممممم شهادتي ياطويلات العمر اللي فوق البكلريوس ههه

[نسمة المساء]

هههههههههه مبارك سلف للحموات أمم جنى وأم جودي ... وترى أم جنى لو فيك بنت بناخذها لولدي الأول هههه يالله ردولنا خبر يا جماعة

[ام رتيل]

اهليييييييييييين حوااامل
كييييفكم وكيف الكراريش الصغيره ؟
ام جنى ياااااقلبي الله يعينك ويسهل لك وتقومي بالسلامه ياااارب
يعني مانشوفكم الا حوامل وبعد كذا تختفوا هههههههه